ગુજરાત ભાજપ પ્રદેશ અધ્યક્ષ,રાજ્યમંત્રી જગદીશ વિશ્વકર્મા સહિતના નેતાઓએ વલાસણ ખાતે મેલડી માતાજીના દર્શન કર્યા

ગુજરાત ભાજપ પ્રદેશ અધ્યક્ષ,રાજ્યમંત્રી જગદીશ વિશ્વકર્મા સહિતના નેતાઓએ વલાસણ ખાતે મેલડી માતાજીના દર્શન કર્યા

પ્રદેશ પ્રમુખ જગદીશ વિશ્વકર્માએ આણંદના નાવલી સ્થિત ભાજપ કાર્યાલય 'કમલમ' ખાતે ભાજપના હોદ્દેદારો તેમજ આગેવાનો સાથે બેઠક યોજી

આણંદ ટુડે | આણંદ

ગુજરાત ભાજપના પ્રદેશ અધ્યક્ષ અને રાજ્ય મંત્રી જગદીશ વિશ્વકર્મા ગુરૂવારના રોજ આણંદની મુલાકાતે આવ્યાં છે. જગદીશ વિશ્વકર્માએ સૌપ્રથમ વલાસણ સ્થિત મેલડી માતા મંદિરે દર્શનાર્થે પધારેલ , જ્યાં તેમણે શ્રી રમણભાઈ સોલંકી-કેબિનેટ મંત્રીશ્રી–અન્ન અને નાગરિક પુરવઠા, શ્રી કમલેશભાઈ પટેલ, રાજ્ય કક્ષા મંત્રીશ્રી – નાણાં, પોલીસ હાઉસિંગ, બોર્ડર સિક્યોરિટી અને નશાબંધી, શ્રી સંજયભાઈ મહિડા, રાજ્ય કક્ષા મંત્રીશ્રી પંચાયત, રૂરલ હાઉસિંગ અને મહેસૂલ, શ્રી મિતેશભાઈ પટેલ -સાંસદ આણંદ, શ્રી યોગેશભાઈ પટેલ (બાપજી), ધારાસભ્ય- આણંદ, શ્રી વિપુલભાઈ પટેલ, ધારાસભ્ય સોજીત્રા તથા મહામંત્રીશ્રી-ભારતીય જનતા પાર્ટી - આણંદ તેમજ શ્રી મહેશભાઇ પટેલ, પૂર્વ પ્રમુખ - ભારતીય જનતા પાર્ટી - આણંદ જિલ્લા, શ્રી સુરેશભાઇ પટેલ, ચેરમેન, ચરોતર ગેસ સહકારી મંડળી સાથે મેલડી માતા મંદિરે માતાજી સમક્ષ શીશ ઝુકાવી આશીર્વાદ મેળવ્યા હતા આ સમયે સર્વે મહાનુભાવોનું મેલડી માતા મંદિર ટ્રસ્ટ, વલાસણ તથા સીયારામ ફાઉન્ડેશન ટ્રસ્ટ તથા વલાસણના સરપંચ તથા ગ્રામજનો હાજર રહી ફુલહારથી સ્વાગત કર્યું હતું .

ત્યારબાદ તેઓ આણંદ શહેરમાં આવેલા BAPS શ્રી સ્વામિનારાયણ મંદિર તેમજ અંબાજી માતાના મંદિરમાં દર્શન કરી, આશીર્વાદ મેળવ્યાં હતાં. ત્યાર પછી તેઓ નાવલી સ્થિત ભાજપ કાર્યાલય 'કમલમ' ખાતે પહોંચ્યાં હતાં. જ્યાં પ્રદેશ પ્રમુખ જગદીશ વિશ્વકર્માએ ભાજપના હોદ્દેદારો તેમજ આગેવાનો સાથે બેઠક યોજી હતી.