ચારૂસેટની 22 સ્ટુડન્ટ સ્ટાર્ટઅપ ટીમોને રૂ. 8.50 લાખની ગ્રાન્ટ એનાયત
ચારૂસેટની 22 સ્ટુડન્ટ સ્ટાર્ટઅપ ટીમોને રૂ. 8.50 લાખની ગ્રાન્ટ એનાયત
વિવિધ ટીમોને રૂ. 10,000 થી લઈને રૂ. 1.20 લાખ સુધીની ગ્રાન્ટ પ્રાપ્ત થઇ
આણંદ ટુડે | ચાંગા
ચારુસેટ યુનિવર્સિટી સંલગ્ન ચારુસેટ સ્ટાર્ટઅપ અને ઇનોવેશન સેલ (CSIC) વિદ્યાર્થીઓને નવીનતા અને ઉદ્યોગસાહસિકતા અપનાવવા માટે સતત પ્રોત્સાહિત કરી રહ્યું છે. આ પહેલ હેઠળ તાજેતરમાં 22 સ્ટુડન્ટ સ્ટાર્ટઅપ ટીમોને ગુજરાત સરકારના શિક્ષણ વિભાગ તરફથી સ્ટુડન્ટ સ્ટાર્ટઅપ એન્ડ ઇનોવેશન પોલિસી (SSIP) 2.0 અંતર્ગત કુલ રૂ. 8.50 લાખનું અનુદાન પ્રાપ્ત થયું છે.
આ કાર્યક્રમમાં ડૉ. કામિની સોલંકી, ડૉ. મિત્તલ દેસાઈ અને ડૉ. પ્રિયંકા પટેલે ચારુસેટના વિદ્યાર્થીઓને પ્રોજેક્ટ/સીડ મની ગ્રાન્ટ સેન્કશનના ઓર્ડર એનાયત કર્યા હતા. વિવિધ ટીમોને રૂ. 10,000 થી લઈને રૂ. 1.20 લાખ સુધીની ગ્રાન્ટ પ્રાપ્ત થઇ હતી. વિવિધ પ્રોજેક્ટ્સ અને સીડ મની માટે કુલ રૂ. 8.50 લાખની ગ્રાન્ટ એનાયત કરવામાં આવી હતી.
સમગ્ર કાર્યક્રમ ચારુસેટ યુનીવર્સીટીના ઇન્ચાર્જ પ્રોવોસ્ટ અને રજીસ્ટ્રાર ડો. અતુલ પટેલ તેમજ CSIC કો-ઓર્ડિનેટર ડૉ. જૈમીન ઉંડાવિયાના માર્ગદર્શન હેઠળ યોજવામાં આવ્યો હતો. ઉલ્લેખનીય છે કે CSIC દ્વારા સમર્થિત આ પહેલ ગુજરાતના એજ્યુકેશનલ લેન્ડસ્કેપમાં ઈનોવેશન અને પરિવર્તન લાવવા માટે તૈયાર છે, જે ઉદ્યોગસાહસિકોની નવી પેઢીને સતત પ્રોત્સાહન આપે છે.
