આણંદ ખાતે ફિટ ઇન્ડિયા, ફિટ મીડિયા થીમ અંતર્ગત મીડિયા કર્મીઓ માટે હેલ્થ સ્ક્રિનિંગ કેમ્ય યોજાયો

આણંદ ખાતે "ફિટ ઇન્ડિયા, ફિટ મીડિયા" થીમ અંતર્ગત મીડિયા કર્મીઓ માટે હેલ્થ સ્ક્રિનિંગ કેમ્ય યોજાયો

ઇન્ડિયન રેડ ક્રોસ સોસાયટી, આણંદ ખાતે જિલ્લાના ૩૯ જેટલા મીડિયાના મિત્રોએ આરોગ્યનું સ્ક્રીનીંગ કરાવીને કેમ્પનો લાભ લીધો

આણંદ ટુડે | આણંદ, 
લોકશાહીના ચોથા સ્તંભને મજબૂત  બનાવવાની મૂહિમ ઇન્ડિયન રેડ ક્રોસ સોસાયટી, ગુજરાત રાજ્ય શાખા અને રાજ્ય સરકારના ઉપક્રમે મીડિયા કર્મીઓના હેલ્થ ચેક અપ" ફીટ ઇન્ડિયા, ફિટ મીડિયા" કાર્યક્રમ ગત વર્ષે મુખ્યમંત્રીશ્રી ભૂપેન્દ્રભાઈ પટેલ દ્વારા લોન્ચ કરવામાં આવ્યો હતો.

જે અન્વયે ચાલુ વર્ષે પણ જિલ્લાના મીડિયા કર્મીઓનો આરોગ્યલક્ષી સ્ક્રીનિંગ કેમ્પ આણંદ ઇન્ડિયન રેડ ક્રોસ સોસાયટી અને જિલ્લા માહિતી કચેરી આણંદના સંયુક્ત ઉપક્રમે યોજાયો હતો. 

આ કેમ્પમાં લોહીની ટકાવારી, લીવર ફંકશન, લિપિડ પ્રોફાઈલ, કિડની ફંક્શન, એસ યુરિક એસિડ, કેલ્શિયમ, થાઈરોઈડ ટેસ્ટ, વિટામીન બી- ૧૨, વિટામિન ડી, ડાયાબિટીક માર્કર એચબીએવનસી અને એફ બી એસ, ૫૦ વર્ષથી વધુ વયના પુરુષો માટે પ્રોસ્ટેટ ટેસ્ટ, ૩૫ વર્ષથી મોટી  ઉંમરના પુરુષ અને મહિલા માટે એક્સરે ચેસ્ટ તથા ઇસીજી ટેસ્ટ કરવામાં આવ્યા હતા. 

આજે યોજાયેલ હેલ્થ સ્ક્રિનિંગ કેમ્યમાં જિલ્લાના ૩૯ જેટલા પ્રિન્ટ તથા ઇલેક્ટ્રોનિક મીડિયાના મિત્રોએ પોતાના આરોગ્યનું સ્ક્રીનીંગ કરાવીને કેમ્પનો લાભ લીધો હતો.

આ વેળાએ ઇન્ડિયન રેડ ક્રોસ સોસાયટી,ગુજરાત બ્રાન્ચના અધિકારીશ્રીઓ,આણંદ ડિસ્ટ્રિક્ટ બ્રાન્ચના ચેરમેન દેવેન્દ્રભાઈ પટેલ, એમડી પેથોલોજિસ્ટ ડોક્ટર બિનિતા દવે, સિનિયર ટેકનીશિયન વૈશાલીબેન ચૌહાણ, રજતભાઈ પટેલ, તુષારભાઈ પારેખ, ફિઝિયોથેરાપી ડિપાર્ટમેન્ટ સહિત વિદ્યાર્થીઓએ સેવા આપી હતી.

આ પ્રસંગે આણંદ માહિતી વિભાગના અધિકારી/કર્મીઓ અને  જિલ્લાના પત્રકાર મિત્રો ઉપસ્થિત રહ્યા હતા. 
***