આણંદના અધિક કલેક્ટર ઋતુરાજ દેસાઈ બન્યા ગુજરાત વહીવટી સેવા એસોસિએશનના પ્રમુખ
આણંદના અધિક કલેક્ટર ઋતુરાજ દેસાઈ બન્યા ગુજરાત વહીવટી સેવા એસોસિએશનના પ્રમુખ
મહામંત્રી તરીકે એન. આર. ધાધલ અને ખજાનચી તરીકે શિવરાજ ગીલવાનીની વરણી
આણંદ ટુડે | ગાંધીનગર
ગાંધીનગર ખાતે યોજાયેલી ગુજરાત વહીવટી સેવા એસોસિએશન (સરકાર માન્ય) ની વાર્ષિક સામાન્ય સભામાં નવા હોદ્દેદારોની વરણી કરવામાં આવી. બેઠકમાં ગુજરાત વહીવટી સેવાના અધિકારીઓ મોટી સંખ્યામાં ઉપસ્થિત રહ્યા હતા.
GAS સંવર્ગમાંથી IAS સંવર્ગમાં બઢતી મેળવનાર અધિકારીઓનું વિશેષ સન્માન કરવામાં આવ્યું હતું તેમજ નિવૃત્ત અધિકારીશ્રીઓનું વિદાય સન્માન પણ કરવામાં આવ્યું. બેઠકના એજન્ડા મુજબ ૦૧ એપ્રિલ ૨૦૦૫ પહેલાં નિમણુંક પામેલા અધિકારી/કર્મચારીઓને જૂની પેન્શન યોજના (OPS)માં સમાવેશ કરવા બદલ રાજ્ય સરકારનો આભાર પ્રસ્તાવ પણ પસાર કરવામાં આવ્યો.
આ પ્રસંગે એસોસિએશનની કામગીરીને વધુ સુચારૂ બનાવવા માટે માહિતીસભર GASA મોબાઈલ એપ નું લોન્ચિંગ પ્રમુખશ્રી મિતેષ પંડ્યા (IAS) ના હસ્તે કરવામાં આવ્યું હતું .
નવી કાર્યકારિણીમાં પ્રમુખ તરીકે આણંદ જિલ્લાના નિવાસી અધિક કલેક્ટર ઋતુરાજ દેસાઈ ની વરણી કરવામાં આવી છે. જ્યારે મહામંત્રી તરીકે અધિક કલેક્ટર એન. આર. ધાધલ તથા ખજાનચી તરીકે અધિક કલેક્ટર શિવરાજ ગીલવાની ની પસંદગી કરવામાં આવી છે.
ઉપપ્રમુખ તરીકે અધિક કલેક્ટર સંવર્ગમાંથી વિજય રબારી, કેયુર જેઠવા, ધર્મેશ મકવાણા તથા નાયબ કલેક્ટર સંવર્ગમાંથી ભૂમિકા વટાલીયા અને મહિપતસિંહ ડોડિયાની નિમણુંક કરવામાં આવી. સહમંત્રી તરીકે રવિરાજસિંહ પરમાર, સન્ની પટેલ, જબુકા કોટડીયા, સુરજ બારોટ, ચંદ્રવિજય પ્રજાપતિ, આરતી ગોસ્વામી, ભાવિન કથિરીયા, સિધ્ધાર્થ ત્રિવેદી અને આદર્શ બસેરની નિમણુંક થઈ.
નવનિયુક્ત પ્રમુખશ્રીએ જણાવ્યું કે ગુજરાત વહીવટી સેવા એસોસિએશન હંમેશા રાજ્ય સરકારની નીતિઓ સાથે સુસંગત રહી ગુજરાતના નાગરિકોની સેવા માટે પ્રતિબદ્ધ છે અને આવનાર સમયમાં વધુ કાર્યદક્ષતા સાથે કામગીરી કરશે.
