આણંદ જિલ્લા કલેક્ટર શ્રી પ્રવીણ ચૌધરીનું બેસ્ટ ઇલેક્ટોરલ પ્રેક્ટિસીસ એવોર્ડથી સન્માન

આણંદ જિલ્લા કલેક્ટરશ્રી પ્રવીણ ચૌધરીનું બેસ્ટ ઇલેક્ટોરલ પ્રેક્ટિસીસ એવોર્ડથી સન્માન

રાજ્યપાલ શ્રી આચાર્ય દેવવ્રતજીના હસ્તે રાષ્ટ્રીય મતદાતા દિને ગાંધીનગરમાં થયું સન્માન

આણંદ ટુડે | આણંદ

આણંદ જિલ્લામાં સફળ અને અસરકારક ચૂંટણી વ્યવસ્થાપન તેમજ નવીન મતદાતા જાગૃતિ પ્રવૃત્તિઓ બદલ આણંદ જિલ્લા ચૂંટણી અધિકારીશ્રી તથા જિલ્લા કલેક્ટર શ્રી પ્રવીણ ચૌધરીને બેસ્ટ ઇલેક્ટોરલ પ્રેક્ટિસીસ કેટેગરીમાં રાજ્ય કક્ષાનો એવોર્ડ એનાયત કરવામાં આવ્યો છે.

રાષ્ટ્રીય મતદાતા દિન નિમિત્તે ગાંધીનગર ખાતે યોજાયેલા રાજ્યસ્તરીય કાર્યક્રમમાં ગુજરાતના રાજ્યપાલ શ્રી આચાર્ય દેવવ્રતજીના હસ્તે શ્રી પ્રવીણ ચૌધરીને આ સન્માન અપાયું હતું.

આ પુરસ્કાર આણંદ જિલ્લામાં મતદારોમાં જાગૃતિ વધારવા, પારદર્શક ચૂંટણી પ્રક્રિયા અને નવીન અભિગમથી અમલમાં મુકાયેલી કામગીરીની રાજ્ય સ્તરે થયેલી નોંધ તરીકે માનવામાં આવી રહ્યો છે.