ઇન્ડિયન રેડક્રોસ સોસાયટી આંકલાવ તાલુકા શાખા ખાતે મોબાઈલ એક્સ-રે વાનનો લોકાર્પણ કાર્યક્રમ યોજાયો.
ઇન્ડિયન રેડક્રોસ સોસાયટી આંકલાવ તાલુકા શાખા ખાતે મોબાઈલ એક્સ-રે વાનનો લોકાર્પણ કાર્યક્રમ યોજાયો.
છેવાડા ગ્રામ્ય વિસ્તારના લોકોને એક્સ-રે જેવી દુર્લભ સેવા હવે ઘર આંગણે મળશે - ઉપેન્દ્ર ભોઈ
આણંદ ટુડે | આણંદ
આણંદ જિલ્લાના આંકલાવ તાલુકામાં આવેલ આસોદર ચોકડી પાસેના ઓમ શરણમ્ કોમ્પ્લેકસ સ્થિત ઇન્ડિયન રેડક્રોસ સોસાયટી આંકલાવ તાલુકા શાખા ખાતે
એક્સ-રે વાનનો લોકાર્પણ કાર્યક્રમ યોજાઈ ગયો.
07 મી ઓગસ્ટ 2025ના રોજ ઇન્ડિયન રેડક્રોસ સોસાયટી આંકલાવ તાલુકા શાખાને LIC Golden Jubilee Foundationના કોર્પોરેટ સોશિયલ રેસ્પોન્સિબિલિટી (CSR) સહાય હેઠળ મળેલી મોબાઇલ એક્સ-રે વાનનું વિધિવત લોકાર્પણ LIC નાં અધિકારીઓ દ્વારા કરવામાં આવ્યું હતું. અને સદર સેવાકીય કામગીરી અંગે સંક્ષિપ્ત માહિતી આપવામાં આવી હતી.
આ પ્રસંગે સંસ્થાના ચેરમેન ઉપેન્દ્રભાઈ ભોઈ દ્વારા ૫ વર્ષ દરમિયાન આંકલાવ શાખા દ્વારા કરવામાં આવેલી કામગીરી તથા ઉપલબ્ધીઓ વિષે તેમજ મોબાઈલ એક્સરે સેવાની જરૂરીયાત અને મહત્વ અંગે વિસ્તારપૂર્વક માહિતી આપવામાં આવી હતી. તેમણે ઉમેયું હતું કે મોબાઇલ એક્સ-રે સેવાનો મુખ્ય હેતુ છેવાડાના વિસ્તારોમાં રહેલા લોકો સુધી એક્સ-રે જેવી દુર્લભ સેવાને ઘર આંગણે પહોચાડવાનો છે, ખાસ કરીને ટી.બી., શ્વાસ સંબંધી રોગો, પથારીવશ દર્દીઓ, વૃદ્ધો, અકસ્માત સમયે તાત્કાલિક એક્સ-રે સેવા તેમજ સમાજના તમામ જરૂરિયાતમંદ લોકો સુધી સેવા પહોચાડવાનો છે, આ સેવા દ્વારા અસંખ્ય વ્યક્તિઓને સમયસર નિદાન અને સારવાર શક્ય બનશે, અને આરોગ્ય સેવા ક્ષેત્રે રેડક્રોસ શાખાનું વધુ એક મજબૂત સ્વપ્ન સાકાર થશે . તેમણે ઇન્ડિયન રેડક્રોસ સોસાયટી આંકલાવ શાખાએ LIC Golden Jubilee Foundationન દ્વારા અપાયેલ આ મહત્વપૂર્ણ દાન માટે આભાર વ્યક્ત કર્યો હતો.અને ભવિષ્યમાં વધુ સહકારની આશા વ્યક્ત કરી હતી.
આ પ્રસંગે LIC વેસ્ટર્ન ઝોનનાં ઝોનલ મેનેજર તેમજ LIC Golden Jubilee Foundation પ્રતિનિધિ મનોજકુમાર ,અરૂણ કુમાર રાજદાન (રીજીઓનલ મેનેજર માર્કેટિંગ વેસ્ટર્ન ઝોન), હિમાન્સુ પટેલ (સિનીયર ડિવિઝનલ મેનેજર નડીઆદ ડિવિઝન), સુમન શાહ (માર્કેટિંગ મેનેજરશ્રી નડીયાદ ડિવિઝન), ધવલ બ્રહ્મભટ્ટ (મેનેજરશ્રી સેલ્સ નડીયાદ, ડિવિઝન) સ્થાનિક આરોગ્ય વિભાગના અધિકારીઓ તેમજ રેડક્રોસના હોદ્દેદારો ઉપસ્થિત રહ્યા હતા.
સમગ્ર કાર્યક્રમનું સંચાલન બોરસદ LIC શાખાનાં શાખા અધિકારી આર.બી. શાહ તેમજ ઇન્ડિયન રેડક્રોસ સોસાયટી આંકલાવ તાલુકા શાખાના ચેરમેનશ્રી ઉપેન્દ્ર ભોઈ તથા ટીમ દ્વારા સફળ રીતે કરવામાં આવ્યું હતું.
