આણંદ-૨૯૦ શાળાની ૫,૭૯૦ દીકરીઓને સેનેટરી પેડ પેકેટ્સનું વિતરણ

આણંદ-૨૯૦ શાળાની ૫,૭૯૦ દીકરીઓને સેનેટરી પેડ પેકેટ્સનું વિતરણ

રોટરી ક્લબ આણંદ રાઉન્ડ ટાઉન તથા કન્યાસ્ ચાન્સ જર્મન દ્વારા 5790 દીકરીઓને રીયુસેબલ સેનેટરી પેડ પેકેટ્સ વિતરણ માટે વર્કશોપનું આયોજન કરાયું

આ વર્કશોપમાં આણંદ, ખંભાત, સોજીત્રા, તારાપુર અને ઉમરેઠ તાલુકાની ૨૯૦ શાળાના 315 શિક્ષકો તથા બ્લોક કોઓર્ડિનેટરો ઉપસ્થિત રહ્યા

શ્રેષ્ઠ પોસ્ટર પ્રદર્શિત કરનાર ૭ વિજેતાઓને એવોર્ડ તથા ‘બેસ્ટ ઑફ ધ બેસ્ટ’ પોસ્ટર વિજેતાને વિશેષ એવોર્ડ આપી બહુમાન કરાયું

આણંદ ટુડે | આણંદ
રોટરી ક્લબ ઑફ આણંદ રાઉન્ડ ટાઉન દ્વારા કન્યાઝ ચાન્સv (જર્મન એનજીઓ), આણંદ જિલ્લા શિક્ષણ તંત્ર અને ચરોતર એજ્યુકેશન સોસાયટીના સહયોગથી “માસિક સ્વચ્છતા મેનેજમેન્ટ " (MHM) વિષયક વિશાળ વર્કશોપનું આયોજન આણંદની ડી.એન. હાઈસ્કૂલના પ્રાર્થના મંદિર હોલ ખાતે 29 ઓગસ્ટના રોજ કરવામાં આવ્યું હતું . આ વર્કશોપમાં આણંદ, ખંભાત, સોજીત્રા, તારાપુર અને ઉમરેઠ તાલુકાની ૨૯૦ શાળાના 315 શિક્ષકો તથા બ્લોક કોઓર્ડિનેટરો ઉપસ્થિત રહ્યા હતા .
કાર્યક્રમની શરૂઆતમાં ક્લબ પ્રેસિડન્ટ રોટેરિયન મિહિરભાઈ પટેલે સૌનું સ્વાગત કર્યું. ત્યારબાદ પ્રોજેક્ટ ચેર ડૉ. ઉમા પટેલે કન્યાઝ ચાન્સ સંસ્થા વિશે વિગતવાર માહિતી આપી હતી .
ક્લબ લિટરસી ચેર રોટેરિયન ગૌતમભાઈ મેહતાએ પ્રોજેક્ટની વિશેષતાઓ રજૂ કરી અને જણાવ્યુ કે આ જર્મન એનજીઓ દીકરીઓના શાળામાંથી drop outs ના મુખ્ય કારણ – માસિક દરમિયાન સાધનોના અભાવ – દૂર કરવા માટે રોટરી તથા જિલ્લા શિક્ષણ તંત્ર સાથે મળીને કાર્યરત છે.
અને શિક્ષકો દ્વારા આ મિશન આગળ વધારવાની મહત્વપૂર્ણ ભૂમિકા પર પ્રકાશ પાડ્યો હતો .
આ અવસરે જિલ્લા પ્રાથમિક શિક્ષણ અધિકારી ડૉ. અર્ચનાબેન પ્રજાપતિએ માસિક સ્વચ્છતા એ દીકરીઓના શિક્ષણ માટે અગત્યનો મુદ્દો છે એવો સંદેશ આપ્યો અને શિક્ષકોને પોતાની જવાબદારી નિભાવવા પ્રેરિત કર્યા હતા .
કાર્યક્રમ દરમિયાન મુખ્ય અતિથિ જિલ્લા વિકાસ અધિકારી દેવીહૂતિબેન (IAS) એ રોટરી તથા કન્યાઝ ચાન્સ એનજીઓના આ પ્રયત્નને બિરદાવ્યો અને દીકરીઓ સુધી માસિક સ્વચ્છતા વ્યવસ્થાપન તથા પેડ વિતરણ અને માહિતી પુસ્તિકા પહોંચાડવાની કામગીરીને પ્રશંસનીય ગણાવી.સાથે ચરોતર એજ્યુકેશન સોસાયટીના કેમ્પસ ડિરેક્ટર મહેશભાઈ પટેલે પોસ્ટર એક્ઝિબિશનનું નિરીક્ષણ કર્યું અને તેમણે આશીર્વચન આપ્યાં તેમજ પ્રોજેક્ટ અને રોટરી ક્લબની કામગીરીને બિરદાવી હતી .
વિશેષરૂપે પીડીજી નિહિરભાઈ દવે હાજર રહ્યા અને જણાવ્યું કે છેલ્લા પાંચ વર્ષથી કન્યાઝ ચાન્સ સાથે મળીને આ કાર્ય ચાલી રહ્યું છે, જે ચરોતર એજ્યુકેશન સોસાયટી તથા જિલ્લા શિક્ષણ તંત્રના સહકારથી શક્ય બન્યું છે. તેમણે ઉમેર્યું કે રોટરી હંમેશા સમાજ હિતનાં કાર્ય માટે સદૈવ તત્પર રહ્યું છે.

વર્કશોપ દરમિયાન ૨૯૦ શાળાના કુલ ૫,૭૯૦ દીકરીઓ માટે reusable પૅડ કિટ અને MHM માહિતી પુસ્તિકા જીલ્લા શિક્ષણ તંત્રની CRC-BRC ટીમને હેન્ડઓવર કરવામાં આવ્યા.
વર્કશોપમાં સ્ત્રીરોગ નિષ્ણાત ડૉ. કેશા સાલ્વીએ રસપ્રદ ક્વિઝ દ્વારા જ્ઞાન આપીને સત્રને વધુ ઈન્ટરેક્ટિવ અને રસપ્રદ બનાવ્યું.

સાથે સાથે ૨૯૦ શાળાઓમાંથી શ્રેષ્ઠ પોસ્ટરો પ્રદર્શિત કરવામાં આવ્યા. શ્રેષ્ઠ કૃતિઓમાંથી ૭ વિજેતાઓને એવોર્ડ તથા ‘બેસ્ટ ઑફ ધ બેસ્ટ’ પોસ્ટરને વિશેષ એવોર્ડ અપાયા.

આ સમગ્ર કાર્યક્રમમાં રોટરેક્ટ ટીમે મહત્વપૂર્ણ યોગદાન આપ્યું. રોટરેક્ટર જાનકી ઠક્કરે કાર્યક્રમનું સંચાલન કર્યું, જ્યારે પ્રેસિડન્ટ શુભમ દવે, ટ્રેઝરર મીત શાહ તથા અન્ય સભ્યોએ કાર્યક્રમને સફળ બનાવવા સહકાર આપ્યો.

આ પ્રસંગે રોટરી પરિવારના અનેક સભ્યો ઉપસ્થિત રહ્યા જેમકે AG રોટેરિયન પરેશ ઠક્કર, રોટેરિયન દિપક પુરોહિત, રોટેરિયન હેમાંંગ ઠક્કર, રોટેરિયન ડૉ. પરિમલ સાલ્વી, ફર્સ્ટ લેડી ગ્રિશમાબેન, સ્વીટીબેન, દિક્ષિતાબેન, નેહાબેન તથા રોટરી ક્લબ વાપી Phoenix ના ભૂતપૂર્વ પ્રમુખ વિપુલભાઈ.
આ કાર્યક્રમ સફળ બનાવવા સહયોગી તમામ સંસ્થાઓ, રોટરી સભ્યો તથા રોટરેક્ટ ટીમનો વિશેષ આભાર માનવામાં આવ્યો.