આણંદ મહાનગરપાલિકા વિસ્તારમાં રોડ રસ્તા રીપેરીંગની કામગીરી શરૂ કરાઈ

આણંદ મહાનગરપાલિકા વિસ્તારમાં રોડ રસ્તા રીપેરીંગની કામગીરી શરૂ કરાઈ

મહાનગરપાલિકા દ્વારા જે.સી.બી. અને રોડ રોલર ઉપરાંત ૪-ટ્રેકટર અને ૨૦ જેટલા મજુરો દ્વારા રોડ મટિરિયલ મેટલ, ડસ્ટ, વેટમિક્સ મોરમ દ્વારા કરવામાં આવી રહી છે રસ્તા રીપેરીંગની કામગીરી

આણંદ, મંગળવાર 
આણંદ મહાનગરપાલિકા દ્વારા ચોમાસાની ઋતુ દરમિયાન શહેરીજનોને વાહન વ્યવહારમાં અગવડતા ન પડે તેમજ વાહન વ્યવહાર સરળતાથી ચાલી શકે તે માટે અલગ અલગ વિસ્તારોમાં ભારે વરસાદને કારણે નુકસાની પામેલ રસ્તાઓની રીપેરીંગ તેમજ રીસ્ટોરેશનની કામગીરી હાથ ધરેલ છે. જેમાં ડામર પેચવર્ક, વેટમિક્સ પેચ, WMM પેચ જેવી કામગીરી હાથ ધરવામાં આવી છે. 

આણંદ મહાનગરપાલિકા દ્વારા ટીપી ૯ પાસે આવેલ મોટી ખોડિયાર વિસ્તારમાં ગટરલાઈનને કારણે બિસ્માર થયેલ અંદાજિત ૯૨૦ મીટર લંબાઈના રોડને નગરજનો તથા સ્કૂલમાં જતા બાળકોની સુવિધાના ભાગરૂપે તાત્કાલિક ધોરણે મહાનગરપાલિકાના વાર્ષિક ઇજારેદાર પાસે ૬ મીટરની પહોળાઈમાં ૯૨૦ મી રોડને રીપેર કરી મોટરેબલ બનાવવામાં આવ્યો છે.

આણંદ મહાનગરપાલિકાના તમામ ઝોનમાં અલગ અલગ રહેણાંક તથા કોમર્શિયલ વિસ્તારોમાં ભારે વરસાદને કારણે પડેલ ખાડા તથા રસ્તા રીપેરીંગની આવતી ફરિયાદોને નિવારવા માટે વરસાદની પરિસ્થિતી હળવી થતાં જ ૧ - જે.સી.બી., ૧ - રોડ રોલર, ૪ - ટ્રેકટર તથા ૨૦ - લેબર દ્વારા જરૂરિયાત મુજબ રોડ મટિરિયલ વેટમિક્સ, મોરમ દ્વારા રસ્તા રીપેરીંગ કરવામાં આવી રહ્યા છે.

આ ઉપરાંત આણંદ મહાનગરપાલિકા ખાતે રોડ રસ્તા રીપેરીંગની મળતી ફરિયાદો નિવારવા આણંદ મહાનગરપાલિકા દ્વારા તમામ ઝોન વિસ્તારમાં રોડ મટીરીયલ જેવા મેટલ ડસ્ટ, વેટમિક્સ વગેરેનો જથ્થો ઉપલબ્ધ બનાવવામાં આવ્યો છે, જેથી તાત્કાલિક નાગરિકોની ફરિયાદ /સમસ્યાનું નિવારણ લાવી શકાય, તેમ નાયબ મ્યુનિસિપલ કમિશનર શ્રી એસ. કે. ગરવાલ દ્વારા જણાવવામાં આવ્યું છે. 
**