ભારતીય પ્લેબેક સિંગર મહેન્દ્ર કપૂરનો આજે જન્મદિવસ

આજ કલ ઓર આજ

તા. 9 જાન્યુઆરી Dt. 9 JANUARY

તારીખ તવારીખ : સંકલન : વિજય એમ. ઠક્કર

ભારતીય પ્લેબેક સિંગર મહેન્દ્ર કપૂરનો આજે જન્મદિવસ

પદ્મશ્રીથી સન્માનિત બોલિવૂડ અને ગુજરાતી સહિત પ્રાદેશિક ભાષાના પ્રસિદ્ધ ફિલ્મ ગાયક મહેન્દ્ર કપૂરનો અમૃતસરમાં જન્મ (1934)

જ્યારે પણ દેશભક્તિના ગીતોનો ઉલ્લેખ કરવામાં આવે છે, ત્યારે તેમનું નામ પહેલું આવે, તેમના દ્વારા ગાયેલા દેશભક્તિના ગીતો લોકોમાં દેશ માટે કંઈક કરવાની ભાવના ભરી દેવાની અનોખી ક્ષમતા ધરાવે છે, ‘મેરે દેશ કી ધરતી સોના ઉગલે…’, ‘ભારત કા રહે વાલા હૂં…’, ‘અબકે બરસ તુઝે ધરતી કી…’ જેવા ગીતો સાથે, મહેન્દ્ર કપૂર ચાર દાયકામાં દેશભક્તિના ગીતોનો પર્યાય બની રહ્યા છે 

એક બહુમુખી પ્રતિભા, કે જેમણે પેઢીઓને તેમના ગીતોથી મંત્રમુગ્ધ કર્યા, મહેન્દ્ર કપૂર હિન્દી ફિલ્મ સંગીતના સુવર્ણ યુગના મુખ્ય વ્યક્તિઓમાંના એક હતા અને જેમણે સૌથી વધુ સંખ્યામાં ગુજરાતી, પંજાબી, ભોજપુરી અને મરાઠી ફિલ્મોમાં ગીતો ગાવા સાથે પોતાની ફિલ્મી સફરમાં હિન્દી ઉપરાંત પંજાબી, મરાઠી, ભોજપુરી વગેરે પ્રાદેશિક ભાષાઓમાં લગભગ 25 હજાર ગીતો ગાયાં છે

તેઓ 'ધ વાઈબ્રન્ટ વોઈસ ઓફ ઈન્ડિયા' તરીકે ઓળખાય છે અને તેઓ અંગ્રેજીમાં સંગીત રેકોર્ડ કરનાર પ્રથમ ભારતીય પ્લેબેક ગાયક હતા જેમને બોની એમ જૂથ દ્વારા પાકિસ્તાનના મુસરત સાથે હિન્દીમાં ગાવા માટે કહેવામાં આવ્યું, જેમનું પોપ આલ્બમ એમ-3 માં આવ્યું

 મહેન્દ્ર કપૂર દ્વારા ગાયેલા મોટાભાગના હિટ ગીતો જે પ્રખ્યાત છે, તે બી.આર. ચોપરાની મૂવીઝ અથવા મનોજ કુમારની મૂવીઝના વધુ છે ને મરાઠીમાં, તેઓ દાદા કોંડકેના અવાજ તરીકે ખૂબ તેમની તમામ ફિલ્મોમાં લોકપ્રિય હતા

* ભારતમાં જન્મેલા અને અમેરિકા સ્થાયી થયેલાં, ફિઝિયોલોજી અને બાયોલોજીનાં ક્ષેત્રમાં જાણીતા અને ‘પદ્મ વિભૂષણ’ પુરસ્કારથી સન્માનિત વૈજ્ઞાનિક ડૉ. હરગોવિંદ ખુરાનાનો જન્મ (1922)

* ભારત સરકારમાં કેન્દ્રીય વિદેશ મંત્રી એસ. જયશંકરનો દિલ્હી ખાતે જન્મ (1955)

તેઓ ગુજરાતથી રાજ્યસભાના સભ્ય છે 

​* ‘પદ્મ વિભૂષણ’થી તેઓ સન્માનિત ભારતીય કાયદાશાસ્ત્રી અને યુનાઇટેડ નેશન્સ ‘આંતરરાષ્ટ્રીય કાયદા પંચ’નાં (1952-66) સભ્ય રાધાબિનોદ પાલનું અવસાન (1967)

* નેધરલેન્ડની રાષ્ટ્રીય ક્રિકેટ ટીમના ખેલાડી વિક્રમજીત સિંહ નો પંજાબમાં જન્મ (2003)

* અમેરિકાનાં 37માં રાષ્ટ્રપ્રમુખ રિચાર્ડ નિક્સનનો કેલિફોર્નિયામાં જન્મ (1913) 

રિપબ્લિકન પાર્ટી સાથે જોડાયેલા નિક્સન ઈ.સ.1969 થી 1974 સુધી અમેરિકાનાં રાષ્ટ્રપ્રમુખ તરીકે કાર્યરત રહ્યાં અને ઉપપ્રમુખ અને પ્રમુખ એમ બંને પદ માટે ચૂંટાયાં હોય તેવા પહેલાં વ્યક્તિ હતાં

* ગુજરાતના પૂર્વ મુખ્યમંત્રી અને કોંગ્રેસ આગેવાન માધવસિંહ સોલંકીનું ગાંધીનગર ખાતે અવસાન (2021)

તેઓ ત્રણ વખત 1976-77, 1980-85 અને 1989-90 ના સમયગાળા માટે સીએમ પદ પર હતા

* ‘પદ્મ વિભૂષણ’થી સન્માનિત ભારતીય પર્યાવરણવાદી અને વૃક્ષોને કપાતા બચાવવાનું ચિપકો આંદોલન - ચળવળનાં નેતા સુંદરલાલ બહુગુણાનો જન્મ (1927)

'રાષ્ટ્રીય એકતા પુરસ્કાર' (1984માં) સન્માનિત સુંદરલાલ બહુગુણા 1949માં, મીરાબેન અને ઠક્કર બપ્પાને મળ્યા પછી, સુંદરલાલ બહુગુણાએ હતાશ વર્ગના વિદ્યાર્થીઓના ઉત્થાન માટે પ્રયત્નો કર્યા અને તેમના માટે ટિહરીમાં 'ઠક્કર બાપ્પા હોસ્ટેલ'ની સ્થાપના કરી હતી 

* અપદ્યાગદ્ય કે ડોલનશૈલીનાં જનક ગુજરાતી સાહિત્યકાર ન્હાનાલાલનું અમદાવાદમાં અવસાન (1946)

* ભારતીય દોડવીર હિમા દાસનો આસામ રાજ્યમાં (2000)

ફિનલેન્ડમાં યોજાયેલી વર્લ્ડ જુનિયર અંડર-20 એથ્લેટિક્સ ચેમ્પિયનશીપમાં હિમા દાસે 400 મીટરની દોડની ટ્રેક ચેમ્પિયનશીપમાં ગોલ્ડ મેડલ જીતીને ઈતિહાસ રચનારે ભારતને વર્લ્ડ ચેમ્પિયનશીપમાં ટોચનું સ્થાન આપવનારી સૌપ્રથમ ભારતીય બની

* અભિનેત્રી અને ભારતીય સિનેમાના પહેલા સ્ટંટવુમન અને "ફિયરલેસ" નાદિયાનું મુંબઈમાં અવસાન (1996)

* બોલિવૂડ ફિલ્મોના કોરિયોગ્રાફર, નિર્માત્રી, દિગ્દર્શક ફરહા ખાનનો મુંબઈ ખાતે જન્મ (1965)

* પત્રકાર, શાયર અને હિન્દી ફિલ્મોના ગીતકાર કમર જલાલાબાદી (ઓમ પ્રકાશ ભંડારી)નું અવસાન

* બોલિવૂડ નિર્માતા, દિગ્દર્શક, અભિનેતા અને ગાયક ફરહાન અખ્તરનો મુંબઈ ખાતે જન્મ (1974)

* ગુજરાતી ગરબા અને ગીતના ગાયિકા ફોરમ શાહનો જન્મ

* પ્રવાસી ભારતીય દિવસ* 

આ દિવસ 9 જાન્યુઆરી, 1915નાં રોજ મહાત્મા ગાંધી દક્ષિણ આફ્રિકાથી ભારત પરત ફર્યા તેની યાદમાં ઉજવવામાં આવે છે

* "ટીવી9 ગુજરાતી" ન્યૂઝ ચેનલનો આરંભ (2008) 

***