ચારૂસેટ-CIVF ‘સ્ટાર્ટઅપ ગ્રોથ કેટાલિસ્ટ એવોર્ડ’ થી સન્માનિત

ચારૂસેટ-CIVF ‘સ્ટાર્ટઅપ ગ્રોથ કેટાલિસ્ટ એવોર્ડ’ થી સન્માનિત 

અદાણી ગ્રુપના ‘ગ્રીન ટોક્સ ઈનિશિયેટિવ’માં CIVF ના નોંધપાત્ર યોગદાનની પ્રશંસા 

આણંદ ટુડે | ચાંગા

ચારુસેટ યુનિવર્સિટીની સેક્શન-8 કંપની ચારુસેટ ઇનોવેટિવ વેન્ચર્સ ફાઉન્ડેશન (CIVF) એ અદાણી ગ્રુપના ‘ગ્રીન ટોક્સ ઇનિશિયેટિવ’માં પ્રતિષ્ઠિત “સ્ટાર્ટઅપ ગ્રોથ કેટાલિસ્ટ એવોર્ડ” પ્રાપ્ત કરીને મહત્વપૂર્ણ સીમાચિહ્ન હાંસલ કર્યું છે. NDTV દ્વારા સંચાલિત ત્રણ દિવસીય ‘ગ્રીન ટોક્સ ઇનિશિયેટિવ’માં ગ્રીન અને સસ્ટેઈનેબલ ફ્યુચરને આગળ લઈ જવાના વિચારો અને ઇનોવેશન રજૂ કરવામાં આવ્યા હતા. 

આ એવોર્ડ ‘ગ્રીન ટોક્સ ઇનિશિયેટિવ’ પ્રત્યે CIVF ના નોંધપાત્ર યોગદાનને ખાસ કરીને પ્રોગ્રામ પ્રમોશન, સ્ટાર્ટઅપ સ્કાઉટિંગ અને સ્ક્રીનીંગને ધ્યાનમાં રાખી એનાયત કરવામાં આવ્યો હતો. CIVF એ સસ્ટેઈનેબીલીટી અને એન્વાયર્નમેન્ટલ ઈમ્પેક્ટ પર ધ્યાન કેન્દ્રિત કરતા વિવિધ આશાસ્પદ સ્ટાર્ટઅપ્સને સફળતાપૂર્વક ઓળખીને તેઓને સમર્થન આપ્યું હતું. 

‘ગ્રીન ટોક્સ ઇનિશિયેટિવ’માં ચારુસેટ તરફથી CIVF ના સિનિયર એક્ઝિક્યુટિવ ઓફિસર ડો. સ્વાતિ જોશી ઉપસ્થિત રહ્યા હતા જેમના નેતૃત્વ અને સમર્પણ થકી ગ્રીન ટોક્સ પ્લેટફોર્મ સાથે CIVF ના જોડાણની સફળતા સુનિશ્ચિત કરવામાં મહત્વપૂર્ણ ભૂમિકા ભજવી હતી. 

આ સિદ્ધિ બદલ CIVF દ્વારા ડિરેક્ટરો – ડો. અતુલ પટેલ, શ્રી વિપુલભાઈ પટેલ, શ્રી ગિરીશ પટેલ, શ્રી અશોક પટેલ અને શ્રીમતી મધુબેન પટેલનો તેમના અવિરત સમર્થન અને માર્ગદર્શન બદલ આભાર વ્યક્ત કરવામાં આવ્યો હતો. આ સન્માન માટે CIVFએ અદાણી ગ્રીન ટોક્સ અને NDTV ટીમોનો તેમજ CIVFના મિશનમાં સતત પ્રોત્સાહન અને વિશ્વાસ રાખવા બદલ ચારુસેટ પરિવારનો પણ આભાર વ્યક્ત કર્યો હતો. 

‘અદાણી ગ્રીન ટોક્સ’ કાર્યક્રમમાં અદાણી ગ્રુપના ચેરમેન શ્રી ગૌતમ અદાણી અને ‘12મી ફેલ’માં જાણીતા બોલિવૂડ અભિનેતા વિક્રાંત મેસી ખાસ ઉપસ્થિત રહ્યા હતા. આ કાર્યક્રમમાં અદાણી ગ્રુપના ચીફ ટ્રાન્સફોર્મેશન ઓફિસર (CTO) શ્રી સુદિપ્ત ભટ્ટાચાર્યએ ઇનોવેશન, નેશનલ ગ્રોથ અને સસ્ટેઈનેબલ ફ્યુચર વિશે માહિતી આપી હતી. આ સન્માન ઇનોવેશનને પ્રોત્સાહન આપવા, સ્ટાર્ટઅપ્સને સશક્ત બનાવવા અને સસ્ટેઈનેબલ ડેવલપમેન્ટને પ્રોત્સાહન આપવાની CIVFની પ્રતિબદ્ધતાને વધારે મજબૂત બનાવે છે, કારણ કે CIVF ‘ક્લીન એન્ડ ગ્રીન ફ્યુચર’ તરફ સતત પ્રગતિ કરવા તત્પર છે.