ભાજપના રાષ્ટ્રીય અધ્યક્ષની ચૂંટણી 20 જાન્યુઆરીએ, પાર્ટીએ નોટિફિકેશન જાહેર કર્યું

ભાજપના રાષ્ટ્રીય અધ્યક્ષની ચૂંટણી 20 જાન્યુઆરીએ, પાર્ટીએ નોટિફિકેશન જાહેર કર્યું

19 જાન્યુઆરીએ ઉમેદવારી પત્રો ભરાશે, 20 જાન્યુઆરીએ નવા અધ્યક્ષના નામની જાહેરાત

આણંદ ટુડે | નવી દિલ્હી

ભારતીય જનતા પાર્ટીના રાષ્ટ્રીય અધ્યક્ષની ચૂંટણી માટે પાર્ટીએ સત્તાવાર નોટિફિકેશન બહાર પાડ્યું છે. નોટિફિકેશન મુજબ, 19 જાન્યુઆરીએ અધ્યક્ષ પદ માટે ઉમેદવારી પત્રો ભરાશે, જ્યારે 20 જાન્યુઆરીએ BJPના નવા રાષ્ટ્રીય અધ્યક્ષના નામની જાહેરાત કરવામાં આવશે.

ઉલ્લેખનીય છે કે વર્ષ 2020માં જેપી નડ્ડાને ભાજપના રાષ્ટ્રીય અધ્યક્ષ બનાવવામાં આવ્યા હતા. 2024માં તેમનો કાર્યકાળ પૂર્ણ થયો હતો, ત્યારબાદ તેઓ એક્સટેન્શન પર કાર્યરત રહ્યા હતા. હાલમાં જેપી નડ્ડા કેન્દ્ર સરકારમાં સ્વાસ્થ્ય મંત્રાલયની જવાબદારી સંભાળી રહ્યા છે.

પાર્ટી દ્વારા હાલમાં નીતિન નબીનને કાર્યકારી રાષ્ટ્રીય અધ્યક્ષ બનાવવામાં આવ્યા છે. ચર્ચા છે કે ભાજપ તેમને બિનહરીફ રાષ્ટ્રીય અધ્યક્ષ તરીકે પસંદ કરી શકે છે. નોંધનીય છે કે 14 ડિસેમ્બરે નીતિન નબીનને કાર્યકારી અધ્યક્ષ તરીકે જાહેર કરવામાં આવ્યા હતા.