આણંદ જિલ્લા પોલીસ દ્વારા ફીટ ઇન્ડિયા મુવમેન્ટ અંતર્ગત સન્ડે ઓન સાઇકલ તથા યોગા નો કાર્યક્રમ યોજાયો
અઠવાડિયામાં એકવાર અવશ્ય સાયકલ ચલાવી તંદુરસ્ત રહો- શ્રી પ્રવીણ ચૌધરી- કલેક્ટર,આણંદ
આણંદ જિલ્લા પોલીસ દ્વારા ફીટ ઇન્ડિયા મુવમેન્ટ અંતર્ગત સન્ડે ઓન સાઇકલ તથા યોગા નો કાર્યક્રમ યોજાયો
આણંદ ટુડે | આણંદ,
ફિટ ઇન્ડિયા મુવમેન્ટ અંતર્ગત આણંદ જિલ્લા પોલીસ દ્વારા સન્ડે ઓન સાયકલ તથા યોગાનો કાર્યક્રમ પ્રમુખસ્વામી હોલ સાંગોડપુરા આણંદ ખાતે યોજવામાં આવ્યો હતો.
જિલ્લા કલેકટર શ્રી પ્રવીણ ચૌધરીએ જણાવ્યું હતું કે વડાપ્રધાન શ્રી નરેન્દ્ર ભાઈ મોદીએ આખા દેશના લોકો ને સ્વસ્થ રહેવા માટે પોતાના જીવનમાં વ્યાયામ, કોઈપણ પ્રકારની કસરત રોજબરોજનો ભાગ બનાવવા અપીલ કરી છે ત્યારે સ્વસ્થ રહેવા માટે રમતને જીવનનો અભિન્ન અંગ બનાવવા કલેક્ટરશ્રીએ અનુરોધ કર્યો છે. આ ઉજવણી આખા રાજ્યમાં થઈ રહી છે. ત્યારે આણંદ જિલ્લાના નગરજનોને અઠવાડિયામાં એકવાર સંડે ઓન સાઇકલ એટલે કે રવિવારે સાઇકલ ચલાવવી, સાયકલ ચલાવવાને જીવનનો એક ભાગ બનાવવો તેમ કરવાથી તંદુરસ્તી રહેશે, મેદસ્વિતા દૂર થશે.
તેમ જણાવી સ્પોર્ટ સંકુલ રામપુરા બાકરોલ આણંદ ખાતે તારીખ ૨૮ ઓગસ્ટના રોજ રાષ્ટ્રીય ખેલ દિવસ અંતર્ગતની ઉજવણી કરવામાં આવનાર છે, જેમાં સહભાગી બનવા અને અને તારીખ ૩૧ મી ના રોજ કરમસદ આણંદ મહાનગરપાલિકા દ્વારા સાયકલ રેલીનું આયોજન કરવામાં આવ્યું છે જેમાં નગરજનોને સહભાગી બનવા અપીલ કરી હતી.
આજે જિલ્લા પોલીસ દ્વારા યોજાયેલ સંડે ઓન સાયકલ તથા યોગા અભ્યાસમાં સાંસદ શ્રી મિતેશભાઈ પટેલ, જિલ્લા પંચાયતના પ્રમુખ શ્રી હસમુખભાઈ પટેલ, જિલ્લા કલેકટર શ્રી પ્રવીણ ચૌધરી, કરમસદ આણંદ મહાનગરપાલિકાના કમિશનર શ્રી મિલિંદ બાપના, ઇન્ચાર્જ પોલીસ અધિક્ષક શ્રી એસ.બી . કુંપાવત, નાયબ પોલીસ અધિક્ષક શ્રી જે. એન. પંચાલ સહિત જિલ્લાના પોલીસ વિભાગના અધિકારી, કર્મચારીઓ મોટી સંખ્યામાં યોગા અભ્યાસમાં અને સાયકલ રેલીમાં જોડાયા હતા.
***
