૧૧૨-આણંદ વિધાનસભા બેઠક પર સૌથી વધુ ૧૨ ઉમેદવારોએ કુલ ૧૪ ઉમેદવારી પત્રો ભર્યા

વિધાનસભા સામાન્ય ચૂંટણી - ૨૦૨૨ 

ઉમેદવારી પત્રો ભરવાના આજના સાતમા દિવસે

૧૧૨-આણંદ વિધાનસભા બેઠક પર સૌથી વધુ ૧૨ ઉમેદવારોએ કુલ ૧૪ ઉમેદવારી પત્રો ભર્યા

આણંદ જિલ્લાના ૭ વિધાનસભા મતદાર વિભાગમાં આજે ૩૦ ઉમેદવારોના કુલ ૩૬ ઉમેદવારી પત્રો ભરાયા

જિલ્લામાં અત્યાર સુધીમાં સાતેય મતદાર વિભાગમાં કુલ મળી ૭૪ ઉમેદવારી પત્રો ભરાયા

૧૭/૧૧/૨૦૨૨ ના રોજ ઉમેદવારી પત્રો ભરવાનો છેલ્લો દિવસ 

આણંદ, 
ગુજરાત વિધાનસભાની સામાન્ય ચૂંટણી ૨૦૨૨ અંતર્ગત આણંદ જિલ્લાની વિધાનસભાની બેઠકો માટે બીજા તબક્કામાં તા. ૫ મી ડીસેમ્બરના રોજ મતદાન થનાર છે. જે અન્વયે આણંદ જિલ્લામાં સમાવિષ્ટ ૭ વિધાનસભાની બેઠકો માટે તા. ૧૦/૧૧/૨૦૨૨ થી ઉમેદવારી પત્રો ભરવાની શરૂઆત થઇ ચુકી છે.
ઉમેદવારી પત્રો ભરવાના આજના સાતમા દિવસે તા. ૧૬/૧૧/૨૦૨૨ ને બુધવારના રોજ જિલ્લાની વિધાનસભાની ૭ બેઠકો ઉપર ૩૦ ઉમેદવારોના કુલ મળી ૩૬ ઉમેદવારી પત્રો ભરાયા હતા. 

૧૦૮-ખંભાત

વિધાનસભા બેઠક પર આજે કુલ ૨ ઉમેદવારી પત્રો ભરાયા હતા. જેમાં બહુજન સમાજ પાર્ટીના ઉમેદવાર તરીકે ભાઇલાલભાઇ કાળુભાઇ પાંડવ તેમજ અપક્ષ ઉમેદવાર તરીકે રાજેન્દ્રસિન્હ મહોબતસિન્હ સિન્ધાએ ઉમેદવારી નોંધાવી હતી.

૧૦૯-બોરસદ

વિધાનસભા બેઠક પર આજે કુલ ૩ ઉમેદવારી પત્રો ભરાયા હતા. જેમાં ભારતીય જનતા પાર્ટીના ઉમેદવાર તરીકે હિતેશભાઇ રમેશભાઇ પટેલ તેમજ અપક્ષ ઉમેદવાર તરીકે કેશરીસિંહ ભારતસિંહ પરમાર અને વજેસિંહ ઉદેસિંહ સોલંકીએ ઉમેદવારી નોંધાવી હતી.

૧૧૦-આંકલાવ

વિધાનસભા બેઠક પર આજે ૩ ઉમેદવારોએ કુલ ૭ ઉમેદવારી પત્રો ભર્યા હતા. જેમાં ભારતીય જનતા પાર્ટીના ઉમેદવાર તરીકે ગુલાબસિંહ રતનસિંહ પઢિયારે ૪ ઉમેદવારી પત્રો અને સંજયભાઇ હસમુખભાઇ પટેલે ૨ ઉમેદવારી પત્રો તેમજ આમ આદમી પાર્ટીના ઉમેદવાર તરીકે ગજેન્દ્રસિંહ હરિસિંહ રાજે ૧ ઉમેદવારી પત્ર ભરી ઉમેદવારી નોંધાવી હતી

૧૧૧-ઉમરેઠ 

વિધાનસભા બેઠક પર આજે કુલ ૬ ઉમેદવારી પત્રો ભરાયા હતા. જેમાં ભારતીય જનતા પાર્ટીના ઉમેદવાર તરીકે ગોવિંદભાઇ રઇજીભાઇ પરમાર અને ભરતભાઇ સુરેશભાઇ પટેલે ૧-૧ ઉમેદવારી પત્ર,  આમ આદમી પાર્ટીના ઉમેદવાર તરીકે બિન્દલ મહેશકુમાર લખારાએ ૧ ઉમેદવારી પત્ર તેમજ અપક્ષ ઉમેદવાર તરીકે હર્ષિતકુમાર ઘનશ્યામભાઇ પટેલ, જગદિશભાઇ રાવજીભાઇ ઠાકોર અને ઘનશ્યામભાઇ નટવરભાઇ દરજીએ ૧-૧ ઉમેદવારી પત્ર ભરી ઉમેદવારી નોંધાવી હતી.

 
૧૧૨-આણંદ 

વિધાનસભા બેઠક પર આજે ૧૨ ઉમેદવારોએ કુલ ૧૪ ઉમેદવારી પત્રો ભર્યા હતા. જેમાં ઇન્ડિયન નેશનલ કોંગ્રેસના ઉમેદવાર તરીકે કાંતિભાઇ મણીભાઇ સોઢા પરમાર અને મહેન્દ્રભાઇ કાંતિભાઇ સોઢા પરમારે ૨-૨ ઉમેદવારી પત્રો, ભારતીય નેશનલ જનતા દળના ઉમેદવાર તરીકે મૌલિકકુમાર વિનોદચંદ શાહે ૧ ઉમેદવારી પત્ર, રાષ્ટ્રીય હિન્દ એકતા દળના ઉમેદવાર તરીકે અરવિંદકુમાર અમરશીભાઇ ગોલએ ૧ ઉમેદવારી પત્ર, બહુજન સમાજ પાર્ટીના ઉમેદવાર તરીકે અલ્પેશકુમાર જયંતીભાઇ મકવાણાએ ૧ ઉમેદવારી પત્ર તેમજ અપક્ષ ઉમેદવાર તરીકે તોફીકમીયા ફકરુમીયા મલેક, તોસીફભાઇ મુસ્તફાભાઇ વ્હોરા, યામીનભાઇ ઇબ્રાહીમભાઇ વ્હોરા, વિપુલકુમાર બિપીનભાઇ મેકવાન, વિજયભાઇ શાંતિલાલ જાદવ, જાનકીબેન દિનેશભાઇ પટેલ અને અલ્લારખા નસીબખાન પઠાણએ ૧-૧ ઉમેદવારી પત્ર ભરી ઉમેદવારી નોંધાવી હતી.

૧૧૩-પેટલાદ 

વિધાનસભા બેઠક પર આજે કુલ ૨ ઉમેદવારી પત્રો ભરાયા હતા. જેમાં આમ આદમી પાર્ટીના ઉમેદવાર તરીકે અર્જુનભાઇ સિધાભાઇ ભરવાડ અને બહુજન સમાજ પાર્ટીના ઉમેદવાર તરીકે હર્ષદભાઇ ઇશ્વરભાઇ ગોહેલે ૧-૧ ઉમેદવારી પત્ર ભરી ઉમેદવારી નોંધાવી હતી.

૧૧૪-સોજીત્રા 

વિધાનસભા બેઠક પર આજે કુલ ૨ ઉમેદવારી પત્રો ભરાયા હતા. જેમાં અપક્ષ ઉમેદવાર તરીકે દેવાંગકુમાર નરહરીલાલ શેલત અને યુવરાજસિંહ મહિપતસિંહ ગોહિલે ૧-૧ ઉમેદવારી પત્ર ભરી ઉમેવારી નોંધાવી હતી.
નોંધનીય છે કે તા. ૧૭/૧૧/૨૦૨૨ ના રોજ ઉમેદવારી પત્રો ભરવાનો છેલ્લો દિવસ છે જ્યારે ભરાયેલા ઉમેદવારી પત્રોની તા.૧૮/૧૧/૨૦૨૨ ના રોજ ચકાસણી કરવામાં આવનાર છે. 
*****