આંકલાવની ગૃહિણીઓને ટૂંક સમયમાં અંડરગ્રાઊન્ડ પાઇપ લાઇન મારફતે ગેસ પુરવઠો મળશે.

આંકલાવની ગૃહિણીઓને ટૂંક સમયમાં અંડરગ્રાઊન્ડ પાઇપ લાઇન મારફતે ગેસ પુરવઠો મળશે.

ગુજરાત વિધાનસભા વિરોધપક્ષના નેતા અને આંકલાવના ધારાસભ્યશ્રી અમિતભાઈ ચાવડાના હસ્તે ખાતમુર્હત કરાયું 

આંકલાવ
આણંદ જિલ્લાના આંકલાવ નગરજનોને ટૂંક સમયમાં અંડરગ્રાઊન્ડ પાઇપ લાઇન મારફતે ગેસ પુરવઠો પૂરો પાડવામાં આવશે. ઘરેઘરે ગૃહિણીઓ સુઘી સસ્તાદરનો ગેસપુરવઠો પહોચાડવાનુ કામ ગુજરાત ગેસ કંપની દ્વારા કરવામા આવનાર છે.

આંકલાવ  નગરના સરદાર સ્ટેચ્યુ, મહારાણા પ્રતિમા વિસ્તાર  પાસે અંડરગ્રાઊન્ડ ગેસપાઈપ લાઈનનું ખાતમુર્હત ગુજરાત વિધાનસભા વિરોધપક્ષના નેતા અને  આંકલાવના ધારાસભ્યશ્રી અમિતભાઈ ચાવડાના હસ્તે કરવામાં આવ્યુ છે.
આ પ્રસંગે નગરપાલિકા પ્રમુખ શંભુભાઈ પટેલ, શહેર કોગ્રેસ પ્રમુખ મહેન્દ્રસિંહ પરમાર, પૂ. જીલ્લા શિક્ષણ સમિતિના ચેરમેન ફતેસિંહ સોલંકી ,  મહેન્દ્રસિંહ, મનુભાઈ પઢિયાર આસોદર, ન. પા. સભ્ય અનવરભાઇ, સહીદખાન, ગોરધનભાઈ, મંગળદાસ ચૌહાણ તેમજ ગુજરાત ગેસ કં. લિ.ના ડે. મેનેજર મહેન્દ્રસિંહ રાણા સહિત નગરજનો ખુબ મોટી સંખ્યામાં હાજર રહ્યા હતા.
આંકલાવના પ્રજાજનો ઘણા સમયથી ગેસ પાઈપલાઈનની રાહ જોઈ રહ્યા હતા. તે આતુરતનો અંત આવશે.