ડી.એન.હાઇસ્કુલ,આણંદ ખાતે યોજાયો નિઃશુલ્ક સમર યોગ કેમ્પ
ડી.એન.હાઇસ્કુલ,આણંદ ખાતે યોજાયો નિઃશુલ્ક સમર યોગ કેમ્પ
આણંદ જિલ્લાના ૦૯ થી ૧૫ વર્ષના બાળકોએ ઉત્સાહપૂર્વક ભાગ લીધો
તાલીમ લેનાર બાળકોને યોગ માહિતી પુસ્તિકા અને કેપનું વિતરણ કરાયું
આણંદ,
યોગના મહત્વને ઉજાગર કરવા માટે દર વર્ષે ૨૧ જુનના દિવસને આંતરરાષ્ટ્રીય યોગ દિવસ તરીકે ઉજવવામાં આવે છે. આ વર્ષે નવમાં આંતરરાષ્ટ્રીય યોગ દિવસની ઉજવણીના ભાગરૂપે ગુજરાત સરકારના રમતગમત, યુવા અને સાસ્કૃતિક પ્રવૃત્તિઓ વિભાગ હેઠળના ગુજરાત રાજ્ય યોગ બોર્ડ દ્વારા વિદ્યાર્થીઓમાં બાળપણથી જ યોગ, પ્રાણાયામ, આસનોના માધ્યમથી તેઓનો સર્વાંગી વિકાસ થાય તેવા ઉમદા હેતુથી ૦૯ થી ૧૫ વર્ષના બાળકો માટે સવારે ૦૭:૩૦ થી ૦૮:૩૦ દરમિયાન ડી.એન.હાઇસ્કુલ, આણંદ ખાતે નિ:શુલ્ક સમર કેમ્પનું આયોજન કરવામાં આવ્યું હતું.
આ કેમ્પમાં મધ્યઝોન કો-ઓર્ડીનેટર ડૉ.જયના પાઠકના માર્ગદર્શન હેઠળ જિલ્લા કો-ઓર્ડીનેટર દિવ્યાબેન ધડુક, યોગ કોચ શંકરસિંહ રાઠોડ અને યોગ ટ્રેનરો દ્વારા બાળકોને યોગ્ય તાલીમ આપવામાં આવી હતી. આ યોગ કેમ્પના સમાપન સમારોહમાં ચરોતર ઇંગ્લીશ મીડિયમ સ્કુલના આચાર્યશ્રી કાર્તિકભાઇ પટેલ, જિલ્લા રમતગમત અધિકારીની કચેરીના કર્મચારીઓ અને બાળકોના વાલીઓ ઉપસ્થિત રહ્યા હતા.
*****
