ખંભાત તાલુકા કક્ષાના બાળ વૈજ્ઞાનિક પ્રદર્શનમાં દહેડા પ્રા.શાળા વિજેતા.

ખંભાત તાલુકા કક્ષાના બાળ વૈજ્ઞાનિક પ્રદર્શનમાં દહેડા પ્રા.શાળા વિજેતા.

બે કૃતિઓ સાથે દહેડાના બાળ વૈજ્ઞાનિકો જિલ્લા કક્ષાએ ભાગ લેશે.

આણંદ ટુડે I ખંભાત
ખંભાત તાલુકા કક્ષાનું બાળ વૈજ્ઞાનિક પ્રદર્શન મુનિ યુનિવર્સલ સ્કૂલ ખાતે યોજાયો હતો.જેમાં ૧૫ સી.આર.સી કક્ષાએથી પસંદગીકૃત પાંચ વિભાગમાં વિભાજીત માર્ગદર્શક શિક્ષકો દ્વારા તૈયાર કરાયેલ ૭૩ કૃતિઓ પ્રદર્શિત કરાઈ હતી.જેમાં દહેડા પ્રાથમિક શાળાના બાળ વૈજ્ઞાનિકોની બે કૃતિઓ જિલ્લા કક્ષા માટે પસંદગી થઈ છે.

તાલુકા કક્ષાના બાળ વૈજ્ઞાનિક પ્રદર્શનમાં દહેડા પ્રાથમિક શાળા વિભાગ 3 એગ્રિકલચર વિભાગમાં શિક્ષક  ધીરસિંહ પરમારના માર્ગદર્શન હેઠળ બાળ વૈજ્ઞાનિક વંશ પ્રજાપતિ અને મિહિર રાઠોડ તેમજ વિભાગ 4 વાહનવ્યવહાર અને સંચાર વિભાગમાં શિક્ષક હિતેશકુમાર પરમારના માર્ગદર્શન હેઠળ
બાળ વૈજ્ઞાનિકો પ્રિયંકા રાઠોડ અને આરાધના રાઠોડની 
બંને વિભાગમાં પ્રથમ ક્રમ મેળવી જિલ્લા કક્ષા માટે પસંદગી થઈ છે.બાળ વૈજ્ઞાનિકોએ શાળા અને દહેડા ગામનું ગૌરવ વધારતા દહેડા પ્રા.શાળાના આચાર્ય હિતેશભાઈ પરમારે તેમજ શિક્ષક પરિવારે, ગ્રામજનોએ બાળ વૈજ્ઞાનિકો અને માર્ગદર્શક શિક્ષકોને અભિનંદન પાઠવ્યા હતા.