આણંદના સાંસદ મિતેષભાઈ પટેલે ખંભાત ખાતે મૃતકોના પરિવારજનોની મુલાકાત લઇ સાંત્વના પાઠવી

આણંદના સાંસદ મિતેષભાઈ પટેલે ખંભાત ખાતે મૃતકોના પરિવારજનોની મુલાકાત લઇ સાંત્વના પાઠવી 

ગણેશ વિસર્જન સમયે બનેલ આકસ્મિક ઘટનાની યોગ્ય તપાસ કરવા અધિકારીઓને સૂચન કર્યા

આણંદ ટુડે I આણંદ
આણંદ જિલ્લાના ખંભાત ખાતે ગણેશ વિસર્જન દરમ્યાન બનેલ આકસ્મિક ઘટનામાં અમિત ગોપાલભાઈ ઠાકોર તથા  સંદીપભાઈ કાંતિલાલ ઠાકોરનું આકસ્મિક  અવસાન થયેલ જે અંતર્ગત આણંદના સાંસદશ્રી મિતેષભાઈ પટેલે ખંભાત ખાતે મૃતકોના પરિવાર જનોની મુલાકાત લીધી હતી. અને બંને મૃતકના પરિવારજનોને સાંત્વના પાઠવી સાથે અન્ય એક યુવક ઇજાગ્રસ્ત થયેલ જે હાલ હોસ્પિટલમાં સારવાર લઈ રહેલ  દર્પણભાઈ ઠાકોરના પરિવારની પણ મુલાકાત લઈ ન્યાય મળી રહે માટે બનેલ ઘટનાની યોગ્ય તપાસ કરવા અધિકારીઓને સૂચન કર્યા હતા.
આ પ્રસંગે સાંસદશ્રીની સાથે જિલ્લા મહામંત્રી રણજીતસિંહ ચૌહાણ, ખંભાત નગરપાલિકા પ્રમુખ દિગ્વિજયસિંહ પરમાર, શહેર સંગઠન પ્રમુખ પીનાકીનભાઈ બ્રહ્મભટ્ટ સહિત પાલિકાના કાઉન્સિલરો સહિત સંગઠનના હોદ્દેદારો ઉપસ્થિત રહ્યા હતા.