આણંદ ખાતે સાંસદ મિતેશભાઈ પટેલના અધ્યક્ષ સ્થાને અમૃત કળશ યાત્રા યોજાઈ

આણંદ ખાતે સાંસદ મિતેશભાઈ પટેલના અધ્યક્ષ સ્થાને "અમૃત કળશ યાત્રા " યોજાઈ

આણંદના ધારાસભ્ય,નગરપાલિકાના પ્રમુખ- ઉપપ્રમુખ અને કાઉન્સિલરો "અમૃત કળશ યાત્રા " માં ઉત્સાહપૂર્વક જોડાયા

આણંદ ટુડે I આણંદ
દેશની એકતા અને અખંડિતતાને વધુ મજબૂત કરવા તથા દેશના વીર શહીદોને શ્રદ્ધાંજલિ અર્પણ કરવાના ઉમદા હેતુથી વડાપ્રધાનશ્રી નરેન્દ્રભાઇ મોદીના માર્ગદર્શન હેઠળ 'મારી માટી, મારો દેશ' અભિયાન અંતર્ગત સમગ્ર દેશની સાથે આણંદ જિલ્લામાં પણ 'અમૃત કળશ' યાત્રા યોજાઈ રહી છે.   જે અન્વયે આણંદના સાંસદ મિતેશભાઇ પટેલ અને ધારાસભ્ય યોગેશભાઈ પટેલના અધ્યક્ષસ્થાને આણંદ શહેરી વિસ્તારમાં  'અમૃત કળશ' યાત્રા યોજાઈ હતી.  આ યાત્રા દરમિયાન મહાનુભાવોએ અમૃત કળશ માટે નાગરિકો પાસેથી માટી-ચોખા એકત્રિત કર્યા હતા. 
આણંદમાં યોજાયેલ 'અમૃત કળશ' યાત્રામાં નગરપાલિકાના પ્રમુખ શ્રી જીજ્ઞેશભાઈ પટેલ, ઉપપ્રમુખ શ્રી સુમિત્રબેન પઢિયાર, આણંદ શહેર સંગઠનના હોદ્દેદારશ્રીઓ, બક્ષીપંચ મોરચાના પદાધિકારીશ્રીઓ સહિત કાઉન્સલરશ્રીઓ ઉપસ્થિત રહ્યા હતા.