વિદ્યાનગર ખાતે રોજગાર ભરતી મેળો યોજાયો

વિદ્યાનગર ખાતે રોજગાર ભરતી મેળો યોજાયો

નોકરીદાતાઓ દ્વારા ૯૯ ઉમેદવારોની પ્રાથમિક પસંદગી કરવામાં આવી

આણંદ ટુડે I આણંદ,
 જિલ્લા રોજગાર કચેરી, આણંદ અને યુનિવર્સિટી રોજગાર કેન્દ્ર, વિદ્યાનગરના સંયુક્ત ઉપક્રમે આજે યુનિવર્સિટી રોજગાર કેન્દ્ર, વિદ્યાનગર ખાતે રોજગાર ભરતી મેળો યોજવામાં આવ્યો હતો.

આ રોજગાર ભરતી મેળામાં વિવિધ કંપનીઓના આઠ નોકરીદાતાઓ  હાજર રહ્યા હતા. આ આઠ નોકરીદાતાઓ મશીનો ઓપરેટર, હેલ્પર, કસ્ટમર રિલેશન એક્ઝિક્યુટિવ, ડેટા એન્ટ્રી ઓપરેટર, એક્ઝિક્યુટિવ હ્યુમન રિસોર્સ, ફીટર અને ઇલેક્ટ્રિશિયન જેવી ૨૯૩ ખાલી જગ્યા ઉપર પસંદગી કરવા માટે રોજગાર ભરતી મેળામાં હાજર રહ્યા હતા.

આ રોજગાર ભરતી મેળામાં ૧૧૨ ઉમેદવારો હાજર રહ્યા હતા, જેમાંથી ૯૯ રોજગારવાંચ્છુ ઉમેદવારોની નોકરીદાતાઓ દ્વારા પ્રાથમિક પસંદગી કરવામાં આવી હોવાનું રોજગાર અધિકારી આણંદ દ્વારા જણાવાયું છે.
*****