ગુજરાતના નાયબ મુખ્યમંત્રી હર્ષ સંઘવીનો આજે જન્મદિવસ

આજ કલ ઓર આજ

તા. 8 જાન્યુઆરી Dt. 8 JANUARY
તારીખ તવારીખ : સંકલન : વિજય એમ. ઠક્કર

સૌથી નાની વયે રાજનીતિમાં જોડાનાર
ગુજરાત રાજ્યના નાયબ મુખ્યમંત્રી હર્ષ સંઘવીનો આજે જન્મ દિવસ

ગુજરાત રાજ્યના ગૃહ મંત્રી હર્ષ સંઘવીનો જન્મ 8 જાન્યુઆરી 1985 ના રોજ સુરતમાં થયો હતો. તેમનું મૂળ નામ હર્ષ રમેશ સંઘવી છે. તેઓ મૂળ સુરતના રહેવાસી છે. હર્ષ સંઘવીએ ધોરણ 9 સુઘી જ અભ્યાસ કર્યો  છે. તેમની પત્નીનું નામ પ્રાચીબેન સંઘવી છે.સૌથી નાની વયે રાજનીતિમાં જોડાનાર રાજ્યના ગૃહ મંત્રી હર્ષ સંઘવી એક વ્યાપારી તરીકે પણ સુરતમાં પ્રખ્યાત છે.
* ઈલોન મસ્ક એ સત્તાવાર રીતે ઈતિહાસમાં વ્યક્તિગત સંપત્તિના સૌથી મોટા નુકસાનનો વિશ્વ રેકોર્ડ તોડ્યો છે (2023)
મસ્કએ ઇતિહાસમાં કોઈપણ વ્યક્તિ કરતાં વધુ પૈસા ગુમાવ્યા હોય, તો પણ હજી તેઓ વિશ્વના બીજા સૌથી ધનિક વ્યક્તિ છે
ફોર્બ્સના અંદાજ મુજબ તેમણે નવેમ્બર 2021 થી આશરે $182 બિલિયન (£153B; €173B) ગુમાવ્યા છે, ચોક્કસ આંકડો નક્કી કરવો લગભગ અશક્ય હોવા છતાં, મસ્કની કુલ ખોટ 2000માં જાપાની ટેક રોકાણકાર માસાયોશી સોન દ્વારા સેટ કરાયેલા $58.6 બિલિયનના અગાઉના રેકોર્ડને વટાવી ગઈ છે.
ફોર્બ્સ અનુસાર, મસ્કની નેટવર્થ 2021માં $320 બિલિયનની ટોચથી ઘટીને જાન્યુઆરી 2023 સુધીમાં $138 બિલિયન થઈ ગઈ હતી, જે મોટાભાગે ટેસ્લાના શેરના નબળા પ્રદર્શનને કારણે છે, એલોન મસ્કની મોટાભાગની સંપત્તિ ટેસ્લા સ્ટોકમાં જોડાયેલી છે, જેનું મૂલ્ય 2022 માં 65% ઘટ્યું હતું, સમૃદ્ધિમાં ઘટાડો થવા છતાં, ટેસ્લા વિશ્વની સૌથી મૂલ્યવાન કાર કંપની બની રહી છે, જેની માર્કેટ કેપ તેમની નજીકની હરીફ ટોયોટા કરતાં $100 બિલિયનથી વધુ છે
મસ્કની કમનસીબીએ તેને વિશ્વના સૌથી ધનાઢ્ય વ્યક્તિ તરીકેનો તેમનો દરજ્જો લક્ઝરી ચીજવસ્તુઓના સમૂહ LVMH (લૂઈસ વિટન મોટ હેનેસી)ના સ્થાપક બર્નાર્ડ આર્નોલ્ટ (ફ્રાન્સ) સામે ગુમાવ્યો, જેની અંદાજિત નેટવર્થ $190 બિલિયન (£156B; €177B) છે

​* ​ડાંગ એક્સપ્રેસ તરીકે ઓળખાતા દોડવીર મુરલી ગાવીતે સ્પેનમાં રેકોર્ડ સ્થાપ્યો, તેમણે 10 કિલોમીટરની દોડ 28.42 મિનિટમાં પુરી કરી નવો નેશનલ રેકોર્ડ બનાવ્યો (2022)
અગાઉ વર્ષ 2019માં પંજાબ ખાતે 23મી ફેડરેશન કપ નેશનલ એથ્લેટીક્સ ચેમ્પિયનશીપમાં 5000 મીટર દોડ 13.54 મિનિટમાં અને 10000 મિટર દોડ 29.21 મિનિટમાં પૂર્ણ કરી બે ગોલ્ડ મેડલ મેળવ્યા હતા

* ક્વૉન્ટમ મિકેનિક્સ અને સાપેક્ષવાદના સંદર્ભમાં બ્રહ્માંડ વિશેની થિયરી રજૂ કરનારા પ્રથમ ભૌતિકશાસ્ત્રી - વિજ્ઞાની સ્ટિફન હોકિંગ્સનો ઇંગ્લેન્ડના ઓક્સફોર્ડમાં જન્મ (1942)
તેઓને માત્ર 22 વર્ષની ઉંમરે ચેતાતંત્રને લગતી એક જૂજ બીમારીને કારણે તેઓનું શરીર લકવાગ્રસ્ત થતા તે આજીવન વીલચેરને આધિન થઈ ગયાં અને વૉઇસ સિન્થસાઇઝર નામનાં સાધન વિના ભાગ્યે જ બોલી શકતા

* વડોદરામાં જન્મેલા અને ભારતીય ક્રિકેટ ટીમના ખેલાડી (12 ટેસ્ટ મેચ રમનાર) પદ્મનાભ ગોવિંદ જોશીનું અવસાન (1987)

* સતત છ દાયકા સુધી અભિનેતા તરીકે ફિલ્મ રેડિયો, સ્ટેજ અને ટીવીના અભિનેતા સઈદ જાફરીનો પંજાબમાં જન્મ (1929)

* આધુનિક ખગોળશાસ્ત્રનાં પિતામહ તરીકે ઓળખાતા ઈટાલિયન ભૌતિકશાસ્ત્રી, ગણિતશાસ્ત્રી, ખગોળશાસ્ત્રી અને તત્વચિંતક ગેલિલિયો ગેલિલીનુું અવસાન (1642)

* જ્ઞાનપીઠ એવોર્ડ અને પદ્મશ્રીથી સન્માનિત નવલકથાકાર, બંગાળી લેખિકા અને કવિ આશાપૂર્ણાદેવીનો જન્મ (1909)

* પ્રસિદ્ધ સમાજસુધારક અને ‘બ્રહ્મોસમાજ’નાં સંસ્થાપકોમાંના એક કેશવચંદ્ર સેનનું અવસાન (1884)

* અસ્પૃશ્યતા નિવારણનાં કાર્યના સેવાવ્રતધારી અને પદ્મશ્રીથી સન્માનિત પરીક્ષિતલાલ મજમુદારનો ભાવનગર જિલ્લાનાં પાલિતાણામાં જન્મ (1901)

* ભારતીય સિનેમાના પહેલા સ્ટંટવુમન અને અભિનેત્રી "ફિયરલેસ" નાદિયાનો ઓસ્ટ્રેલિયામાં જન્મ (1908)
નાદિયાએ હિંદુસ્તાની સિનેમાના ત્રીસ અને ચાલીસના દાયકામાં એક હિંમતવાન અને હિંમતવાન અભિનેત્રી તરીકે એવું જીવંત પ્રદર્શન આપ્યું કે તેણે પરંપરાગત ભારતીય સમાજની ઘણી માન્યતાઓને તોડી હતી
તેઓ હિન્દી સહિત તમામ ભારતીય ભાષાના સિનેમાના ઈતિહાસમાં પણ આવી દબંગ, નીડર, બહાદુર, સ્ટંટબાઝ, ટારઝન કે રોબિનહૂડ સ્ટાઈલની બીજી કોઈ હિરોઈન બની નથી 

* હિન્દી અને મરાઠી ફિલ્મોના અભિનેત્રી નંદાનો મહારાષ્ટ્રનાં કોલ્હાપુરમાં જન્મ (1939) 
ફિલ્મ નિર્દેશક પિતા વિનાયક દામોદર કર્ણાટકી ઉર્ફે માસ્ટર વિનાયક મરાઠીનાં અવસાન બાદ તેઓએ સિને જગતમાં ‘બેબી નંદા’ તરીકે કર્યો
વી. શાંતારામના ભાણી નંદા 70'નાં દાયકામાં નૂૂૂતન બાદ સૌથી વધુ કમાણી કરનાર અભિનેત્રી હતાં

* બાંગ્લાદેશમાં જન્મેલ અને બોલિવૂડ ફિલ્મોના સન્માનિત નિર્માતા - દિગ્દર્શક બિમલ રોયનું મુંબઈ ખાતે અવસાન (1966)
તેમનું 2 રાષ્ટ્રીય ફિલ્મ પુરસ્કાર અને 11 ફિલ્મફેર એવોર્ડ અને અનેક આંતરરાષ્ટ્રીય એવોર્ડ દ્વારા સન્માનિત કરવામાં આવ્યા હતા 
તેમની મધુમતી ફિલ્મને નવ ફિલ્મફેર એવોર્ડ મળ્યાનો રેકોર્ડ 37 વર્ષ અતુટ રહ્યો

* બંગાળી ફિલ્મોના અભિનેત્રી અને ટીએમસીના લોકસભામાં સાંસદ નૂસરત જહાંનો કોલકાતામાં જન્મ (1990)

* ફિલ્મ અને ટીવી અભિનેતા પંકજ બેરીનો હરિયાણા રાજ્યમાં જન્મ (1956)

* રિશી કપૂર, જયા પ્રદા, શશીકલા, ધીરજ કુમાર, ડો. શ્રીરામ લાગુ, ઓમશિવ પુરી, શક્તિ કપૂર, અરુણા ઈરાની, અસરાની અને વિજય અરોરા અભિનિત ફિલ્મ 'સરગમ' રિલીઝ થઈ (1979)
ડિરેક્શન : વિશ્વનાથ, સંગીત : લક્ષ્મીકાંત પ્યારેલાલ
ફિલ્મફેર એવોર્ડમાં 'સરગમ' ને 'બેસ્ટ મ્યુઝિક' (લક્ષ્મીકાંત પ્યારેલાલ) નો એવોર્ડ મળ્યો હતો
'સરગમ' જયા પ્રદાની પહેલી હિન્દી ફિલ્મ હતી, મૂળ તેલુગુ ફિલ્મ 'સિરી સિરી મુવવા'માં પણ જયા પ્રદા જ હતી
બિનાકા ગીતમાલા1979ના વર્ષની લોકપ્રિય ગીતોની વાર્ષિક યાદીમાં 'ડફલીવાલે, ડફલી બજા' (લતા-રફી) 32માં નંબર ઉપર જ્યારે આજ ગીત 1980ના વર્ષની વાર્ષિક યાદીમાં વર્ષનું સૌથી લોકપ્રિય સરતાજ ગીત બન્યું હતું

****