સરદાર પટેલ યુનિવર્સિટીનો ૬૫મો પદવીદાન સમારંભ યોજાશે

રાજ્યપાલ શ્રી આચાર્ય દેવવ્રતજીની ઉપસ્થિતિમાં 

સરદાર પટેલ યુનિવર્સિટીનો ૬૫મો પદવીદાન સમારંભ યોજાશે

યુનિવર્સિટીના વિવિધ વિદ્યાશાખાના ૧૮ હજારથી વધુ વિદ્યાર્થીઓને પદવી એનાયત કરવામાં આવશે

આણંદ, 

સરદાર પટેલ યુનિવર્સિટીનો ૬૫મો વાર્ષીક પદવીદાન સમારંભ  તા.૧૫/૧૨/૨૦૨૨ ને ગુરૂવારના રોજ સવારના ૧૧-૦૦ કલાકે સરદાર પટેલ યુનિવર્સિટી બિલ્ડિંગની સામે આવેલ હ્યુમેનીટીઝ બિલ્ડિંગના પ્રાંગણમા રાજયપાલશ્રી અને સરદાર પટેલ યુનિવર્સિટીના કુલાધિપતિ શ્રી આચાર્ય દેવવ્રતજીના અધ્યક્ષસ્થાને યોજાશે. આ પદવીદાન સમારંભના મુખ્ય મહેમાન તરીકે રાષ્ટ્રીય રક્ષા યુનિવર્સિટીના કુલપતિ અન ઇન્ટરનેશનલ લૉ કમીશન-યુ.એન. ના સભ્યશ્રી પ્રોફેસર, ડૉ. બિમલ.એન.પટેલ ખાસ ઉપસ્થિત રહી વિદ્યાર્થીઓને સંબોધશે. 

આ પદવીદાન સમારંભમાં યુનિવર્સિટીની વિવિધ વિદ્યાશાખાઓમાં સ્નાતક અને અનુસ્નાતક કક્ષાના કુલ ૧૮૧૭૩ વિદ્યાર્થીઓને પદવી/ડીગ્રી એનાયત કરવામાં આવશે. યુનિવર્સિટીની વિવિધ વિદ્યાશાખાના તેજસ્વી વિદ્યાર્થીઓને ૧૦૮ સુવર્ણચંદ્રકો/ગોલ્ડપ્લેટેડ મેડલ એનાયત કરવામાં આવશે.