સ્પેક એન્જીનીયરીંગ કોલેજની વિદ્યાર્થીનીને રાષ્ટ્રીય કક્ષાની ચેમ્પિયનશિપમાં ગોલ્ડ મેડલ પ્રાપ્ત થયો.

સ્પેક એન્જીનીયરીંગ કોલેજની વિદ્યાર્થીનીને રાષ્ટ્રીય કક્ષાની ચેમ્પિયનશિપમાં ગોલ્ડ મેડલ પ્રાપ્ત થયો.

હેતલ શર્માને ઉપરોક્ત સિદ્ધિ મેળવવા બદલ સંસ્થાના ચેરમેનશ્રી ગીરીશ પટેલ, સેક્રેટરીશ્રી શીતલ પટેલ તેમજ ટ્રસ્ટીશ્રીઓએ અભિનંદન પાઠવ્યા

આણંદ ટુડે I આણંદ,
તિરુપતિ ફાઉન્ડેશન ટ્રસ્ટ સંચાલિત સરદાર પટેલ એજ્યુકેશન કેમ્પસ સ્થિત સરદાર પટેલ કોલેજ ઓફ એન્જીનીયરીંગના ઇન્ફોર્મેશન ટેક્નોલોજી વિભાગની વિદ્યાર્થીની હેતલ શર્માને રાષ્ટ્રીય કક્ષાની ચેમ્પિયનશિપ ફાયટિંગ મૅચમાં ગોલ્ડ મેડલ પ્રાપ્ત થયો. આ રાષ્ટ્રીય કક્ષાની ચેમ્પિયનશિપ ૧૮ થી ૨૦ ઓગસ્ટ દરમ્યાન ઉજ્જૈનમાં યોજાઇ હતી. આ મૅચમાં હેતલે ગુજરાતની પ્રતિનિધિ તરીકે ૧૮ થી ૨૧ વર્ષની શ્રેણીમાં ભાગ લીધો હતો અને તેને ઉત્કૃષ્ટ પ્રદર્શન કરીને ગોલ્ડ મેડલ જીત્યો હતો. સમગ્ર ભારતમાંથી અલગ અલગ વિદ્યાર્થીઓમાંથી હેતલનો ગોલ્ડ મેડલ આવ્યો તે ખુબ જ ગૌરવની વાત છે. આ ઉપરોક્ત સફળતા પ્રાપ્ત કરવા બદલ કોલેજ પરિવારે અભિનંદન પાઠવ્યા હતા. 
આ ઉપરોક્ત સિદ્ધિ મેળવવા બદલ સંસ્થાના ચેરમેનશ્રી ગીરીશ પટેલ, સેક્રેટરીશ્રી શીતલ પટેલ તેમજ ટ્રસ્ટીશ્રીઓ જૈમિન પટેલ, ધર્મેશ પટેલ, વિકાસ પટેલ, બ્રિજેશ પટેલ અને ભાવિન પટેલ, કાર્યકારી આચાર્ય ડો. ઋત્વિજ જોશી દ્વારા વિદ્યાર્થીનીને અભિનંદન પાઠવ્યા હતા.