આણંદ નગર પાલિકાના અને જિલ્લા પંચાયતના નવ નિયુક્ત પ્રમુખોએ B.A.P.S. સ્વામીનારાયણ મંદિરમાં શીશ ઝૂકાવ્યું
આણંદ નગર પાલિકાના અને જિલ્લા પંચાયતના નવ નિયુક્ત પ્રમુખોએ B.A.P.S. સ્વામીનારાયણ મંદિરમાં શીશ ઝૂકાવ્યું
કોઠારી પૂજ્ય ભગવતચરણ સ્વામીએ નવ નિયુક્ત પ્રમુખો સહિત સૌ મહાનુભાવોને આપ્યા આશીર્વાદ
આણંદ ટુડે I આણંદ
આણંદ જિલ્લા પંચાયતના નવ નિયુક્ત પ્રમુખ શ્રી હસમુખભાઈ પટેલ (ટીનાભાઈ), આણંદ નગર પાલિકાના નવ નિયુક્ત પ્રમુખશ્રી જીજ્ઞેશભાઈ પટેલ, કારોબારી ચેરમેન શ્રી નિલેશભાઈ પટેલ અને જે. કે. પાર્ક વાળા શ્રી કિરીટભાઇ પટેલ, રામકૃષ્ણ સેવા મંડળ, શ્રી વનીશભાઈ (દાલ) બી. એ.પી. એસ. સ્વામીનારાયણ મંદિર આણંદ ખાતે દર્શન - આશીર્વાદ માટે ખાસ પધાર્યા હતા. ઠાકોરજીના દર્શન બાદ કોઠારી પૂજ્ય ભગવતચરણ સ્વામીએ નવ નિયુક્ત પ્રમુખો તથા સૌ મહાનુભાવોને ઉમળકાથી આવકાર્યા હતા, હારતોરાથી સૌનું અભિવાદન - સત્કાર કરીને સૌને આશીર્વાદ પાઠવ્યા હતા. નવ નિયુક્ત પ્રમુખો દ્વારા આણંદ નગર અને સમગ્ર જિલ્લામાં યશસ્વી સેવાકાર્યો થાય અને પરિણામે જાહેર જનતાનાની સુખાકારી વધે તેવી શુભેચ્છા સહ અક્ષર પુરુષોત્તમ મહારાજ અને પ્રગટ બ્રહ્મસ્વરૂપ મહંતસ્વામી મહારાજના ચરણ કમળમાં પ્રાર્થના કરી હતી.
