બેંક ઑફ ઇન્ડિયા વડોદરા ઝોન દ્વારા આણંદ ખાતે NRI સંમેલન યોજાયું

બેંક ઑફ ઇન્ડિયા વડોદરા ઝોન દ્વારા આણંદ ખાતે NRI  સંમેલન યોજાયું 

આ કાર્યક્રમમાં પ્રશ્નોતરી દ્વારા NRI મિત્રોના પ્રશ્નોનું પણ સુખદ નિરાકરણ લાવવામાં આવ્યું. 

આણંદ ટુડે I આણંદ
આણંદ ખાતે બેન્ક ઓફ ઇંડિયા દ્વારા NRI સ્નેહ મિલનનું ભવ્ય આયોજન કરવામાં આવ્યું હતું..આ પ્રસંગે બેન્ક ઓફ ઇંડિયાના ઝોનલ મેનેજર શ્રી અજય કડુજીએ ઉપસ્થિત તમામ NRI મિત્રોનું અભિવાદન કર્યું અને પોતાના પ્રસંગોચિત ઉદ્દબોધનમાં બેન્ક ઓફ ઇંડિયાની વિવિધ ઉપલબ્ધિઓ વર્ણવી તેમજ તેમાં NRI મિત્રોના યોગદાન પર વિશેષ ભાર મૂક્યો.આ ઉપરાંત બેન્ક ઓફ ઇંડિયાની વિવિધ NRI પ્રોડક્ટ વિશે પણ સૌને માહિતગાર કર્યા. આ પ્રસંગે બેન્ક ઓફ ઇન્ડિયાની થર્ડ પાર્ટી પ્રોડક્ટ જેમ કે SUD LIFE, BOI MUTUAL FUND , BAJAJ HEALTH INSURANCE વિશે પણ ત્યાં ઉપસ્થિત પ્રતિનિધિઓએ ગ્રાહકોને માહિતગાર કર્યા. 
આ કાર્યક્રમ દરમિયાન પ્રશ્નોતરી દ્વારા NRI મિત્રોના પ્રશ્નોનું પણ સુખદ નિરાકરણ લાવવામાં આવ્યું. કાર્યક્રમ ના અંતમાં ડેપ્યુટી ઝોનલ મેનેજર શ્રી કુમાર સિંહ સાહેબે આભાર વિધિ વ્યક્ત કરી આશરે ૧૦૦ જેટલા NRI ગ્રાહકો તેમના જેવા અન્ય ગ્રાહકોને પણ બેન્ક સાથે જોડવાના સંકલ્પ સાથે વિદાય થયાં.