ઓસ્કાર એવોર્ડ વિજેતા હોલિવૂડ ફિલ્મોના અભિનેતા વિલિયમ હર્ટ ની આજે પુણ્યતિથિ

આજના દિવસની વિશેષતા

તા. 13 માર્ચ : તારીખ તવારીખ
સંકલન : વિજય ઠક્કર (આણંદ)

ઓસ્કાર એવોર્ડ વિજેતા હોલિવૂડ ફિલ્મોના અભિનેતા વિલિયમ હર્ટ ની આજે પુણ્યતિથિ

વિલિયમ હર્ટ 1980ના દાયકામાં સક્રિય મંચ અભિનેતા હતા અને તેમણે ઓફ બ્રોડવેના પ્રોડક્શન્સમાં કામ કર્યું હતું. તેમણે તેમના બ્રોડવે પ્રોડક્શન હર્લીબર્લી માટે 1985માં પ્રથમ ટોની એવોર્ડ નોમિનેશન મેળવ્યું હતું. વિલિયમની ડેબ્યુ ફિલ્મની ભૂમિકા 1980માં સાયન્સ ફિક્શન થ્રિલર ઓલ્ટર્ડ સ્ટેટ્સ માટે હતી. જેમાં તેણે એક વૈજ્ઞાનિકનું પાત્ર ભજવ્યું હતું. આ માટે તેને ન્યૂ સ્ટાર ઓફ ધ યર માટે ગોલ્ડન ગ્લોબ નોમિનેશન પણ મળ્યું. એટલું જ નહીં, વિલિયમ 1980ના દાયકાના મધ્યમાં 3 વખત એકેડેમી એવોર્ડ્સ માટે નોમિનેટ થયા હતા. જેમાં કિસ ઓફ સ્પાઈડર વુમન, ચિલ્ડ્રન ઓફ લેસર ગોડ અને બ્રોડકાસ્ટ ન્યૂઝ સામેલ છે. તે કિસ ઓફ ધ સ્પાઈડર વુમન માટે જીત્યો હતો.

વિલિયમ હંમેશા ટોચના નિર્દેશકો સાથે કામ કરતો હતો. તેમની પ્રથમ 5 ફિલ્મોમાં કેન રસેલ, પીટર યેટ્સ, લોરેન્સ કસ્ડન, માઈકલ એપ્ટેડ અને હેક્ટર બાબેન્સોનો સમાવેશ થાય છે. તેણે કેન સાથે 2 વધુ ફિલ્મો કરી, ધ એક્સિડેન્ટલ ટૂરિસ્ટ અને આઈ લવ યુ ટુ ડેથ.
તમને જણાવી દઈએ કે વર્ષ 2018માં ખબર પડી હતી કે હર્ટને ટર્મિનલ પ્રોસ્ટેટ કેન્સર હતું. જે હાડકામાં ફેલાઈ ગયું હતું.જેઓનું 13 માર્ચ 2022ના રોજ નિધન થયું હતું.

* ભારતીય ક્રાન્તિકારી ઉધમસિંગ દ્વારા લંડનમાં માઈકલ ઓ'ડાયરની હત્યા કરવામાં આવી (1940)
પંજાબના તે સમયના લેફ્ટનન્ટ ગવર્નર 'જનરલ ડાયર' એ જલિયાંવાલા બાગ ખાતે (13-4-1919એ) ફાયરિંગ માટેનો ઓર્ડર આપ્યો હતો 

* મરાઠા શાસન દરમિયાન પોતાની ચતુરાઈ અને બુદ્ધિમત્તા માટે વિખ્યાત નાના ફડનવીસ (બાલાજી જનાર્દન ભાનુ) નું અવસાન (1800)

* હિન્દી ફિલ્મોના નિર્માતા - દિગ્દર્શક અને લેખક નાસિર હુસેન (મોહમ્મદ નાસિર હુસેન ખાન) નું મુંબઈ ખાતે અવસાન (2002)
તેમની યાદગાર ફિલ્મોમાં યાદો કી બારાત, જો જીતા વોહી સિકંદર, કાંરવા, હમ કીસી કે કમ નહી, જમાને કો દિખાના હૈ, કયામત સે કયામત તક વગેરે છે 

* ભારતના ક્રિકેટ ખેલાડી (12 ટેસ્ટ, 4 વન ડે અને 5 ટી-20 રમનાર ) મોહમ્મદ સિરાજનો હૈદરાબાદ ખાતે જન્મ (1994)

* બાંગ્લાદેશમાં જન્મેલ અને ભારતના લોકપ્રિય સિતાર વાદક ઉસ્તાદ વિલાયત ખાંનું મુંબઈ ખાતે અવસાન (2004)

* સુરત ખાતે જન્મેલ ભારતના ક્રિકેટ ખેલાડી (12 ટેસ્ટ રમનાર) ગુલામ ગુર્દનું અવસાન (1978)

* ઉત્તર પ્રદેશના પિલીભીતથી સાંસદ વરુણ ગાંધીનો નવી દિલ્હી ખાતે જન્મ (1980)
તેઓ વર્ષ 2009થી લોકસભાના સભ્ય છે તેમના માતા મેનકા ગાંધી પણ લોકસભામાં સાંસદ છે 

* ઓસ્કાર એવોર્ડ વિજેતા હોલિવૂડ ફિલ્મોના અભિનેતા વિલિયમ હર્ટનું અમેરિકામાં અવસાન (2022)

* મરાઠી અને હિન્દી ફિલ્મોના ગાયિકા સુલોચના ચૌહાણ (સુલોચના કદમ)નો મુંબઈ ખાતે જન્મ (1933)

* લોટસ પ્રાઈઝ અને લેનિન પીસ પ્રાઈઝથી સન્માનિત ફિલિસ્તીની કવિ મહમૂદ દરવેશ નો જન્મ (1941)

* હિન્દી ફિલ્મો અને ટીવીના અભિનેતા શફી ઇનામદારનું અવસાન (1996)

* હિન્દી ફિલ્મ અને અમેરિકન ટીવીના અભિનેત્રી નિમરત કૌરનો રાજસ્થાનમાં જન્મ (1982)

* ક્રિકેટર હરભજનસિંહના પત્ની (2015) અને હિન્દી ફિલ્મોના અભિનેત્રી ગીતા બસરાનો ઈંગ્લેન્ડમાં જન્મ (1984)

* ક્રિકેટ વર્લ્ડકપની સેમીફાઈનલ મેચમાં કોલકાતા ખાતે શ્રીલંકા સામે રમત ભારતનો પરાજય થયો (1996)

* મિશનરી ઓફ ચેરિટી માટેનું નેતૃત્વ કરવાની જવાબદારી સિસ્ટર નિર્મલાને મધર ટેરેસા ની હયાતીમાં સોંપવામાં આવી (1997)

* પનામા દેશના ક્રિકેટ ખેલાડી અસલમ દોરિયાનો ગુજરાતના પાનોલી ખાતે જન્મ (1983)