શું આપ જાણો છો..? હિન્દી ફિલ્મોના પ્રથમ સુપર સ્ટાર કોણ હતા. જેઓ ગાયક પણ હતા. આજે છે તેમનો જન્મદિવસ.

આજના દિવસની વિશેષતા

તા. 11 એપ્રિલ : 11 April
તારીખ તવારીખ
સંકલન : વિજય ઠક્કર (આણંદ)

હિંદી ફિલ્મોના પ્રથમ સુપરસ્ટાર, ગાયક અને અભિનેતા કે. એલ. સાયગલનો આજે જન્મદિવસ

હિંદી ચલચિત્રોના અભિનેતા તેમજ ગાયક કે.એલ. સાયગલનો જન્મ 11 એપ્રિલ 1904ના રોજ જમ્મૂમાં થયો હતો.  કુંદનલાલ સાયગલ હિન્દી સિનેમામાં પ્રથમ સુપરસ્ટાર ગણાય છે. તેઓ 1931-32માં સિનેમા જગતમાં આવ્યા અને ખૂબ જ લોકપ્રિય ગાયક અને અભિનેતા બન્યા. 1935થી 1947ની વચ્ચે તેઓ ખૂબ જ લોકપ્રિય રહ્યા હતા. તેમણે કુલ 36 ફિલ્મોમાં કામ કર્યં, જેમાંથી 28 હિન્દી ફિલ્મો હતી, જ્યારે સાત બંગળી ફિલ્મ અને એક તમિલ ફિલ્મ હતી.
તેમની કેટલીક લોકપ્રિય ફિલ્મો જેમ કે, પ્રેસીડેન્ટ, માઈ મિસ્ટર, જિંદગી, ચાંદીદાસ, ભક્ત સૂરદાસ, તાનસેન ખૂબ જ હિટ ફિલ્મ રહી હતી.તેમનાં ગીત જબ દિલ હી ટૂટ ગયા, એક બંગલા બને ન્યારા, હમ અપના ઉન્ને બના ના સકે, દો નૈના મતવાલે તિહારે, મૈં ક્યા જાનૂં ક્યા જાદૂ હૈ, કતીબે તકદીર આજે પણ લાખો સંગીતપ્રેમીઓને પસંદ છે.તેમનું અવસાન ૧૮ જાન્યુઆરી, ૧૯૪૭ના દિને થયું હતું.

* કસ્તુરબા ગાંધી (કસ્તુરબાઇ માખણજી કાપડિયા)નો પોરબંદર ખાતે જન્મ (1869)
તેમના લગ્ન મહાત્મા ગાંધીજી સાથે 1883માં થયા હતા

* હિન્દી, મરાઠી અને અન્ય પ્રાદેશીક ભાષાની ફિલ્મો અને ટીવીના અભિનેત્રી રોહિણી હટંગડીનો પુના ખાતે જન્મ (1955)
તેમણે રિચાર્ડ એટનબરોની ગાંધી ફિલ્મમાં કસ્તુરબાની યાદગાર ભૂમિકા ભજવી છે
તેમની અન્ય યાદગાર ફિલ્મોમાં ચાલબાઝ, અર્થ, પાર્ટી, સારાંશ, ચક્ર, જલવા, શહેનશાહ, અગ્નિપથ, દામિની, ઘાતક, લજ્જા, મુન્નાભાઈ એમબીબીસ, 

* પદ્મ ભૂષણ એવોર્ડ અને સાહિત્ય અકાદમી પુરસ્કારથી સન્માનિત હિન્દી સાહિત્યકાર વિષ્ણુ પ્રભાકરનું દિલ્હી ખાતે અવસાન (2009)

* અર્જુન એવોર્ડથી સન્માનિત ભારતના ટેનિસ ખેલાડી રામાનાથન ક્રિષ્નનનો તામિલનાડુના નાગરકોઈલ ખાતે જન્મ (1937)

* પદ્મ ભૂષણના રાજ્ય પુરસ્કારથી સન્માનિત ભારતીય ચિત્રકાર જૈમિની રોયનો પશ્ચિમ બંગાળ રાજ્યમાં જન્મ (1887)

* અર્જુન એવોર્ડથી સન્માનિત બેડમિન્ટનના ખેલાડી અનુપ શ્રીધરનો બેંગ્લોર ખાતે જન્મ (1983)

* ભારતના શ્રેષ્ઠ જાસૂસોમાંનો એક કે જે બ્લેક ટાઈગર તરીકે પ્રખ્યાત છે અને પાકિસ્તાન વિરુદ્ધ R&AW માટે (1979 થી 1983 દરમિયાન) જાસૂસી કરનાર રવિન્દ્ર કૌશિકનો રાજસ્થાનમાં જન્મ (1952)
તેઓ રિસર્ચ એન્ડ એનાલિસિસ વિંગ ઓપરેટિવ હતા ane તેણે પાકિસ્તાન સશસ્ત્ર દળોના કમિશન્ડ ઓફિસર રેન્કમાં સફળતાપૂર્વક પ્રવેશ કર્યો હતો રી હતી

* મહારાષ્ટ્રના સામાજિક કાર્યકર, વિચારક, જાતિ વિરોધી સમાજ સુધારક અને લેખક જ્યોતિરાવ ગોવિંદરાવ ફૂલેનો જન્મ (1827)

* બંગાળી ફિલ્મોના અભિનેત્રી અને લોકસભાના સાંસદ (2014) રહેલ સંધ્યા રોયનો જન્મ (1941)

* સતારાના સાંસદ અને સિક્કિમના ગવર્નર તરીકે સેવા આપનાર એનસીપીના નેતા શ્રીનિવાસ પાટીલનો જન્મ (1941)

* હિન્દી ફિલ્મોના અભિનેત્રી અમીતાનો કોલકાતા ખાતે જન્મ (1940)
તેમની યાદગાર ફિલ્મોમાં ગુંજ ઉઠી શહેનાઈ, તુમસા નહિ દેખા, મા બેટા, પિયા મિલન કી આસ, મેરે મેહબૂબ, મુનીમજી વગેરે છે 

* બૉલીવુડ ફિલ્મોના નિર્દેશક મોહિત સુરીનો મુંબઈ ખાતે જન્મ (1981)
તેમની નોંધપાત્ર ફિલ્મોમાં એક વિલન, મર્ડર 2, આશિકી 2, આવારાપન, મલંગ, હાફ ગર્લફ્રેન્ડ વગેરે છે
તેમના લગ્ન અભિનેત્રી ઉદિતા ગોસ્વામી સાથે થયા છે 

* ઇન્ડિયન આઈડોલના સ્પર્ધક-ગાયક અને હિન્દી ટીવીના અભિનેતા અમિત ટંડન નો અમેરિકામાં જન્મ (1979)

* રિષિકેશ ખાતે લક્ષ્મણ ઝૂલા ખુલ્લા મુકાયા (1930)