બોલિવૂડ ફિલ્મ 'જાનશીન'થી અભિનયની શરૂઆત કરનાર અભિનેત્રી સેલિના જેટલીનો આજે જન્મદિવસ

આજના દિવસની વિશેષતા

તારીખ તવારીખ

સંકલન : વિજય એમ. ઠક્કર 

Today - 24 NOVEMBER

આજે : તા. 24 નવેમ્બર

*બોલિવૂડ ફિલ્મ 'જાનશીન'થી અભિનયની શરૂઆત કરનાર અભિનેત્રી સેલિના જેટલીનો જન્મ 24 નવેમ્બર, 1981ના રોજ અફઘાનિસ્તાનના કાબૂલમાં પંજાબી ફૅમિલીમાં થયો હતો. સેલિનાના પિતા વી.કે.જેટલી ભારતીય સેનામાં કર્નલ હતા. જ્યારે અભિનેત્રીની મમ્મી મીતા એક અફઘાન હિંદુ હતી જે ભારતીય સેનામાં નર્સ તરીકે કામ કરતી હતી. સેલિનાનો ભાઈ પણ ભારતીય સેનામાં જ છે.બોલીવુડની આ અભિનેત્રીએ  2001માં મિસ ઈન્ડિયાનો ખિતાબ જીત્યો અને મિસ યુનિવર્સ 2001માં 4થી રનર અપ રહી .

* કર્ણાટક સ્ટેટ ક્રિકેટ એસોસિએશનના સચિવ અને ભારતીય રાષ્ટ્રીય ટીમ માટે રાષ્ટ્રીય પસંદગી સમિતિના અધ્યક્ષ રહેલ બ્રિજેશ પટેલનો વડોદરામાં જન્મ (1952) 

* માનવાધિકાર અને પર્યાવરણ સંરક્ષણ માટે સક્રિય રાજનૈતિક કાર્યકર્તા અને લેખિકા અરુંધતિ રોયનો મેઘાલય રાજ્યનાં શિલોંગમાં જન્મ (1961)

* બ્રિટિશ ભારતના પંજાબ પ્રાંતના અગ્રણી રાજકારણી અને વિચારક સર છોટુ રામનો જન્મ (1881)
વકીલાત સાથે ભારતીય ઉપખંડના ગરીબોના હિતમાં કામ કરવાની આ સિદ્ધિ બદલ તેમનું 1937માં 'નાઈટ'નું બિરુદ આપવામાં આવ્યું હતું 

* ભારતીય અર્થશાસ્ત્રી, નાગરિક સેવક અને ભારતના આયોજન પંચના ઉપાધ્યક્ષ રહેલ મોન્ટેક સિંહ આહલુવાલિયાનો જન્મ (1943)

* આસામના લેખક, પત્રકાર અને ચાના વાવેતરકર્તા રજનીકાંત બોરદોલોઈનો જન્મ (1867) 

* રાજસ્થાન રાજ્યના પ્રથમ મુખ્ય પ્રધાન બનેલ રાજકારણી અને સ્વાતંત્ર્ય સેનાની પંડિત હીરાલાલ શાસ્ત્રીનો જન્મ (1899)
તેઓ 30 માર્ચ 1949 થી 5 જાન્યુઆરી 1951 સુધી રાજસ્થાનના મુખ્યમંત્રી હતા
હીરા લાલ શાસ્ત્રીએ ‘વનસ્થલી વિદ્યાપીઠ’ની સ્થાપના કરી હતી. આજે આ વિદ્યાપીઠે મહિલા શિક્ષણની મુખ્ય રાષ્ટ્રીય સંસ્થાનું સ્વરૂપ ધારણ કર્યું છે

* ભારતીય વ્યાવસાયિક ફૂટબોલર અને ઇન્ડિયન સુપર લીગમાં હૈદરાબાદ એફસી અને ભારત માટે રમતા સુબ્રત પાલનો જન્મ (1986)

* જમ્મુ અને કાશ્મીરમાં કોંગ્રેસ પાર્ટીના સ્થાપક તરીકે ઓળખાતા વકીલ મોહમ્મદ શફી કુરેશીનો જન્મ (1929) 
મોહમ્મદ શફી કુરેશીએ જમ્મુ-કાશ્મીર હાઈકોર્ટમાં પણ પ્રેક્ટિસ કરતા અને 1965માં જમ્મુ-કાશ્મીરમાંથી રાજ્યસભામાં ચૂંટાયા હતા
તેમણે બિહાર અને મધ્યપ્રદેશના રાજ્યપાલ તરીકે પણ કાર્યભાર સંભાળ્યો હતો

* સ્કોટિશ મિડફિલ્ડર ફૂટબોલ ખેલાડી અને કોચ નીલ જેમ્સ કૂપરનો ભારતમાં દાર્જિલિંગ ખાતે જન્મ (1963)
જે એલેક્સ ફર્ગ્યુસન દ્વારા સંચાલિત એબરડીન ટીમ માટે સૌથી વધુ જાણીતા હતા અને બાદમાં એસ્ટોન વિલા, રેન્જર્સ, રીડિંગ, ડનફર્મલાઇન એથ્લેટિક અને રોસ કાઉન્ટી માટે રમ્યા

* મુંબઈ પોલીસના ડેપ્યુટી પોલીસ કમિશનર બનનાર પ્રથમ ભારતીય (1928માં) અને ક્રાઈમ બ્રાન્ચ વિભાગના પ્રભારી તથા ગુપ્તચર નેટવર્ક માટે જાણીતા ખાન બહાદુર કાવસજી જમશેદજી પેટીગારાનો સુરતમાં જન્મ (1877) 

* તત્વચિંતનનાં રાજકુમાર, મનોવૈજ્ઞાનિક અને રાજકીય ચિંતક તરીકે પ્રસિદ્ધ થયેલાં બરૂચ સ્પિનોઝાનો હોલેન્ડનાં એમ્સ્ટડમમાં જન્મ (1632)

* હિન્દી ફિલ્મ પટકથા લેખક અને નિર્માતા સલીમ ખાનનો જન્મ (1935)

* હિન્દી અને મરાઠી સિનેમાના અભિનેતા, દિગ્દર્શક અને નિર્માતા અમોલ પાલેકરનો જન્મ (1944)

* અંગ્રેજી રોક બેન્ડ ધ બીટલ્સના ડ્રમર તરીકે વિશ્વવ્યાપી ખ્યાતિ હાંસલ કરનાર પીટર બેસ્ટ (રેન્ડોલ્ફ પીટર સ્કેનલેન્ડ)નો ભારતમાં ચેન્નાઈ ખાતે જન્મ (1941)

* હિન્દી મ્યુઝિક વીડિયોમાં અભિનેત્રી શેફાલી જરીવાલાનો જન્મ (1982)

* મોડલ અને અભિનેતા પ્રિન્સ નરુલાનો જન્મ (1990)

* લાલડુહોમા (લાલદુહૌમા) ભારતમાં પક્ષપલટા વિરોધી કાયદા હેઠળ છૂટા થયેલા પ્રથમ સાંસદ બન્યા (1988)
મિઝોરમના ભૂતપૂર્વ ભારતીય પોલીસ સેવા અધિકારી અને વડા પ્રધાન ઇન્દિરા ગાંધીની સુરક્ષા સેવામાંથી રાજીનામું આપીને, 1984માં મિઝોરમથી લોકસભાના સાંસદ તરીકે ચૂંટાયા બાદ તેમણે ભારતીય રાષ્ટ્રીય કોંગ્રેસ છોડી અને જે પક્ષમાંથી તેઓ ચૂંટાયા તેના માટે તેમને ગેરલાયક ઠેરવવામાં આવ્યા હતા