આણંદ ટુડે | ચાંગા
ચરોતર યુનિવર્સિટી ઓફ સાયન્સ એન્ડ ટેકનોલોજી (ચારુસેટ)ને રાષ્ટ્રીય સ્તરે વધુ એક ગૌરવપૂર્ણ સિદ્ધિ પ્રાપ્ત થઈ છે. નવી દિલ્હીના યશોભૂમિ (IICC) ખાતે યોજાયેલા ધ ઈકોનોમિક ટાઇમ્સ એજ્યુકેશન એક્સલન્સ એવોર્ડ્સ-2026 સમારોહમાં ચારુસેટને ‘એક્સલન્સ ઇન લિબરલ આર્ટ્સ એન્ડ હ્યુમેનિટીઝ એજ્યુકેશન’ એવોર્ડથી નવાજવામાં આવી છે. લિબરલ આર્ટ્સ અને હ્યુમેનિટીઝ ક્ષેત્રે ચારુસેટ દ્વારા વિકસાવવામાં આવેલી અનોખી શૈક્ષણિક પદ્ધતિઓ અને વિદ્યાર્થીઓના સર્વાંગી વિકાસ માટેના પ્રયત્નોની રાષ્ટ્રીય સ્તરે નોંધ લેવાઈ છે.
એવોર્ડ સમારોહમાં ફેકલ્ટી ઓફ હ્યુમેનિટીઝ (FoH)ના ડીન અને CLASSના પ્રિન્સિપાલ ડૉ. ભાસ્કર પંડ્યા તેમજ કોર્પોરેટ કોમ્યુનિકેશન ઓફિસર કૃતેન પટેલ ઉપસ્થિત રહ્યા હતા.
ઈકોનોમિક ટાઇમ્સ એજ્યુકેશન એક્સલન્સ એવોર્ડ્સ દેશની શિક્ષણ વ્યવસ્થામાં શ્રેષ્ઠ યોગદાન આપતી સંસ્થાઓ, શિક્ષણવિદો અને પહેલોને સન્માનિત કરે છે. પ્રાથમિક શિક્ષણથી લઈને ઉચ્ચ શિક્ષણ, સંશોધન અને કૌશલ્ય વિકાસ સુધીના ક્ષેત્રોમાં ઉત્કૃષ્ટ કામગીરીને માન્યતા આપવામાં આવે છે.
ચારુસેટમાં લિબરલ આર્ટ્સ અને હ્યુમેનિટીઝના વિકાસની શરૂઆત વર્ષ 2002માં ડિપાર્ટમેન્ટ ઓફ કોમ્યુનિકેશન સ્કિલ્સથી થઈ હતી. ત્યારબાદ વર્ષ 2014માં ડિપાર્ટમેન્ટ ઓફ હ્યુમેનિટીઝ એન્ડ સોશિયલ સાયન્સિસ (HSS)ની રચના કરવામાં આવી. વર્ષ 2023માં ફેકલ્ટી ઓફ હ્યુમેનિટીઝ (FoH) અને વર્ષ 2025માં *ચરોતર ઇન્સ્ટિટ્યૂટ ઓફ લેંગ્વેજિસ, આર્ટ્સ એન્ડ સોશિયલ સ્ટડીઝ (CLASS)*ની સ્થાપના સાથે આ ક્ષેત્રને વધુ મજબૂતી મળી હતી.CLASS દ્વારા વિદ્યાર્થીઓના વ્યક્તિગત, સામાજિક અને વ્યાવસાયિક વિકાસને કેન્દ્રમાં રાખી સ્ટુડન્ટ્સ હોલિસ્ટિક ડેવલપમેન્ટ મોડેલ અમલમાં મૂકવામાં આવ્યું છે, જેના માધ્યમથી વિદ્યાર્થીઓનો સર્વાંગી વિકાસ સુનિશ્ચિત થાય છે.
ચારુસેટમાં લિબરલ આર્ટ્સ અંતર્ગત પેઇન્ટિંગ, ફોટોગ્રાફી, મીડિયા એન્ડ ગ્રાફિક ડિઝાઇન, સ્કલ્પ્ટિંગ, પોટરી એન્ડ સિરામિક આર્ટ, કથક, ભરતનાટ્યમ, કન્ટેમ્પરરી ડાન્સ, ડ્રામા, સંગીત તેમજ વિવિધ વાદ્યોના અભ્યાસક્રમો ઓફર કરવામાં આવે છે.સાથે જ વેલ્યુઝ એન્ડ એથિક્સ, ક્રિએટિવિટી-પ્રોબ્લેમ સોલ્વિંગ-ઇનોવેશન (CPI), ઇન્ડિયન નોલેજ સિસ્ટમ્સ (IKS), રામાયણ-મહાભારતમાંથી જીવનપાઠ અને આધ્યાત્મિકતા જેવા મૂલ્ય આધારિત અભ્યાસક્રમો પણ ચલાવવામાં આવે છે.
ચારુસેટ દ્વારા ફ્રેન્ચ અને જર્મન ભાષાના અભ્યાસક્રમો સફળતાપૂર્વક ચલાવવામાં આવી રહ્યા છે. અત્યાર સુધીમાં 704 વિદ્યાર્થીઓએ ફ્રેન્ચ અને 161 વિદ્યાર્થીઓએ જર્મન ભાષા શીખી છે. આગામી શૈક્ષણિક વર્ષથી ચાઇનીઝ અને જાપાનીઝ ભાષાના અભ્યાસક્રમો શરૂ કરવાની પણ યોજના છે.
લિબરલ આર્ટ્સના 15 વિવિધ અભ્યાસક્રમો
અત્યાર સુધીમાં 22,058થી વધુ વિદ્યાર્થીઓ લાભાન્વિત
12મી લિબરલ આર્ટ્સ વર્કશોપમાં 2,322 વિદ્યાર્થીઓની ભાગીદારી
ફોટોગ્રાફીમાં 10,321થી વધુ વિદ્યાર્થીઓએ તાલીમ લીધી
મીડિયા એન્ડ ગ્રાફિક ડિઝાઇનમાં 6,160 વિદ્યાર્થીઓ જોડાયા
પેઇન્ટિંગ, ડાન્સ, ડ્રામા, સંગીત અને અન્ય કળાઓમાં હજારો વિદ્યાર્થીઓને તાલીમ
“ચારુસેટના અભ્યાસક્રમો વિદ્યાર્થીઓના વ્યક્તિગત, સામાજિક અને વ્યાવસાયિક વિકાસને કેન્દ્રમાં રાખીને તૈયાર કરવામાં આવ્યા છે, જે તેમને સર્વાંગી વિકાસ તરફ દોરી જાય છે.”
“બહુભાષી શિક્ષણ વિદ્યાર્થીઓની સ્મરણશક્તિ, નિર્ણયક્ષમતા અને વૈશ્વિક કારકિર્દીની તકોમાં વધારો કરે છે. ચારુસેટ બહુભાષી ગ્રેજ્યુએટ્સ તૈયાર કરવા પ્રતિબદ્ધ છે.”
“આર્ટિફિશિયલ ઇન્ટેલિજન્સના યુગમાં માનવીય મૂલ્યો સાથે જોડાયેલું શિક્ષણ અત્યંત જરૂરી છે અને તેમાં લિબરલ આર્ટ્સ તથા હ્યુમેનિટીઝની ભૂમિકા વધુ મહત્વપૂર્ણ બનશે.”
“વિદ્યાર્થીઓના સર્વાંગી વિકાસ માટે વૈવિધ્યસભર અભ્યાસક્રમો અને સર્જનાત્મક તકો ઉપલબ્ધ કરાવવી ચારુસેટની આગવી ઓળખ છે. આ સિદ્ધિ સમગ્ર ટીમ માટે ગૌરવની ક્ષણ છે.”
Copyright © Copyright © anandtoday.com. All rights reserved