AnandToday

ઈકો-ફ્રેન્ડલી ટેકનોલોજીથી દેશભરમાં ચારૂસેટનું નામ ગુંજ્યું

ચારૂસેટના વિદ્યાર્થીના ઈકો-ફ્રેન્ડલી ઈનોવેશનને MSME Hackathon 5.0 હેઠળ રૂ. 14.5 લાખની ગ્રાન્ટ

પ્લાસ્ટિક વેસ્ટમાંથી તૈયાર થશે ગ્રીન બિલ્ડિંગ મટીરિયલ

આણંદ ટુડે | ચાંગા

ચારુસેટ યુનિવર્સિટીના વિદ્યાર્થીએ ઈકો-ફ્રેન્ડલી ઈનોવેશન કરી રાષ્ટ્રીય સ્તરે યુનિવર્સિટીનું નામ રોશન કર્યું છે. CSPIT (IT) ના વિદ્યાર્થી નિલય શાહ દ્વારા વિકસાવવામાં આવેલા પ્રોજેક્ટ “Blox” ને ભારત સરકારના પ્રતિષ્ઠિત MSME હેકાથોન 5.0 અંતર્ગત પસંદ કરવામાં આવ્યો છે, જેના માટે વિદ્યાર્થીને રૂ. 14.5 લાખની ગ્રાન્ટ મંજૂર કરવામાં આવી છે. આ પ્રોજેક્ટ CSPIT ના આસિસ્ટન્ટ પ્રોફેસર ડૉ. પ્રિયંકા પટેલના માર્ગદર્શન હેઠળ તૈયાર કરવામાં આવ્યો છે.

 “Blox” એ પ્લાસ્ટિકના કચરાના નિકાલ માટેનું એક ક્રાંતિકારી અને પર્યાવરણને અનુકૂળ ઈનોવેશન છે. આ ટેકનોલોજી દ્વારા પ્લાસ્ટિક વેસ્ટને મજબૂત ઈંટોમાં પરિવર્તિત કરવામાં આવે છે. આ પ્રક્રિયાની ખાસિયત એ છે કે તેમાં પ્લાસ્ટિકને બાળવામાં કે ગરમ કરવામાં આવતું નથી, જે પર્યાવરણને નુકસાન થતું અટકાવે છે અને ટકાઉ બાંધકામ સામગ્રી પૂરી પાડે છે.

ચારુસેટ યુનિવર્સિટીના પ્રોવોસ્ટ ડો. અતુલ પટેલ, રજીસ્ટ્રાર ડો. બિનીત પટેલ, ડૉ. વિજય ચૌધરી (ડીન, FTE), ડૉ. તૃષિત ઉપાધ્યાય (પ્રિન્સિપાલ, CSPIT), ડૉ. પૂર્વી પ્રજાપતિ (HOD-IT, CSPIT) આ સિદ્ધિ બદલ નિલય અને તેની ટીમને અભિનંદન પાઠવ્યા છે.

ચારુસેટને MSME અંતર્ગત 'હોસ્ટ ઈન્સ્ટિટ્યૂટ' તરીકે સ્થાપિત કરવામાં અને વિદ્યાર્થીઓના પ્રોજેક્ટ્સને યોગ્ય પ્લેટફોર્મ પૂરું પાડવામાં CIVF ના સિનિયર એક્ઝિક્યુટિવ ઓફિસર ડૉ. સ્વાતી જોશીએ મહત્વનું યોગદાન આપ્યું છે.

CIVF ના ડાયરેક્ટર્સ શ્રી અશોક પટેલ, શ્રીમતી મધુબેન પટેલ, શ્રી ગીરીશભાઈ પટેલ અને શ્રી વિપુલભાઈ પટેલે પણ વિદ્યાર્થીઓના ઉત્સાહને વધારતા જણાવ્યું હતું કે, ચારુસેટ હંમેશા ઇનોવેશન અને એન્ટરપ્રેન્યોરશિપને પ્રોત્સાહન આપવા માટે કટિબદ્ધ છે. આ સિદ્ધિ ચારુસેટની સમાજલક્ષી અને પર્યાવરણલક્ષી સંશોધનો પ્રત્યેની પ્રતિબદ્ધતા દર્શાવે