AnandToday

વિશ્વ મહિલા દિવસે વિદ્યાનગરમાં નારી પ્રતિભાઓનું  સન્માન

સાહિત્યથી લઈ સામાજિક સેવા સુધી 11 ક્ષેત્રે મહિલાઓને મળ્યો ‘નારી રત્ન’ એવોર્ડ

આણંદ ટુડે | આણંદ
આંતરરાષ્ટ્રીય વિશ્વ મહિલા દિવસ નિમિત્તે ‘નમસ્કાર ગુજરાત’ દૈનિક અને સિને મીડિયા ફાઉન્ડેશન અમદાવાદના સંયુક્ત ઉપક્રમે નારી રત્ન સન્માન સમારોહ – 2026નું ભવ્ય આયોજન 8 માર્ચ, રવિવારે વિદ્યાનગર સ્થિત એમ.પી. પટેલ ઓડિટોરિયમ ખાતે કરવામાં આવ્યું હતું. કાર્યક્રમને સફળ બનાવવા તનિષ્ક જવેલર્સ, તનેરા સાડી અને મીયા બાયા તનિષ્ક વડોદરા-આણંદના માર્કેટિંગ મેનેજર વિવેક વ્યાસનો મહત્વપૂર્ણ સહયોગ રહ્યો હતો.
આ સમારંભના મુખ્ય આયોજક સિને મીડિયા ફાઉન્ડેશનના પ્રમુખ ડૉ. કલ્પેશ પટેલ હતા. કાર્યક્રમમાં વિશિષ્ટ મહેમાન તરીકે ઉન્નતિ દેસાઈ (યુનિટી વર્લ્ડ એશિયા અર્થ લોરિયલ મિસિસ ઇન્ટરનેશનલ વર્લ્ડ), શૈલેષ શાહ (પ્રિન્સ પાર્થ ફિલ્મ્સ), ડૉ. સ્મિત પટેલ (ડિરેક્ટર), નીતીશ પંચાલ, જુનિયર નાના પાટેકર જયેશ વ્યાસ, નિમિષાબેન જાની (ટ્રસ્ટી, સિને મીડિયા ફાઉન્ડેશન), ભારતીબેન પટેલ (પ્રમુખ, જાગૃતિ મહિલા સમાજ, આણંદ), હંસાબેન ધ્રુવ (સામાજિક કાર્યકર), ઇવાબેન પટેલ (મંત્રી, સિને મીડિયા ફાઉન્ડેશન), કમલાબેન પટેલ, સોનલબેન પટેલ, વૈશાલી શાહ, જયશ્રી ભટ્ટ, ડૉ. પ્રવીણાબેન પંડ્યા, અમૃતા (મેકઅપ આર્ટિસ્ટ), શિલ્પા જોષી તથા જુનિયર દિલીપકુમાર સહિત અનેક મહાનુભાવો 
ઉપરાંત ગુજરાત ઉપરાંત મહારાષ્ટ્રમાંથી પણ મોટી સંખ્યામાં બહેનો ઉપસ્થિત રહી હતી.
ખીચોખીચ ભરાયેલા ઓડિટોરિયમમાં કાર્યક્રમની શરૂઆત રાષ્ટ્રીય અંધ જન મંડળ આણંદના બાળકોએ પ્રાર્થના ગાઈ કરીને કરવામાં આવી હતી. ત્યારબાદ આમંત્રિત મહેમાનોના હસ્તે દીપ પ્રાગટ્ય કરીને વિદ્યાની દેવી મા સરસ્વતી અને શક્તિ સ્વરૂપા નારીઓને વંદન કરવામાં આવ્યું હતું. ત્યારપછી મહેમાનો દ્વારા મહિલા સશક્તિકરણ, આત્મનિર્ભર નારી અને સમાજમાં મહિલાઓની મહત્વપૂર્ણ ભૂમિકા અંગે પોતાના વિચારો રજૂ કરવામાં આવ્યા હતા.
કાર્યક્રમને સફળ બનાવવા સિને મીડિયા ફાઉન્ડેશનના ટ્રસ્ટી નિમિષાબેન જાની, મંત્રી ઇવાબેન પટેલ, રમેશ ઠાકોર (વાઇબ્રન્ટ મલ્ટી મીડિયા સીઈઓ અને રૂપિયાપુરા ગ્રામ પંચાયતના સરપંચ), નીતીશ પંચાલ, હર્ષિદા પંચાલ, રાજુ ગોહેલ (પત્રકાર), નયનભાઈ, સુનિલ રાજપૂત (ફોટોગ્રાફર), પીનાકીનભાઈ, પ્રિયા શર્મા, રાજલક્ષ્મી સિંહ, આરતી, હર્ષ જાની (એચ.એમ. એજ્યુકેશન) તેમજ મીડિયા પાર્ટનરો સહિતના સહયોગીઓએ મહત્ત્વનો ફાળો આપ્યો હતો. કાર્યક્રમનું સંચાલન જુનિયર દિલીપકુમારે પોતાના હાસ્ય અને ફિલ્મી ગીતોથી મનોરંજક બનાવી દીધું હતું.
આ પ્રસંગે નવસર્જન વિશ્વ વિક્રમ સાહિત્ય મંચ અને નમસ્કાર ગુજરાત દૈનિક સાહિત્ય સર્જન ગ્રૂપના સહિયારા સંપાદન હેઠળ તૈયાર થયેલ પુસ્તક *“એક ભારતના શિલ્પી – જય સરદાર પટેલ”*નું વિમોચન પણ કરવામાં આવ્યું હતું.
આણંદના સામાજિક કાર્યકર સોનલ પટેલ અને અમદાવાદના સામાજિક કાર્યકર વૈશાલી શાહ દ્વારા તમામ સન્માનિત બહેનોને ગિફ્ટ આપવામાં આવી હતી. કાર્યક્રમના અંતે આયોજક ડૉ. કલ્પેશ પટેલ અને તનિષ્ક જવેલર્સના માર્કેટિંગ મેનેજર વિવેક વ્યાસનું વિશેષ સન્માન કરવામાં આવ્યું હતું. સાથે જ જાગૃતિ મહિલા સમાજના પ્રમુખ ભારતીબેન પટેલ દ્વારા ડૉ. કલ્પેશ પટેલ અને નિમિષાબેન જાનીનું પણ સન્માન કરવામાં આવ્યું હતું.

વિવિધ 11 ક્ષેત્રે ઉત્કૃષ્ટ કામગીરી કરનાર નારીઓનું સન્માન

ગુજરાતના વિવિધ ક્ષેત્રો  સાહિત્ય, લોકસાહિત્ય, ફિલ્મ, શૈક્ષણિક, મીડિયા, સામાજિક સેવા, લોકનેતૃત્વ, વ્યવસાય, રમતગમત વગેરે સહિત કુલ 11 વિભાગોમાં નોંધપાત્ર કામગીરી કરનાર મહિલાઓને પ્રોત્સાહિત કરવા માટે નારી રત્ન સન્માન – 2025 અંતર્ગત સુંદર ટ્રોફી અને પ્રમાણપત્ર આપી સન્માનિત કરવામાં આવી હતી.