AnandToday

ગુજરાત સ્ટેટ એઇડ્સ કંટ્રોલ સોસાયટી દ્વારા SVIT વાસદના NSS પ્રોગ્રામ ઓફિસર ડૉ .વિકાસ અગ્રવાલનું સન્માન કરાયું

લોક કલ્યાણ માટે સુંદર કામગીરી કરવા બદલ કરાયા સન્માનિત

આણંદ ટુડે | સુરત

"વિશ્વ એઇડ્સ દિવસ" નિમિત્તે, ગુજરાત સ્ટેટ એઇડ્સ કંટ્રોલ સોસાયટી, સુરત મહાનગરપાલિકા, DISHA યુનિટ, સુરત અને ગુજરાત સ્ટેટ નેટવર્ક ઓફ પીપલ લિવિંગ વિથ HIV/AIDS (GSNP+) સંયુક્ત ઉપક્રમે HIV/AIDS જન-જાગૃતિ અર્થે ૧લી ડિસેમ્બર ૨૦૨૫, સોમવારના રોજ "રાજ્ય સ્તરીય કાર્યક્રમ" નું આયોજન કરવામાં આવ્યું હતું. આ કાર્યક્રમમાં એઇડ્સ સાથે સંકળાયેલી સંસ્થાઓ એચઆઇવી પોઝિટિવ પીપલ્સ અને તેમના માટે કાર્યકર્તા વ્યક્તિઓને તેમની કામગીરી માટે પ્રોત્સાહિત કરવામાં આવ્યા હતા. 

આ પ્રસંગે સુરત શહેરના મેયર દક્ષેશ મવાણી, શ્રી નાનુભાઈ વેનાણી (ભૂતપૂર્વ એમએલએ) શ્રીમતી શાલીની અગ્રવાલ (મ્યુનિસિપલ કમિશનર સુરત, અને શ્રી અનુપમ સિંહ ગેહલોત (આઇપીએસ કમિશનર- સુરત) વગેરે મહાનુભાવો ઉપસ્થિત રહ્યા હતા. 

આ સંદર્ભે એજ્યુકેશનલ ઇન્સ્ટિટયૂટમાં રસસ્નીય અને સુંદર કામગીરી કરવા બદલ એસવીઆઇટી વાસદના એનએસએસ પ્રોગ્રામ ઓફિસર ડૉ. વિકાશ અગ્રવાલને લોક કલ્યાણ માટે સુંદર કામગીરી માટે ગુજરાત સ્ટેટ એઇડ્સ કંટ્રોલ સોસાયટી તરફથી અનુપમ સિંહ ગેહલોતના હસ્તે સન્માનિત કરવામાં આવ્યા છે. 

એસવીઆઈટી વાસદના અધ્યક્ષ શ્રી ભાસ્કરભાઈ પટેલ, ઉપાધ્યક્ષ શ્રી શંભુભાઈ પટેલ, મંત્રી શ્રી ભાવેશભાઈ પટેલ, ખજાનચી શ્રી કિશોરભાઈ પટેલ, એજ્યુકેટીવ ડાયરેક્ટર દીપકભાઈ પટેલ, આચાર્ય ડોક્ટર ડીપી સોની તથા સર્વે એસ.વી.આઈ.ટી. પરિવાર તરફથી સમાજ ઉપયોગી આ ઉમદા કાર્ય માટે એસવીઆઇટી વાસદના એનએસએસ પ્રોગ્રામ ઓફિસર ડૉ. વિકાશ અગ્રવાલને શુભેચ્છા પાઠવવામાં આવી હતી.