AnandToday

આણંદના વિદ્યાનગરની મોકા રેસ્ટોરન્ટ સીલ કરાઈ

કરમસદની આણંદ મનપાના આરોગ્ય વિભાગ દ્વારા સ્વછતાનો અભાવ અને અખાદ્ય ખોરાક મળી આવતા રેસ્ટોરન્ટ સીલ કરાઈ

ખાણીપીણીના એકમો/હોટેલ/ રેસ્ટોરન્ટ દ્વારા નાગરિકોનું જાહેર આરોગ્ય જોખમાતું હશે તો આવી હોટલો મનપા દ્વારા સીલ કરવામાં આવશે

આણંદ ટુડે | આણંદ

કરમસદ આણંદ મહાનગરપાલિકાના આરોગ્ય વિભાગની ટીમ દ્વારા આકસ્મિક મહાનગરપાલિકા વિસ્તારની વિવિધ હોટલ રેસ્ટોરન્ટ, ખાણીપીણીના એકમો ખાતે જાહેર સ્વચ્છતા બાબતે તપાસણી હાથ ધરવામાં આવી હતી.

મહાનગરપાલિકાના આરોગ્ય વિભાગની ટીમ દ્વારા વિદ્યાનગર ખાતે આવેલી મોકા રેસ્ટોરન્ટમાં આકસ્મિક જરૂરી તપાસણી કરતા જાહેર આરોગ્યને નુકસાન કરતી ગંભીર ક્ષતિઓ જોવા મળી છે, જેમાં સ્વચ્છતા નો અભાવ જોવા મળ્યો છે અને અખાદ્ય ખોરાક તથા ગંદકી જોવા મળી અને મોકા રેસ્ટોરન્ટ ખાતે હાઈજીન અને સ્વચ્છતા બાબતે જરૂરી તપાસણી કરતા બિલકુલ હાઈજિન ન હોઈ અને લોકોના આરોગ્યને જોખમી રૂપ હોય તાત્કાલિક અસરથી આ હોટલ કાયદાની જોગવાઈ ને આધીન જીપીએમસીની કલમ ૩૭૬ એ અંતર્ગત સીલ કરવામાં આવી છે.

કરમસદ આણંદ મહાનગરપાલિકા વિસ્તારની હોટલ, રેસ્ટોરન્ટ અને ખાણીપીણીના એકમો હાઇજિન અને સ્વચ્છતા રાખે તે ખૂબ જ જરૂરી છે તેમ મનપાના આરોગ્ય વિભાગ દ્વારા અનુરોધ કરવામાં આવ્યો છે.

આ ઉપરાંત મહાનગરપાલિકાના આરોગ્ય વિભાગ દ્વારા ખાણીપીને ના એકમો ખાતે સ્વચ્છતાની ચકાસણી અંગેની ઝુંબેશ ચાલુ રહેશે તેમ જણાવાયું છે.

***