AnandToday

ચારૂસેટ એજયુકેશન એક્સ્પો 3.0 નું 4 થી 6 ડિસેમ્બર દરમિયાન આયોજન  

એજ્યુકેશન, ઇનોવેશન અને ઓપર્ચ્યુંનીટીના ફ્યુઝન સમાન એક્સ્પોમાં વિદ્યાર્થીઓ-વાલીઓને માર્ગદર્શન પ્રાપ્ત થશે

આણંદ ટુડે | ચાંગા

વિશ્વવિખ્યાત ચારૂસેટ યુનિવર્સિટી દ્વારા વિદ્યાર્થીઓના સર્વાંગી વિકાસાર્થે અનેકવિધ પ્રવૃતિઓનું આયોજન કરવામાં આવે છે ત્યારે ધોરણ 12 પછી ઉચ્ચ અભ્યાસ માટે વિદ્યાર્થીઓને યોગ્ય માર્ગદર્શન પ્રાપ્ત થાય તે હેતુથી ચારુસેટ કેમ્પસમાં સતત ત્રીજા વર્ષે 4 થી 6 ડિસેમ્બર, 2025 દરમિયાન ‘ચારુસેટ એજયુકેશન એક્સ્પો 3.0’નું ભવ્ય આયોજન કરવામાં આવ્યું છે. CHARUSAT Education Expo is presented by Anil and Asha Patel Endowment Fund at CHARUSAT and Co-powered by Jagaji Construction Company.   

તારીખ 4 ડિસેમ્બર, ગુરુવારે સવારે 10 કલાકે ચારુસેટ એજયુકેશન એક્સ્પો-2025નું ઉદ્ઘાટન કરવામાં આવશે. આ પ્રસંગે ચારૂસેટના પ્રમુખ શ્રી સુરેન્દ્રભાઈ પટેલ, પ્રોવોસ્ટ ડો. અતુલ પટેલ, રજીસ્ટ્રાર ડો. બિનીત પટેલ વગેરે ઉપસ્થિત રહેશે. ચારુસેટ એજયુકેશન એક્સ્પો-2025માં વિદ્યાર્થીઓ, વાલીઓ અને શિક્ષણપ્રેમીઓ નિ:શુલ્ક ભાગ લઈ શકાશે. 

એક્સ્પો-2025’ ના ભાગરૂપે 5 ડિસેમ્બર શુક્રવારે કિશોરકાકા તરીકે પ્રખ્યાત સ્મિત પંડ્યા દ્વારા એન્ટરટેઈનમેન્ટ સેશન યોજાશે. આ ઉપરાંત 6 ડિસેમ્બરે શનિવારે પ્લેબેક સિંગર અસીસ કૌરની લાઇવ કોન્સર્ટ યોજાશે. 

એજ્યુકેશન, ઇનોવેશન અને ઓપર્ચ્યુંનીટીના ફ્યુઝન સમાન ‘ચારુસેટ એજયુકેશન એક્સ્પો-2025’ માં વિદ્યાર્થીઓ, વાલીઓ અને શિક્ષણપ્રેમીઓને વિવિધ શૈક્ષણિક કાર્યક્રમોની માહિતી પ્રાપ્ત થશે. એક્સ્પોમાં 3 દિવસ દરમિયાન કેરિયર કાઉન્સેલિંગ ફેર, સ્ટુડન્ટ પ્રોટોટાઈપ શોકેસ, ઇન્સ્ટીટયુટ વિઝિટનો લાભ લઇ શકાશે. 

આ એક્સ્પો વિદ્યાર્થીઓ, વાલીઓ, શિક્ષકો અને ઉદ્યોગ વ્યાવસાયિકોને ચારુસેટમાં ઉપલબ્ધ વિવિધ શૈક્ષણિક અભ્યાસક્રમો વિશે માહિતગાર કરવા અને વ્યાપક પ્લેટફોર્મ પ્રદાન કરવા યોજવામાં આવશે. એક્સ્પોમાં વિદ્યાર્થીઓ અને વાલીઓ વિવિધ સ્ટોલોની મુલાકાત લઇ એડમિશન પ્રોસેસ, વિવિધ કોર્સ, સ્કોલરશીપ વગેરે માહિતી તેમજ કારકિર્દી માર્ગદર્શન પ્રાપ્ત કરી શકશે. 

એક્સ્પો દરમિયાન ચારુસેટના વિદ્યાર્થીઓ અને સંશોધકો દ્વારા રિસર્ચ પ્રોજેક્ટ્સ, પ્રોટોટાઇપ્સ અને વર્કિંગ મોડલ્સનું પ્રદર્શન કરવામાં આવશે.