AnandToday

પેટલાદના ધારાસભ્ય શ્રી કમલેશભાઈ પટેલના હસ્તે વિવિધ વિકાસ કામોનું ઇ લોકાર્પણ અને યોજનાકીય સહાયના લાભોનું વિતરણ કરાયું

પેટલાદ તાલુકાના બાંધણી, રવિપુરા અને અરડી ગામે વિકાસ રથનું કરાયું ભવ્ય સ્વાગત

આણંદ ટુડે | આણંદ,

 આણંદ જિલ્લામાં વિકાસ સપ્તાહનો વિકાસ રથ પરિભ્રમણ કરી રહ્યો છે. આજે પેટલાદ તાલુકાના વિવિધ ગામો ખાતે વિકાસ રથ આવી પહોંચ્યો હતો. જેમાં બાંધણી, રવિપુરા અને અરડી ગામ ખાતે પેટલાદ વિધાનસભાના ધારાસભ્ય શ્રી કમલેશભાઈ પટેલ અને મહાનુભાવો દ્વારા વિકાસ રથનું ભવ્ય સ્વાગત કરવામાં આવ્યું હતું.

આ પ્રસંગે પેટલાદ વિધાનસભા ના ધારાસભ્યશ્રી કમલેશભાઈ પટેલ અને મહાનુભાવો દ્વારા નારપુરા પ્રાથમિક શાળાના મધ્યાહન ભોજન શેડના કામનું ઈ લોકાર્પણ, સુણાવ ગામે મધ્યાહન ભોજન શેડના કામનું ઈ લોકાર્પણ, વિસનોલી ગામે કોલોની વિસ્તારમાં સ્મશાનના વરંડા નું રિવાઇઝ કામનું ઈ લોકાર્પણ કરવામાં આવ્યું હતું. આ ઉપરાંત ધારાસભ્યશ્રીના હસ્તે લાભાર્થીઓને આયુષ્યમાન કાર્ડ નું અને વિવિધ સહાયના લાભોનું પણ વિતરણ કરવામાં આવ્યું હતું.

પેટલાદના ધારાસભ્ય શ્રી કમલેશભાઈ પટેલે વિકાસ સપ્તાહના માધ્યમથી સરકારની વિવિધ યોજનાઓના લાભો ની જાણકારી મેળવી કોઈપણ છેવાડાનો માનવી સહાયથી વંચિત ન રહે તે માટે અનુરોધ કર્યો હતો. તાલુકા વિકાસ અધિકારી શ્રી એ પ્રાસંગિક ઉદબોધન કર્યું હતું.

વિકાસ રથના માધ્યમથી પેટલાદ તાલુકાના ગામો ખાતે વિકાસ ગાથા ફિલ્મનું નિર્દેશન તેમજ વિવિધ સરકારી યોજનાઓના સાહિત્યનું વિનામૂલ્યે વિતરણ કરવામાં આવ્યું હતું. અંત માં મહાનુભાવોના હસ્તે પ્રાથમિક શાળા કમ્પાઉન્ડમાં વૃક્ષારોપણ કર્યું હતું.

આ પ્રસંગે પેટલાદ તાલુકા પંચાયત પ્રમુખશ્રી સોનલબેન પટેલ, કારોબારી ચેરમેન શ્રી પ્રજ્ઞેશભાઈ પટેલ, જિલ્લા પંચાયત સભ્ય શ્રી કોકિલાબેન સોલંકી, મામલતદાર શ્રી, તાલુકા વિકાસ અધિકારી શ્રી, પ્રોગ્રામ ઓફિસર શ્રી,અગ્રણી શ્રી રાજેશભાઈ ઠાકોર, અલ્પેશભાઈ પટેલ, હિતેન્દ્રસિંહ પરમાર, બાંધણી ગામના સરપંચ વૈશાલીબેન સોલંકી, રવિપુરાના સરપંચ રાજેશભાઈ, વિવિધ ગામો ના સરપંચશ્રીઓ સહિત વિશાળ સંખ્યામાં ગ્રામજનો ઉપસ્થિત રહ્યા હતા.

****