AnandToday

આણંદના ધારાસભ્યની નિષ્ક્રિયતા ભાજપ માટે ભવિષ્યમાં એટલે કે ૨૦૨૭ વિધાનસભાની ચૂંટણીમાં પડકારરૂપ સાબિત થઈ શકે છે. !

ચૂંટણી ટાણે ડોકિયા કરતા આ નેતાજીના હવે દર્શન પણ દુર્લભ બન્યાં

પોતાના મતવિસ્તારમાં સક્રિય રીતે કામ કરવામાં નિષ્ફળ રહ્યા હોવાની ફરીયાદો ટોક ઓફ ધી ટાઉન બની

આણંદ ટુડે | આણંદ

આણંદના કહેવાતા લોક લાડીલા, કોગ્રેસને રામ રામ કરીને ભાજપનો ભગવો ધારણ કરના૨ ધારાસભ્ય યોગેશ પટેલ ઉફે બાપજી પોતાના મતવિસ્તારમાં સક્રિય રીતે કામ કરવામાં નિષ્ફળ રહ્યા હોવાની ફરીયાદો ટોક ઓફ ધી ટાઉન બની છે

આણંદ વાસીઓના મૂળભૂત પ્રશ્નો જેમ કે રોજગાર, શિક્ષણ,સ્વચ્છતા, આરોગ્ય સેવાઓ અને તેમાય ખાસ કરીને શહેરમાં અને શહેરમાંથી પસાર થતા દાંડીમાર્ગ પર ગેરકાયદે ખડકાયેલા દબાણો અને રખડતાં ઢોરોની સમસ્યાઓનું નિરાકરણ લાવવામાં તેઓ અસમર્થ રહ્યા છે. આ બંને સમસ્યા શહેરીજનો માટે માથાના દુખાવા બની છે પરંતુ ધારાસભ્યના પેટનું પાણી પણ હાલતું નથી ! વાહ રે. પ્રજા ના સેવક ! ચૂંટણી ટાણે ડોકિયા કરતા આ નેતાજીના હવે દર્શન પણ દુર્લભ બન્યા હોવાનું કેટલાક મતદારોને કહેવુ છે.એટલું જ નહીં આણંદની સરકારી કચેરીઓમાં કેટલાક સરકારી બાબુઓ પ્રજાના ચૂંટાયેલા આ પ્રતિનિધિનું સાંભળતા જ ન હોવાનો પણ આક્ષેપ કરાયો છે .. કહેવાય છે કે આ ધારાસભ્યને પ્રજાની સેવામાં નહીં પરંતુ...! રસ છે.

આણંદના મતદાતાઓ જેમણે ભાજપને સમર્થન આપ્યું છે હવે પોતાના ધારાસભ્યની નિષ્ક્રિયતાથી નિરાશ થઈ રહ્યા છે. ઘણા મતવિસ્તારોમાં ધારાસભ્યની ગેરહાજરી અને જનતા સાથેનો સંપર્ક ન રાખવાની ફરિયાદો પણ સામે આવી રહી છે. આના કારણે ભાજપની જનસમર્થનની પાયાની શક્તિ નબળી પડી રહી છે. ખાસ કરીને યુવા મતદાતાઓ અને ગ્રામીણ વિસ્તારોના લોકોમાં અસંતોષ વધી રહ્યો છે જે ભાજપ માટે ભવિષ્યમાં એટલે કે ૨૦૨૭ વિધાનસભાની ચૂંટણીમાં પડકારરૂપ સાબિત થઈ શકે છે. !