AnandToday

CVM યુનિવર્સિટીના પ્રમુખ અને ચારૂતર વિદ્યામંડળના અધ્યક્ષશ્રી ભીખુભાઈ પટેલને વિદ્યારત્ન એવોર્ડ’થી સન્માનિત કરાયા

Master Soft Higher Education Leaders’ AI Conclave મુંબઇમાં શિક્ષણ, સમાજ અને માનવતા માટે કરેલા અનમોલ યોગદાનને ધ્યાનમાં લઈને વિદ્યારત્ન એવોર્ડ એનાયત કરાયો

શ્રી પરમ પૂજ્ય હ.હ. સ્વામી ગોવિંદદેવ ગીરીજી મહારાજ, શ્રી રામ મંદિર, અયોધ્યાના સ્થાપક ટ્રસ્ટીની વિશેષ ઉપસ્થિતિમાં એવોર્ડ એનાયત કરાયો

વિદ્યાર્થીઓ, સમાજ અને દેશની સમૃદ્ધિ માટે મારું યોગદાન સતત ચાલતું રહેશે -ભીખુભાઈ બી. પટેલ

આણંદ ટુડે |વલ્લભ વિદ્યાનગર
આણંદ શહેર પાસેના શિક્ષણધામ વલ્લભ વિદ્યાનગર સ્થિત CVM યુનિવર્સિટીના પ્રમુખ અને ચારુતર વિદ્યામંડળ CVM ના અધ્યક્ષ શ્રી ભીખુભાઈ બી. પટેલ ને Master Soft ના મુખ્ય Higher Education Leaders’ AI Conclave, મુંબઈમાં શિક્ષણ, સમાજ અને માનવતા માટે કરેલા અનમોલ યોગદાનને લઈને વિદ્યારત્ન એવોર્ડથી સન્માનિત કરવામાં આવ્યા છે.
આ એવોર્ડ શ્રી પરમ પૂજ્ય હ.હ. સ્વામી ગોવિંદદેવ ગીરીજી મહારાજ, શ્રી રામ મંદિર, અયોધ્યાના સ્થાપક ટ્રસ્ટીની વિશેષ ઉપસ્થિતિમાં આપવામાં આવ્યો હતો. સમગ્ર દેશભરમાંથી ૨૦૦થી વધુ શૈક્ષણિક સંસ્થાઓ અને યુનિવર્સિટીઓના અગ્રણી શૈક્ષણિક નેતાઓના ભવ્ય સમારોહમાં આ સન્માન આપવામાં આવ્યું હતું.
આ સન્માન ભીખુભાઈ બી. પટેલની અખંડ દ્રષ્ટિ, ઉત્તમ નેતૃત્વ અને જીવનભર શિક્ષણ ક્ષેત્રમાં સમર્પિત સેવાભાવનું પ્રતિક છે. તેમણે શિક્ષણક્ષેત્રને આગળ વધારવા અને સમાજની સર્વાંગી વિકાસ માટે સતત પ્રયત્ન કર્યા છે, જે સમગ્ર શૈક્ષણિક જગત અને સમુદાય માટે પ્રેરણાસ્પદ છે.

આ અવસર પર ભીખુભાઈ બી. પટેલે  પોતાનો પ્રતિભાવ આપતા જણાવ્યું હતું કે વિદ્યાર્થીઓ, સમાજ અને દેશની સમૃદ્ધિ માટે મારું યોગદાન સતત ચાલતું રહેશે.

CVM યુનિવર્સિટી તરફથી શ્રી ભીખુભાઈ બી. પટેલને હૃદયપૂર્વકના અભિનંદન અને શુભેચ્છા પાઠવવામાં આવી હતી અને તેમના વિશ્વસનીય નેતૃત્વ હેઠળ સીવીએમ યુનિવર્સિટી વધુ ઉંચાઈઓ હાંસલ કરશે તેઓ વિશ્વાસ વ્યક્ત કરવામાં આવ્યો છે.
***