વલ્લભ વિદ્યાનગર
સરદાર પટેલ યુનિવર્સિટી દ્વારા છેલ્લા ૩૬થી વધુ વર્ષથી નિયમિતપણે યોજાતા.આંતર કોલેજ યુવક મહોત્સવનું ઉદ્ઘાટન સમારંભ માનવ વિધાભવનના પટાંગણ ખાતે તારીખ ૧૮-૯-૨૦૨૫ને ગુરુવારના રોજ સવારે ૯:૩0 કલાકે યોજાશે. જેમાં મુખ્ય મહેમાન પદે ઉદ્ધાટન સમારોહના મુખ્ય અતિથિ તરીકે ડૉ.મહેશ ચંપકલાલ પ્રોફેસર એમેરિટ્સ – ડ્રામા,મહારાજા સયાજીરાવ યુનિવર્સિટી ઓફ બરોડા.(સંગીત નાટક અકાદમી એવોર્ડ). ઉપસ્થિત રહેશે. આ યુવક મહોત્સવ સરદાર પટેલ યુનિવર્સિટીના કુલપતિશ્રી પ્રો. નિરંજન પટેલની અધ્યક્ષતામાં યોજાશે.આ વર્ષના યુવક મહોત્સવમાં સરદાર પટેલ યુનિવર્સિટી સંલગ્ન કોલેજો તથા અનુસ્નાતક વિભાગોમાંથી ૭૨ કોલેજો અને અનુસ્નાતક વિભાગો માંથી કુલ ૧૨૦૦ જેટલા વિદ્યાર્થીઓ ઉત્સાહભેર ભાગ લઈ રહ્યા છે. આ યુથ ફેસ્ટિવલમાં થીયેટર, લીટરરી ઈવેન્ટ, મ્યુઝિક, ફાઈન આર્ટસ અને ડાન્સની કુલ પાંચ કેટેગરીમાંથી અલગ-અલગ ૨૫ વિવિધ સ્પર્ધાઓ યોજાશે. આ વર્ષે યુથ ફેસ્ટિવલ ઓર્ગેનાઈઝિંગ કમિટિના ચેરમેન તરીકે વસો કોલેજન આચાર્યશ્રી ડૉ. પંકજ પટેલ ની નિમણૂંક થઈ છે.
આ યુવક મહોત્સવની ૨૫ જેટલી સ્પર્ધાઓ માનવ વિદ્યાભવન, અનુસ્નાતક રસાયણ વિભાગ,એમ પી પટેલ ઓડીટોરીયમ અને ભાઈકાકા પુસ્તકાલય ખાતે યોજાશે. જેમાં માનવ વિદ્યાભવન ખાતે તારીખ ૧૮-૯-૨૦૨૫ ને ગુરુવારના રોજ સવારે ૧૦:૩૦એ વન એક્ટ પ્લે, તારીખ ૧૯-૯-૨૦૨૫ને શુક્રવારના સવારે ૯:૩૦ એ સ્કિટ, ૧૧:૩૦ એ મિમિક્રી અને બપોરે ૨ વાગ્યે માઈમ, તારીખ ૨૦-૯-૨૦૨૫ને શનિવારના રોજ બપોરે ૩ વાગ્યે લોકનૃત્ય અને આદિવાસીનૃત્ય યોજાશે. જેના ઇન્ચાર્જ તરીકે ડૉ. વૈભવ જોશી(આર્ટસ,કોમર્સ &સાયન્સ કોલેજ, ખંભાત) અને અન્ય ઇન્ચાર્જ તરીકે પ્રુથા સોની(જે & જે સાયન્સ કોલેજ, નડિયાદ), ડૉ.ચંદ્રકાંત તન્ના (શ્રીમતી. એસ. આઈ. પટેલ ઈપ્કોવાલા કોલેજ ઓફ કોમર્સ, પેટલાદ), ડો.રાજેશ્વરીબેન પટેલ (ગુજરાતીનો પીજી વિભાગ, એસ.પી. યુનિવર્સિટી, વી.વી.નગર) પોતાની જવાબદરીઓ નિભાવશે.
અનુસ્નાતક રસાયણ વિભાગ ખાતે તારીખ ૧૮-૯-૨૦૨૫ને ગુરુવારના રોજ સવારે ૧૦:૩૦ વાગ્યે Classical instrumental solo(Percussion), ૧૧:૩૦ વાગ્યે Classical Instrumental Solo (Non- Percussion) અને ૧ વાગ્યે વકતૃત્વ સ્પર્ધાઓ યોજાશે જેમાં ઇન્ચાર્જ તરીકે ડો. સીમા રાઠોડ(પી.જી. હિન્દી વિભાગ એસ.પી. યુનિવર્સિટી, વી.વી.નગર), ડૉ. પિયુષ રાવલ(પી.જી. અંગ્રેજી વિભાગ,એસ.પી. યુનિવર્સિટી વી.વી.નગર), ડૉ મોહિતગીરી ગોસ્વામી (પી.જી. એજ્યુકેશન વિભાગ, એસ.પી. યુનિવર્સિટી વી.વી.નગર)ડો.નિલેશ શાહ(આણંદ લો કોલેજ, આણંદ) પોતાની જવાબદારી નિભાવશે.
એમ.પી. પટેલ ઓડિટોરિયમ ખાતે તારીખ ૧૮-૯-૨૦૨૫ને ગુરુવારના સવારે ૧૦:30 વાગ્યે ક્લાસિકલ વોકલ સોલો(હિન્દુસ્તાની/કર્ણાટકી), બપોરે ૧૨:૩૦ વાગ્યે લાઇટ વોકલ સોલો અને બપોરે ૪ વાગ્યે સમૂહ ગીત ભારતીય, તારીખ ૧૯-૯-૨૦૨૫ને શુક્રવારના રોજ સવારે ૯:૩૦ વાગ્યે શાસ્ત્રીય નૃત્ય, સવારે ૧૧:૦૦ વાગ્યે ગ્રુપ સોંગ(વેસ્ટર્ન), બપોરે ૧૨:૩૦ વાગ્યે વેસ્ટર્ન વોંકલ સોલો, સવારે ૧૦.૦૦ વાગ્યે ક્વિઝ યોજાશે જેમાં ઇન્ચાર્જ તરીકે ડો. પિનાકીની પંડ્યા (પી.જી. ગુજરાતી વિભાગ, એસ.પી. યુનિવર્સિટી, વી.વી.નગર), અન્ય ઇન્ચાર્જ ડો. અનિલા મિશ્રા (પી.જી. હિન્દી વિભાગ, એસ.પી. યુનિવર્સિટી, વી.વી.નગર), ડો. વિરાજ રોગેલિયા (પી.જી. હોમ સાયન્સ એસ.પી. યુનિવર્સિટી વી.વી.નગર), ડો.દીપિકા મોદિયાણી (એમ.બી. પટેલ સાયન્સ કોલેજ, આણંદ) પોતાની ફરજ બજાવશે.
ભાઈકાકા પુસ્તકાલય ખાતે તારીખ ૧૮-૯-૨૦૨૫ને ગુરુવારના રોજ સવારે ૯ થી ૧૧.૩૦ સુધી ઓન ધ સ્પોટ પેઇન્ટિંગ, બપોરે ૧૨ થી ૨:૩૦ સુધી પોસ્ટર મેકિંગ, બપોરે ૩ થી ૫ વાગ્યા સુધી કોલાજ, ૩ થી ૫:૩૦ વાગ્યા સુધી સ્પોટ ફોટોગ્રાફી, તારીખ ૧૯-૯-૨૦૨૫ને શુક્રવારના રોજ સવારે ૯ થી ૧૧:૩૦ વાગ્યા સુધી રંગોળી, બપોરે ૧૨ થી ૨:૩૦ સુધી ક્લે મોડલિંગ, બપોરે ૩ થી ૫:૩૦ સુધી કાર્ટૂનિંગ અને Installation યોજાશે જેમાં ઇન્ચાર્જ તરીકે ડૉ. સુધા રાઠવા (પી.જી. ગુજરાતી વિભાગ, એસ.પી. યુનિવર્સિટી, વી.વી.નગર) અને અન્ય ઇન્ચાર્જ તરીકે ડો. ભૂપેશ એસ. ભટ્ટ (પી.જી. રસાયણશાસ્ત્ર વિભાગ, એસ.પી. યુનિવર્સિટી, વી.વી.નગર) પોતાની ફરજ બજાવશે.
આ સિવાય વિવધ અન્ય સમિતિઓમાં આશરે ૧૫૦ જેટલા અધ્યાપકો અને વહીવટી કર્મચારીઑ આ યુવક મહોત્સવને સફળ બનાવવા પોતાની સેવાઓ આપશે.
આ યુવક મહોત્સવના સમાપન સમારંભમાં ગુજરાતમાં નાટયગુરુ તરીકે ખ્યાતનામ લેખક, દિગ્દર્શક અને એક્ટર એવા પ્રો. કમલ જોશી મુખ્ય અતિથિ તરીકે ઉપસ્થિત રહેશે. આ ઉપરાંત અતિથિ વિશે તરીકે એમિટી યુનિવર્સિટી જયપુરના કુલપતિશ્રી પ્રો. અમિત જૈન ખાસ ઉપસ્થિત રહેશે.
Copyright © Copyright © anandtoday.com. All rights reserved