AnandToday

વલ્લભ વિદ્યાનગર ખાતે આવેલ કપિલ દેવ ફાસ્ટ ફૂડ સ્વચ્છતાનો અભાવ જોવા મળતા શીલ કરાયું

કરમસદ આણંદ મહાનગરપાલિકાની આરોગ્ય વિભાગની ટીમ દ્વારા ખાણીપીણીના એકમો ખાતે આકસ્મિક ચેકિંગ હાથ ધરાયું

આણંદ ટુડે | આણંદ,
 કરમસદ આણંદ મહાનગરપાલિકાના કમિશનર શ્રીની સુચના મુજબ મહાનગરપાલિકાના આરોગ્ય વિભાગની ટીમ અને એસ્ટેટ વિભાગની ટીમ દ્વારા આકસ્મિક મનપા વિસ્તારની વલ્લભ વિદ્યાનગર ખાતે આવેલ વિવિધ હોટલ, રેસ્ટોરન્ટ, ખાણીપીણીના એકમો ખાતે જાહેર સ્વચ્છતા બાબતે તપાસણી હાથ ધરવામાં આવી હતી.

આ તપાસણી દરમિયાન વલ્લભ વિદ્યાનગર ખાતે આવેલ કપિલદેવ સુપર સ્ટોર/ ફાસ્ટ ફૂડ /મગ પુલાવ ખાતે  મહાનગરપાલિકાના આરોગ્ય વિભાગની ટીમ મેડિકલ ઓફિસર ઓફ હેલ્થ, એસ્ટેટ વિભાગના ઇન્સ્પેક્ટર અને ટીમ દ્વારા આ એકમ ખાતે જરૂરી તપાસણી કરતા જાહેર આરોગ્યને નુકસાન કરતી ગંભીર ક્ષતિઓ જોવા મળી છે, જે નાગરિકોના જાહેર આરોગ્ય માટે અત્યંત જોખમકારક છે.
આ ઉપરાંત કપિલ દેવ ફાસ્ટ ફૂડ ખાતે હાઈજીન અને સ્વચ્છતા બાબતે જરૂરી તપાસણી કરતા  બિલકુલ હાઈજિન ન હોવાથી લોકોના આરોગ્યને જોખમરૂપ હોય તાત્કાલિક અસરથી આ સુપરસ્ટોર ને  કાયદાની જોગવાઈ ને આધીન જીપીએમસીની કલમ ૩૭૬ એ અંતર્ગત શીલ કરવામાં આવ્યુ છે.

મહાનગરપાલિકાના હેલ્થ વિભાગના મેડિકલ ઓફિસર શ્રી ના જણાવ્યા મુજબ આગામી દિવસોમાં તહેવારના દિવસો દરમિયાન પણ મહાનગરપાલિકા વિસ્તારમાં ખાણીપીણીના એકમો, હોટલ, લારી, ગલ્લાઓ, દુકાનો, રેસ્ટોરન્ટોની ઓચિંતી મુલાકાત લેવામાં આવશે અને જાહેર આરોગ્ય જોખમાતું હશે તો તેઓની સામે કાયદેસરની કાર્યવાહી કરવામાં આવશે, તેમ પણ જણાવ્યું છે.
જેથી મહાનગરપાલિકા વિસ્તારની હોટલ, રેસ્ટોરન્ટ અને ખાણીપીણીના એકમો હાઇજિન અને સ્વચ્છતા રાખે તે ખૂબ જ જરૂરી હોય તે માટે અનુરોધ કરવામાં આવ્યો છે.
***