AnandToday

આજ કલ ઓર આજ 

તા. 26 જૂન : 26 June 
તારીખ તવારીખ : વિજય ઠક્કર (આણંદ)

વંદે માતરમ્ ગીતનાં રચયિતા,બંગાળી સાહિત્યના સમ્રાટ બંકિમચંદ્ર ચેટર્જી નો આજે જન્મદિવસ

બંગાળી ભાષાની નવલકથા 'આનંદમઠ'ના લેખક, કવિ અને પત્રકાર બંકિમચંદ્ર ચેટર્જી (ચટ્ટોપાધ્યાય)નો કોલકાતા ખાતે જન્મ (1838)
તેઓ વંદે માતરમના રચયિતા હતા, મૂળ સંસ્કૃતમાં, ભારતને માતૃદેવી તરીકે દર્શાવતા અને ભારતીય સ્વતંત્રતા ચળવળ દરમિયાન પ્રેરણાદાયી કાર્યકર હતા
આધુનિક બંગાળી અને ભારતીય સાહિત્યના સીમાચિહ્નોમાંનું એક 'આનંદમઠ' સાથે ચટ્ટોપાધ્યાયે બંગાળીમાં ચૌદ નવલકથાઓ અને ઘણી ગંભીર, સીરીયો-કોમિક, વ્યંગાત્મક, વૈજ્ઞાનિક અને વિવેચનાત્મક ગ્રંથો લખી અને તેઓ બંગાળી સાહિત્યના સમ્રાટ તરીકે ઓળખાય છે

* ભારતીય દિગમ્બર સાધુ મુનિ તરુણ સાગરનો મધ્યપ્રદેશ રાજ્યમાં જન્મ (1967)
તેમના પ્રવચનોને કડવે પ્રવચન કહેવામાં આવે છે કારણ કે તેઓ સામાન્ય પ્રથાઓ અને મંતવ્યોની નિખાલસપણે ટીકા કરી શકે છે

* ભારત સરકારમાં નાગરિક ઉડ્ડયન માટેના ભૂતપૂર્વ કેન્દ્રીય પ્રધાન (2014-18) અને ટીડીપીના નેતા પુષપતિ અશોક ગજપતિ રાજુનો ચેન્નાઇ ખાતે જન્મ (1951)
* 
* ભારત સરકારમાં પેટ્રોલિયમ અને કુદરતી ગેસ અને સ્ટીલ મંત્રી ધર્મેન્દ્ર પ્રધાનનો ઓડિશા રાજ્યમાં જન્મ (1969)
* 
* ભારતીય ઓલરાઉન્ડ ક્રિકેટર (27 ટેસ્ટ અને સાત વન-ડે રમનાર) એકનાથ સોલકરનું મુંબઈમાં અવસાન (2005)
* 
* અર્જુન એવોર્ડ અને મેજર ધ્યાનચંદ ખેલ રત્ન એવોર્ડથી સન્માનિત ભારતીય ફીલ્ડ હોકી ખેલાડી છે અને મે 2017 થી ભારતની પુરૂષોની રાષ્ટ્રીય ફીલ્ડ હોકી ટીમના સુકાની મનપ્રીત સિંહ સંધુનો જલંધર ખાતે જન્મ (1992)
ભારત માટે 2011માં 19 વર્ષની ઉંમરે પ્રથમ વખત રમવા બાદ તેમણે ટોક્યો 2020 ઓલિમ્પિક્સમાં ભારતીય ફીલ્ડ હોકી ટીમને બ્રોન્ઝ મેડલ અપાવ્યું હતું

* ભારતના ક્રિકેટ ખેલાડી (1 વનડે અને 13 ટી-20 અંતરરાષ્ટ્રીય મેચ રમનાર) શિવમ દુબેનો મુંબઈમાં જન્મ (1993)
* 
* નેશનલ ફિલ્મ પુરસ્કારથી સન્માનિત ભારતીય ફિલ્મ અભિનેતા, રાજ્યસભા સભ્ય (2016-22), પ્લેબેક સિંગર અને ટેલિવિઝન પ્રસ્તુતકર્તા સુરેશ ગોપીનો કેરળ રાજ્યમાં જન્મ (1959)
* 
* ભારતીય ગાયિકા અને નૃત્યાંગના ગૌહર જાન (એંજલીના યોવર્ડ)નો આઝમગઢમાં જન્મ (1873)
તે ભારતમાં 78 આરપીએમ રેકોર્ડ્સ પર સંગીત રેકોર્ડ કરનાર પ્રથમ કલાકારોમાંના એક હતા, જે પાછળથી ભારતની ગ્રામોફોન કંપની દ્વારા બહાર પાડવામાં આવી અને તેણીને "ધ ગ્રામોફોન ગર્લ" અને "ભારતની પ્રથમ રેકોર્ડિંગ સુપરસ્ટાર" તરીકે ઓળખવામાં આવી હતી 

* ગુજરાતી સાહિત્યકાર, જીવન ચરિત્ર લેખક, બાળસાહિત્ય, વાર્તાલેખક, વિજ્ઞાનલેખક તરીકે પ્રખ્યાત અને ‘જયભિખ્ખુ’ તરીકે જાણીતા ભીખાલાલ (બાલાભાઈ) દેસાઈનો જન્મ (1908)
તેમના પુત્ર કુમારપાળ દેસાઈ ગુજરાતી ભાષાનાં જાણીતાં સાહિત્યકાર છે

* સંગીતકલા અકાદમીનો રાષ્ટ્રીય એવોર્ડ અને ‘પદ્મભૂષણ’થી સન્માનિત મરાઠી રંગભૂમિના અભિનેતા બાલગાંધર્વ (નારાયણ શ્રીપાદ રાજહંસ)નો મહારાષ્ટ્રમાં જન્મ (1888)
* 
* ક્લે પીજીયન શૂટિંગમાં ઓલિમ્પિક માટે ક્વોલિફાય થનારી પ્રથમ ભારતીય મહિલા શૂટર શગુન ચૌધરીનો જયપુરમાં જન્મ (1983) 
* 
* ભારતીય અખબારોના ભૂતપૂર્વ સંપાદક રાજુ નારીસેટ્ટીનો હૈદરાબાદ ખાતે જન્મ (1966)
* 
* બોલિવૂડ ફિલ્મ અભિનેતા અર્જુન કપૂરનો મુંબઈમાં જન્મ (1985)
તેની નોંધપાત્ર ફિલ્મોમાં ઈશકઝાદે, ઔરંગઝેબ, 2 સ્ટેટ, ગુન્ડે, તેવર, કી એન્ડ કા, નમસ્તે ઇંગ્લેન્ડ, હાફ ગર્લફ્રેન્ડ વગેરે છે 
તેના પિતા બોની કપૂર ફિલ્મ નિર્માતા છે

* અંગ્રેજી ફિલ્મોના ભારતીય અભિનેતા, નિર્માતા, નિર્દેશક કુણાલ કપૂરનો મુંબઈમાં જન્મ (1959)
તેમના પિતા શશી કપૂર ખુબ લોકપ્રિય અભિનેતા, નિર્માતા, નિર્દેશક હતા 

* બંગાળી ફિલ્મ અભિનેત્રી અને નિર્માતા રીતાભરી ચક્રવર્તીનો કોલકાતા ખાતે જન્મ (1992)
* 
* આંતરરાષ્ટ્રીય માદક પદાર્થ સેવન અને અવૈધ વ્યાપાર વિરોધ દિન *
*  
>>>> ગ્રામ્ય શબ્દવૈભવ ગજબ હોય છે. પાણીના પ્રશ્નના ઉકેલ માટે દરેક ગામમાં બોર થતા. જેને લોકબોલીમાં બોરિંગ કહેવાતું. ગામમાં કોઇપણ વાયદો આપવા માટે 'સીઝન'માં આપીશું એમ કહેવાતું.. તો રેશનીંગની દુકાનને કવોટા ઉપરથી "કોટો" કહેવામાં આવતું. કારણ વગર લઘુતા અનુભવતા લોકો માટે સંબોધન છે બારદાન ! મિથ્યા પ્રલાપ કરવાવાળાને કહેવાય બુધ્ધિના બારદાન ! આવા અનેક શબ્દો પરભાષાના હોવા છતાં દેશી બનીને ગ્રામ્યવૈભવનો હિસ્સો બની જતા. આજે ઘણા શબ્દો લુપ્ત થતા જાય છે. પગારને મશારો કહેવાતો. સમાચાર ને વાવડ. નોકરને સાથી. ચોમાસાને વરહાળો ! ઉનાળો પછી કેવો અનુપ્રાશ ! તનતોડ મહેનત કરીને પણ બે પાંદડે ના થાય એના માટે કહેવાતું "બહુ ભોથાં ભાગ્યાં..પણ કિસ્મત બે ડગલાં આગળ!" શબ્દનો સહજ સ્વીકાર થાય ત્યારે શાસ્ત્રોને મ્યાન કરી દેવામાં શાણપણ રહેલું હોય છે. 

સંકલન : વિજય ઠક્કર (આણંદ)