AnandToday

આજ કલ ઓર આજ 

તા. 20 જૂન : 20 June 
તારીખ તવારીખ : વિજય ઠક્કર (આણંદ)

ભારતના બીજાં મહિલા રાષ્ટ્રપતિ દ્રૌપદી મુર્મુનો આજે જન્મદિવસ 

ભારતના બીજાં મહિલા રાષ્ટ્રપતિ દ્રૌપદી મુર્મુનો જન્મ 20 જૂન 1958ના રોજ ઓડિશાના મયુરભંજ જિલ્લાના ઉપરબેડા ગામમાં થયો હતો. તેમનો જન્મ મયુરભંજના આદિવાસી પરિવારમાં થયો હતો. દ્રૌપદી મુર્મુના પિતાનું નામ બિરાંચી નારાયણ ટુડુ હતું, જેઓ તેમના સમયમાં ગામના સરપંચ  હતા. દ્રૌપદી મુર્મુએ તેમના ગૃહ જિલ્લામાંથી શિક્ષણ મેળવ્યા પછી ભુવનેશ્વરની રમાદેવી મહિલા કોલેજમાંથી સ્નાતકનું શિક્ષણ મેળવ્યું હતું. તે પછી તેણીએ શિક્ષક તરીકે કારકિર્દી શરૂ કરી. રાજકારણમાં આવ્યા પછી, તે રાજ્ય સરકારમાં કાઉન્સિલર, ધારાસભ્ય અને મંત્રી પણ રહી હતી. મુર્મુ રાજ્યમાં બીજેડી-ભાજપ ગઠબંધન સરકારમાં મંત્રી હતા. તેઓ ર૫ જુલાઈ ૨૦૨૨થી ભારતના ૧૫મા અને વર્તમાન રાષ્ટ્રપતિ તરીકે સેવા આપી રહ્યા છે. તેમણે અગાઉ ૨૦૧૫થી ૨૦૨૧ સુધી ઝારખંડના નવમા રાજ્યપાલ તરીકે સેવા આપી હતી

* પદ્મશ્રી, સાહિત્ય અકાદમી પુરસ્કાર, પ્રવાસી ભારતીય સન્માન, ડબલ્યુએચ સ્મિથ સાહિત્ય પુરસ્કાર અને ક્રોસવર્ડ બુક એવોર્ડ જેવા અનેક પુરસ્કારોથી સન્માનિત ભારતીય નવલકથાકાર અને કવિ વિક્રમ શેઠનો કોલકાતા ખાતે જન્મ (1952)
* 
* સતત વિશ્વની સૌથી વધુ કમાણી કરતી અભિનેત્રીઓમાંની એક અમેરિકન અને ઓસ્ટ્રેલિયન અભિનેત્રી અને નિર્માતા નિકોલ મેરી કિડમેનનો અમેરિકામાં જન્મ (1967)
વિવિધ શૈલીઓમાંથી વિવિધ ફિલ્મ અને ટેલિવિઝન પ્રોડક્શન્સમાં તેના કામ માટે જાણીતી રહી છે 

* ભારતના ક્રિકેટ ખેલાડી (28 ટેસ્ટ રમનાર) રમાકાન્ત દેસાઈનો મુંબઈમાં જન્મ (1939)
તેઓ સિલેકશન કમિટીના ચેરમેન હતા તે સમયમાં સચિન તેડુલકરને ભારતની ક્રિકેટ ટીમના કેપ્ટન બનાવવામાં આવ્યા અને તે કપ્તાની પરત લેવાના બન્ને નિર્ણય, દેસાઈ ચેરમેન પદે હતા ત્યારે જ લેવાયા હતા 

* ગુજરાત ભાજપના નેતા અને બે વખત (1995 અને 1998) ધારાસભ્ય રહેલ ગોરધનભાઈ ઝડફિયાનો ભાવનગરના ગારિયાધાર ખાતે જન્મ (1954)
* 
* ઇંગ્લેન્ડના ક્રિકેટ ખેલાડી (79 ટેસ્ટ અને 122 વનડે રમનાર) એલન લેમ્બનો દક્ષિણ આફ્રિકામાં જન્મ (1954)
* 
* બીજા વિશ્વયુદ્ધના સૌથી વધુ સુશોભિત અમેરિકન લડાયક સૈનિકોમાંના એક ઓડી લિયોન મર્ફીનો જન્મ (1925)
તેઓ અભિનેતા, ગીતકાર અને પશુપાલક પણ હતા અને તેમને યુનાઇટેડ સ્ટેટ્સ આર્મી તરફથી ઉપલબ્ધ બહાદુરી માટે દરેક લશ્કરી લડાઇ પુરસ્કાર તેમજ વીરતા માટે ફ્રેન્ચ અને બેલ્જિયન પુરસ્કારો પ્રાપ્ત થયા છે
 
* તારક મહેતા... ટીવી સિરિયલમાં ટપુના પાત્ર સાથે ખુબ લોકપ્રિય અભિનેતા ભવ્ય ગાંધીનો મુંબઈમાં જન્મ (1997)
* 
* ભારતના ક્રિકેટ ખેલાડી (2 ટેસ્ટ અને 3 વનડે રમનાર) પારસ મહાબરેનો મુંબઈમાં જન્મ (1972)
* 
* ભારતના ક્રિકેટ ખેલાડી (2 ટેસ્ટ રમનાર) ગુંડીબેઈલ સુંદરમનું અવસાન (2010)
* 
* હિન્દી ફિલ્મોમાં જય સંતોષી માં અને સીતા માતા જેવા પૌરાણિક પાત્રો ભજવનાર અભિનેત્રી અનીતા ગુહાનું મુંબઈમાં અવસાન (2007)
* 
* ભારતીય ફૂટબોલ ટીમના કેપ્ટન રહેલ ભૂતપૂર્વ ફૂટબોલ ખેલાડી રેનેડી સિંઘનો મણિપુરના ઇમફાલ ખાતે જન્મ (1979)
* 
* હિન્દી રંગમંચ, ફિલ્મ અને ટેલિવિઝન અભિનેત્રી સુષ્મા સેઠનો દિલ્હી ખાતે જન્મ (1936)
* 
* ભારતીય ચિત્રકાર, શિલ્પકાર, એનિમેટર, ફિલ્મ નિર્માતા અને દ્રશ્ય કલાકાર ચારુવી અગ્રવાલનો દિલ્હીમાં જન્મ (1983)
* 
* હિન્દી ફિલ્મ અભિનેત્રી, નિર્માતા અને થિયેટર કલાકાર નીતુ ચંદ્રાનો પટના ખાતે જન્મ (1984)
તે ક્લાસિકલ ડાન્સર અને સ્પોર્ટ્સપર્સન પણ છે, જે ચોથા ડેન બ્લેક-બેલ્ટ હોવાને કારણે NBA અને તાઈકવૉન્ડો સાથેના તેના ગાઢ જોડાણ દ્વારા દેશમાં બાસ્કેટબોલના પ્રચારમાં સામેલ છે 

* બૉલીવુડ ફિલ્મ અભિનેતા રાહુલ ખન્નાનો મુંબઈમાં જન્મ (1972)
તેની નોંધપાત્ર ફિલ્મોમાં અર્થ, રકીબ, લૈલા, એલાન, વેક અપ સિડ, ફાયર ફાઈલ્સ, દિલ કબડ્ડી વગેરે છે 
તેમના પિતા વિનોદ ખન્ના અને ભાઈ અક્ષય ખન્ના સફળ ફિલ્મ અભિનેતા રહ્યા છે

* પદ્મશ્રી અને પદ્મ વિભૂષણ પુરસ્કારોના પ્રાપ્તકર્તા પ્રોફેસર અને વૈજ્ઞાનિક બાલુ શંકરનનું અવસાન (2012)
* 
* રેડિયો જોકી, પ્રસ્તુતકર્તા, હાસ્ય કલાકાર, દિગ્દર્શક અને ક્રિકેટ કોમેન્ટેટર આરજે બાલાજીનો ચેન્નાઈ (તમિલનાડુ)માં જન્મ (1985) 
* 
* હિન્દી ટેલિવિઝન અભિનેતા શોએબ ઇબ્રાહિમનો ભોપાલમાં જન્મ (1987)
* 
>>>> આપણે પોતાની સ્થિતિ વિશે બીજા લોકો કે સંજોગોને દોષ દેતા હોય છે, પરંતુ આપણા સંજોગો અને આપણી આજુબાજુમાં કેવા લોકો હોય, તેની પસંદગી આપણે જ કરીએ છીએ. આપણા પાસે રસ્તાઓ ખૂટી ગયા હોય, આપણે ગમે તેવા સંઘર્ષમાંથી પસાર થતા હોઈએ, ત્યારે વિકલ્પો આપણી પાસે કાયમ હોય છે. સમયનો ઉપયોગ કેવી રીતે કરવો, કઇ બાબતો પર ધ્યાન આપવું, અને ન આપવું, ઉર્જા ક્યાં, કેવી રીતે વાપરવી, કોની સાથે ઉઠબેસ રાખવી. આ પૈકી આપણે કાયમ કોઈને કોઈ વિકલ્પ પસંદ કરતા રહીએ છે. જે ગમેતેવી નિષ્ફળતામાંથી આપણને ઉભા કરી શકે છે. સફળતા મેળવવાના લાંબા ગાળાના નિર્ણયો આપણે લેતા હોઈએ છીએ. આપણી સાથે જે થાય છે તે આપણા વિકલ્પોના ચયનનું પરિણામ હોય છે. જીવન બીજું કશું નથી, પણ નિરંતર વિકલ્પો પસંદ કરવાની કવાયત છે.

સંકલન : વિજય ઠક્કર (આણંદ)