AnandToday

લોકસભા સામાન્ય ચૂંટણી : ૨૦૨૪ 

આણંદ જિલ્લામાં ૭ વિધાનસભા બેઠકો ઉપર ૧૭.૬૮ લાખથી વધુ મતદારો

કુલ મતદારોમાં ૯,૦૩,૪૦૨ પુરૂષ, ૮,૬૫,૩૧૭ મહિલા અને ૧૩૨ ટ્રાન્સજેન્ડર મતદારોનો સમાવેશ

આણંદ, સોમવાર

જિલ્લા ચૂંટણી અધિકારીશ્રી અને જિલ્લા કલેક્ટરશ્રી પ્રવીણ ચૌધરીના માર્ગદર્શન હેઠળ આણંદ જિલ્લામાં તા. ૦૧-૦૧-૨૦૨૪ ની લાયકાતની તારીખના સંદર્ભમાં ફોટાવાળી મતદારયાદીના ખાસ સંક્ષિપ્ત સુધારણા કાર્યક્રમનું આયોજન કરવામાં આવ્યું હતું. આ ખાસ ઝુંબેશ બાદ હક્ક-દાવા અને વાંધા અરજીનો નિકાલ કરીને મતદાર યાદીની આખરી પ્રસિદ્ધિ કરવામાં આવી છે. 

આ યાદી મુજબ આણંદ જિલ્લામાં આવેલી ૧૦૮-ખંભાત, ૧૦૯-બોરસદ, ૧૧૦-આંકલાવ, ૧૧૧-ઉમરેઠ, ૧૧૨-આણંદ, ૧૧૩-પેટલાદ અને ૧૧૪- સોજીત્રા મળી કુલ ૭ વિધાનસભા મતદાર વિભાગમાં ૧૭.૬૮ લાખથી વધુ મતદારો નોંધાયા છે. આ મતદારોમાં ૯,૦૩,૪૦૨ પુરૂષ, ૮,૬૫,૩૧૭ મહિલા અને ૧૩૨ ટ્રાન્સજેન્ડર મતદારોનો સમાવેશ થાય છે. 

વિધાનસભા મતદાર વિભાગ મુજબ મતદારો જોઈએ તો, ૧૦૮-ખંભાત મતદાર વિભાગમાં ૧,૨૦,૬૧૯ પુરુષ અને ૧,૧૩,૦૬૯ મહિલા, ૧૦૯-બોરસદ મતદાર વિભાગમાં ૧,૩૫,૫૯૧ પુરુષ અને ૧,૨૮,૩૮૫ મહિલા, ૧૧૦-આંકલાવ મતદાર વિભાગમાં ૧,૧૫,૨૯૩ પુરુષ અને ૧,૧૧,૫૬૪ મહિલા, ૧૧૧-ઉમરેઠ મતદાર વિભાગમાં ૧,૩૮,૫૮૧ પુરુષ અને ૧,૩૩,૭૭૯ મહિલા, ૧૧૨-આણંદ મતદાર વિભાગમાં ૧,૫૮,૧૪૬ પુરુષ અને ૧,૫૪,૪૨૬ મહિલા, ૧૧૩-પેટલાદ મતદાર વિભાગમાં ૧,૨૧,૫૫૧ પુરુષ અને ૧,૧૬,૯૭૧ મહિલા અને ૧૧૪-સોજીત્રા મતદાર વિભાગમાં ૧,૧૩,૬૨૧ પુરુષ અને ૧,૦૭,૧૨૩ મહિલા મતદારો નોંધાયા છે. 

૧૧૩ - પેટલાદ મતદાર વિભાગમાં સૌથી વધુ ટ્રાન્સજેન્ડર મતદારો

જિલ્લામાં પુરૂષ - મહિલાઓની સાથે અન્ય જાતિના ૧૩૨ મતદારો નોંધાયા છે. આ મતદારો પૈકી ૧૦૯-બોરસદ મતદાર વિભાગમાં ૬, ૧૧૧-ઉમરેઠ મતદાર વિભાગમાં ૫, ૧૧૨-આણંદ મતદાર વિભાગમાં ૪, ૧૧૩-પેટલાદ મતદાર વિભાગમાં સૌથી વધુ ૧૧૧ અને ૧૧૪- સોજીત્રા મતદાર વિભાગમાં ૬ ટ્રાન્સજેન્ડર મતદારો નોંધાયા છે. 

*****