AnandToday

આણંદના અર્પણ પ્રિન્ટરીના માલિક અર્પણ અને દર્પણ શહેરાવાળાને પ્રિન્ટ ડિઝાઇન એવોર્ડ -2023 એનાયત

બંને બંધુઓને "બેસ્ટ ઓફસેટ પ્રિન્ટર" કેટેગરીમાં પ્રિન્ટ ડિઝાઇન એવોર્ડ -2023 થી સન્માનિત કરાયા.

આ સમારોહમાં ઈન્ડિયાના વેસ્ટર્ન ઝોનના પાંચ રાજયો ગુજરાત, મહારાષ્ટ્ર, મધ્ય પ્રદેશ, ગોવા અને રાજસ્થાનમાથી પ્રિન્ટિંગ અને ડિઝાઇન સાથે સંકળાયેલા વ્યવસાયિકોએ ભાગ લીધો હતો.

આણંદ ટુડે I આણંદ
ગુજરાત પ્રિન્ટર્સ ડિરેક્ટરી દ્વારા યોજાયેલ એવોર્ડ સમારોહમાં આણંદના અર્પણ પ્રિન્ટરીના માલિક અર્પણ શહેરાવાળા અને દર્પણ શહેરાવાળા ને "બેસ્ટ ઓફસેટ પ્રિન્ટર" કેટેગરીમાં પ્રિન્ટ ડિઝાઇન એવોર્ડ -2023 થી સન્માનિત કરાયા હતા.
 ગુજરાત પ્રિન્ટર્સ ડિરેક્ટરી દ્વારા 24 ડિસેમ્બર ના રોજ અમદાવાદ ખાતે નયનભાઈ રાવલ દ્વારા સિટીના કલબ 0'7 માં "પ્રિન્ટ ડિઝાઇન એવોર્ડ -2023 સીઝન ૩"નું આયોજન કરવામાં આવ્યું હતું જેમાં ઈન્ડિયાના વેસ્ટર્ન ઝોનના પાંચ રાજયો ગુજરાત, મહારાષ્ટ્ર, મધ્ય પ્રદેશ, ગોવા અને રાજસ્થાનમાથી પ્રિન્ટિંગ અને ડિઝાઇન સાથે સંકળાયેલા વ્યવસાયિકોએ ભાગ લીધો હતો. એવોર્ડ ફંકશન નું ઉદ્ઘાટન અમદાવાદના ધારાસભ્ય શ્રી અમિતભાઈ ઠાકર દ્વારા કરવામાં આવ્યું હતું સમારંભમાં અરવિંદ વેગડા તથા જય વસાવડા જેવા કલાકારો પણ હાજર રહ્યા હતા આ ઉપરાંત પાંચેય  રાજ્યોના પ્રિન્ટિંગ ઇન્ડસ્ટ્રીના અગ્રણીઓ પણ હાજર રહ્યા હતા આ એવોર્ડ માટે 250 થી પણ વધુ નોમિનેશન રજિસ્ટર થયા હતા. જે પૈકી 65 પ્રોડક્ટ્સને 20 કેટેગરીમાં એવોર્ડ આપી સન્માનિત કરવામાં આવ્યા હતા. જેમા આણંદના અર્પણ પ્રિન્ટરી ઇન્ડિયા પ્રાઇવેટ લિમિટેડ ના અર્પણ શહેરાવાળા અને દર્પણ શહેરાવાળાને "બેસ્ટ ઓફસેટ પ્રિન્ટર" કેટેગરીમાં પ્રિન્ટ ડિઝાઇન એવોર્ડ - 2023 થી સન્માનિત કરવામાં આવ્યા હતા.