AnandToday

બેરોજગાર યુવકો માટે રોજગારીની ઉત્તમ તક

વિદ્યાનગર ખાતે તા. ૨૩ નવેમ્બરના રોજ રોજગાર ભરતી મેળો યોજાશે

જિલ્લાના રોજગાર ઇચ્છુક ઉમેદવારોને ભરતી મેળાનો લાભ લેવા અનુરોધ

આણંદ ટુડે I આણંદ,
 જિલ્લા રોજગાર કચેરી, આણંદ અને યુનિવર્સિટી રોજગાર કેન્દ્ર, વલ્લભ વિદ્યાનગરના સંયુક્ત ઉપક્રમે તા. ૨૩/૧૧/૨૦૨૩ ના રોજ સવારે ૧૦-૩૦ કલાકે વલ્લભ વિદ્યાનગર નાના બજાર ખાતે નલીની અરવિંદ એન્ડ ટી.વી. પટેલ આર્ટસ કોલેજની સામે આવેલ યુનિવર્સિટી રોજગાર કેન્દ્ર ખાતે રોજગાર ભરતી મેળાનું આયોજન કરવામાં આવેલ ‌છે.

આ રોજગાર ભરતી મેળાનો લાભ લેવા ઈચ્છતા માં ૧૮ થી ૩૫ વર્ષની વયના એસ.એસ.સી, એચ.એસ.સી, આઈ.ટી.આઈ, ડિપ્લોમા, સ્નાતક તથા અનુસ્નાતક જેવી લાયકાત ધરાવતા ઉમેદવારોને બાયોડેટાની પાંચ નકલ સાથે ઈન્ટરવ્યુમાં રૂબરૂ હાજર રહેવા જિલ્લા રોજગાર અધિકારીની યાદીમાં જણાવાયું છે.
*****