AnandToday

આજ કલ ઓર આજ 

તા. 5 ઓક્ટોબર : 5 OCTOBER 
તારીખ તવારીખ
સંકલન : વિજય એમ. ઠક્કર

વિશ્વનું પ્રથમ પ્રવાહી બળતણવાળું રોકેટ લોન્ચ કરનાર અમેરિકન ભૌતિકશાસ્ત્રી રોબર્ટ ગોડાર્ડની આજે જન્મજયંતી

અમેરિકન પ્રોફેસર, સંશોધક અને ભૌતિકશાસ્ત્રી રોબર્ટ ગોડાર્ડનો માસાચ્યુસેટ્સ ખાતે જન્મ (1882)
વિશ્વનાં પહેલા પ્રવાહી બળતણથી ચાલતાં રોકેટનાં નિર્માણનો શ્રેય તેમને ફાળે જાય છે, ગોડાર્ડનાં નામે બોલાતી 214 પેટન્ટમાંથી મલ્ટિસ્ટેજ રોકેટ ડિઝાઇન અને લિક્વિડ ફ્યુઅલ રોકેટ ડિઝાઇનની શોધ હવાઇ ઉડ્ડયન ક્ષેત્રે ઘણી મહત્વની સાબિત થઈ અને આ સિદ્ધિ માટે તેમને ‘ફાધર ઑફ મૉર્ડન રોકેટરી’નાં ઉપનામથી નવાજવામાં આવ્યા

* 1970 અને 1980 નાં દાયકાનાં વ્યક્તિગત કમ્પ્યુટર ક્રાંતિનાં પ્રણેતા તરીકે ઓળખાતા અમેરિકન બિઝનેસ મેગ્નેટ, ઔદ્યોગિક ડિઝાઇનર, રોકાણકાર, મીડિયા પ્રોપરાઇટર, એપલ ઇંકનાં સીઈઓ અને સહ-સ્થાપક સ્ટીવ જોબ્સ (સ્ટીવન પોલ જોબ્સ)નું યુ.એસ.નાં કેલિફોર્નિયાનાં પાલો અલ્ટોમાં અવસાન (2011)
તેઓ પિક્સરનાં અધિગ્રહણ પછીનાં વોલ્ટ ડિઝની કંપનીનાં બોર્ડ ઑફ ડિરેક્ટરનાં સભ્ય, પિક્સરનાં અધ્યક્ષ અને બહુમતી શેરહોલ્ડર અને નેએક્સટીનાં સીઇઓ હતાં અને મેકિન્ટોશ, આઇપોડ, આઇફોન, આઈપેડ અને પ્રથમ એપલ સ્ટોર્સનાં સહ-નિર્માતા હતાં

* મુંબઈ હુમલા દરમિયાન (2008) આતંકવાદી વિરોધી કામગીરીમાં ભૂમિકા માટે રાષ્ટ્રપતિ પોલીસ મેડલથી સન્માનિત મુંબઈ શહેરના જોઈન્ટ પોલીસ કમિશનર વિશ્વાસ નારાયણ નાંગરે પાટીલનો જન્મ (1973) 

* અમેરિકન મનોચિકિત્સક અને માદક પદાર્થથી છૂટકારો મેળવવામાં અભૂતપૂર્વ સિદ્ધિ પ્રાપ્ત કરનાર હર્બર્ટ ડેવિડ ક્લેબરનું અવસાન (2018)

● ભારતમાં બ્રિટિશરાજનાં બીજા ગવર્નર જનરલ અને ચીફ ઑફ કમાંડર લૉર્ડ કોર્નવોલિસનું ગાઝીપુરમાં અવસાન (1805)

* મહાત્મા ગાંધીજીનાં અંતેવાસી, સમાજ સુધારક અને પ્રસિદ્ધ સાહિત્યકાર કિશોરલાલ ઘનશ્યામલાલ મશરૂવાળાનો મુંબઈમાં જન્મ (1890)
પ્રથમ પરિચયે જ ગાંધીજીએ તેમને અંગત મંત્રી તરીકે જવાબદારી સોંપી. ‘હરિજન’ પત્રનાં સંપાદન તરીકે સ્વતંત્ર કામગીરી બજાવી. માતૃભાષા અને અંગ્રેજી વિષય પર તેમણે પોતાનાં ધારદાર વિચારો રજૂ કર્યા છે, તેમણે ‘સ્વામી સહજાનંદ’ અને ‘ઈસુ ખ્રિસ્ત’નું જીવનવૃતાંત લખ્યું, શ્રીમદ્ ભગવદગીતાનો તેમણે કરેલો સમશ્લોકી અનુવાદ ‘ગીતા ધ્વનિ’ રૂપે પ્રકાશિત થયો
ઉપરાંત ‘ગાંધી વિચાર’, ‘સ્ત્રી-પુરુષ મર્યાદા’, ‘અહિંસા’, ‘રામ અને કૃષ્ણ’, ‘ગીતા મંથન’, ‘ધર્મ અને રાજકારણ’ જેવાં તત્વજ્ઞાન વિષયક સુપ્રસિદ્ધ ગ્રંથોનું આલેખન કર્યુ

* વીર, સાહસી, ત્યાગ, મમતાનાં મૂર્તિ અને (મધ્યપ્રદેશ) કાલિંજરનાં રાજા કીર્તિસિંહ ચંદેલનાં એકમાત્ર સંતાન મહારાણી દુર્ગાવતીનો જન્મ (1524) 
નારીશક્તિનાં પ્રતિક તેમનાં આત્મસમ્માન અને રાજ્યની સ્વતંત્રતા માટે દુશ્મનો આગળ શિર ન ઝુકાવવાવાળાં આવાં વીર વીરાંગના રાણી દુર્ગાવતીના લગ્ન ગોન્ડવાનાં રાજ્યનાં રાજા સંગ્રામ શાહનાં સૌથી મોટા દલપત શાહ સાથે થયાં હતાં
જેમણે હિંમત અને આશ્રયની તેમની પૂર્વજોની પરંપરાના ગૌરવને વધુ વધાર્યું હતું

* બિહાર રાજ્યના નાણામંત્રી રહેલ જનસંઘ અને ભાજપના નેતા કૈલાશપતિ મિશ્રાનો જન્મ (1923) 

* ભારતીય અને આંતરરાષ્ટ્રીય સિનેમામાં અભિનેતા આદિલ હુસૈનનો જન્મ (1963) 
તે રાષ્ટ્રીય ફિલ્મ પુરસ્કાર મેળવનાર હોટેલ સાલ્વેશન અને મેજર રતિ કેતેકી ઉપરાંત લોકપ્રિય
ધ રિલક્ટન્ટ ફન્ડામેન્ટલિસ્ટ અને લાઈફ ઓફ પાઈ જેવી ફિલ્મો સાથે જોડાયેલા હતા 

* તમિલ, મલયાલમ અને હિન્દી ભાષાની ફિલ્મોમાં સિનેમેટોગ્રાફર, ફિલ્મ નિર્માતા, નિર્માતા અને લેખક એસ રવિ વર્મનનો જન્મ (1973)

* તમિલનાડુમાં અભિનેતા, હાસ્ય કલાકાર, પાત્ર અભિનેતા, સંપાદક, રાજકીય વ્યંગકાર, નાટ્યકાર, સંવાદ લેખક, ફિલ્મ નિર્દેશક અને વકીલ શ્રીનિવાસ ઐયર રામાસ્વામી (ચો રામાસ્વામી)નો જન્મ (1934)

* તમિલ, મલયાલમ અને તેલુગુ ભાષાની ફિલ્મોમાં અભિનેત્રી વનિતા વિજયકુમારનો જન્મ (1980)