AnandToday

કરમસદ ખાતે "એક શામ સહજાનંદ એલિગન્સ કે નામ" સંગીત સંધ્યા કાર્યક્રમ યોજાયો

આણંદ ટુડે I કરમસદ,
આણંદ જિલ્લાના કરમસદ ખાતે આવેલ સહજાનંદ એલીગન્સ સોસાયટીમાં મનોરંજનના હેતુ સર ગ્રીન હાર્ટ સિંગિંગ ક્લબનું "એક શામ સહજાનંદ એલિગન્સ કે નામ" સંગીત સંધ્યા કાર્યક્રમનું આયોજન કરવામાં આવ્યું હતું. આ કાર્યક્રમમાં બાળ કલાકારો આર્યન ધવલ ઉપાધ્યાય તેમજ અથર્વ યશેશ ઓઝા એ પોતાનાં સુમધુર અવાજમાં હિન્દી ફિલ્મનું બાળગીત રજૂ કર્યું હતું જે દર્શકોમાં  આકર્ષણનું કેન્દ્ર બન્યું હતું.સંગીત સંધ્યાના આ કાર્યક્રમમાં અતિથિ વિશેષ તરીકે શ્રી સુમિતભાઈ પટેલ તથા કરમસદ નગરપાલિકા માજી કાઉન્સીલર શ્રી કિરણભાઈ સાંગાણી, માજી કાઉન્સિલર રશ્મિકાંતભાઈ પટેલ ઉપસ્થિત રહ્યા હતા. આ બંને મહાનુભવોએ કલાકારો તથા સોસાયટીના રહીશોને આવા કાર્યક્રમો અવારનવાર થતાં રહે અને એનાં થકી મુલાકાતો થતી રહે અને આવાં મનોરંજન કાર્યક્રમો સાથે પ્રજાનાં પ્રાથમિક પ્રશ્નો હલ કરી શકીએ એવી લાગણી વ્યક્ત કરી હતી. કાર્યક્રમમાં અતિથી વિશેષ તથા કલાકારોનું સ્વાગત સોસાયટી પ્રમુખ સિદ્ધાર્થ ભાઈ વૈદ્ય મંત્રી શ્રી વિશાલભાઈ મરાઠે તથા કમિટી સભ્ય ધવલભાઈ ઉપાધ્યાયે કર્યું હતું તેમજ સમગ્ર કાર્યક્રમમાં એકરિંગ યશેશભાઈ ઓઝાએ કરેલ હતું