AnandToday

આણંદ ખાતે "યુથ હોસ્ટેલ્સ વિક" નિમિત્તે સાયકલ રેલી યોજાઈ

યુથ હોસ્ટેલ્સ એસોસિએશન ઓફ ઇન્ડિયાના આણંદ યુનિટ દ્વારા સાયકલ રેલીનું આયોજન કરાયું

આણંદ ટુડે I આણંદ, 
 યુથ હોસ્ટેલ્સ એસોસિએશન ઓફ ઇન્ડિયાના આણંદ યુનિટ દ્વારા "યુથ હોસ્ટેલ્સ વિક" તેમજ "યુથ હોસ્ટેલ્સ એસોસિએશન ઓફ ઇન્ડિયા" ના સ્થાપના દિવસની ઉજવણીના ભાગરૂપે આણંદ ખાતે સાયકલ રેલી યોજાઈ હતી.

આ સાયકલ રેલી ઝવેરી ક્લિનિક (વેટેનરી હોસ્પિટલ) બોરસદ ચોકડી, આણંદ ખાતેથી પ્રસ્થાન કરી મોગર ખાતેની વન વિભાગની નર્સરી પહોંચી પરત આણંદ આવી હતી. આ સાયકલ રેલીનો મુખ્ય હેતુ સપ્તાહ ઉજવણી, સ્થાપના દિવસ અને યુવાનોમાં યુથ હોસ્ટેલ તેમજ પ્રકૃતિ અને પર્યાવરણ પ્રત્યે સભાનતા કેળવવાનો હતો. 

આ પ્રસંગે વન વિભાગની નર્સરી ખાતે જુદા જુદા વૃક્ષોની ઓળખ સાથે તેનું મહત્વ સમજાવવામાં આવ્યું હતું. આ રેલીમાં ૨૫ સાયકલ સવારોએ ઉત્સાહપૂર્વક ભાગ લીધો હતો.

આ કાર્યક્રમનું આયોજન ચેરમેનશ્રી પરેશ પટેલ, ઉપપ્રમુખ ડો.કમલેશ હડિયા તેમજ સેક્રેટરીશ્રી રશ્મિન જોશી દ્વારા કરવામાં આવ્યું હતું.