AnandToday

શ્રી વીસા ખડાયતા પ્રથમ એકડા પંચ સમસ્ત વડીલોનું વિશ્રામ મંડળ-નડીઆદ દ્વારા સમૂહમાં સત્યનારાયણની કથા યોજાઇ 

સત્યનારાયણની કથામાં ૧૩ દંપતિઓએ યજમાન બની કથાનો અલૌકિક લાભ લીધો 

આણંદ ટુડે I નડીઆદ

પવિત્ર  શ્રાવણ માસમાં દેવાધિદેવ મહાદેવની આરાધના કરવામાં આવે છે તેની સાથે સાથે વિવિધ સમાજ-સંગઠનો દ્વારા સમૂહમાં સત્યનારાયણની કથાનું પણ આયોજન કરવામાં આવી રહ્યું છે. જેના ભાગરૂપે નડીઆદના સિંદુશીપોળ ચકલા પાસે આવેલ શ્રી વીસા ખડાયતા પ્રથમ એકડા પંચ સમસ્તની વાડીમાં જ્ઞાતિના વડીલોનું વિશ્રામ મંડળ દ્વારા સમૂહ સત્યનારાયણની કથાનું આયોજન કરવામાં આવ્યું હતું. આ સમૂહ સત્યનારાયણની કથામાં ૧૩ દંપતિઓએ યજમાન બની કથાનો અલૌકિક લાભ લીધો હતો. 

સત્યનારાયણની કથાના મુખ્ય યજમાન તરીકે ડૉ. ગોપાલ શાહ અને શ્રી સુભાષભાઇ શાહ સહિત સર્વશ્રી  પ્રમુખગોવિંદભાઇ શાહ, આઇ.પી.પી.પંકજભાઇ શાહ, મંત્રી સંજયભાઇ શાહ, ખજાનચી જૈમિનભાઇ શાહ સહિત ધીરજલાલ શાહ,  ઉપેન્દ્રભાઇ શાહ, શ્રી યોગેશભાઇ શાહ, હરીઓમભાઇ શાહ, દિલીપભાઇ આર. શાહ, વિજયભાઇ શાહ અને નરેશભાઇ શાહ સહ યજમાન તરીકે લાભ લીધો હતો. જયારે સમગ્ર સત્યનારાયણની કથાનું રસપાન  શ્રી દક્ષેશકુમાર ભટ્ટે કરાવ્યું હતું. આ સત્યનારાયણની કથાને  સફળ બનાવવામાં કારોબારી સભ્યો સર્વ શ્રી રાજુભાઇ શાહ, અમીતભાઇ શાહ, કૌશિકભાઇ શાહ, પ્રવિણભાઇ શાહ, દિલીપભાઇ શાહએ જહેમત ઉઠાવી હતી. જયારે મોટી સંખ્યામાં મંડળના સભ્યોએ ઉપસ્થિત રહી કથાનો અલૌકિક લાભ લીધો હતો. સમૂહ કથાના સમાપન બાદ મંડળની સામાન્ય સભા મળી હતી. 

----------------------