AnandToday

ગુજરાતના મુખ્યમંત્રી શ્રી ભૂપેન્દ્રભાઈ પટેલે વડતાલધામ ખાતે લક્ષ્મીનારાયણ દેવના દર્શન કર્યા

ગુજરાતની પ્રગતિ ઉત્તરોત્તર વધતી રહે તે માટે  લક્ષ્મીનારાયણ દેવને પ્રાર્થના કરતા મુખ્યમંત્રીશ્રી

નડિયાદ
મુખ્યમંત્રી શ્રી ભૂપેન્દ્રભાઈ પટેલે ખેડા જિલ્લાની તેમની મુલાકાત દરમિયાન નડિયાદ તાલુકાના વડતાલ ધામ પહોંચી ભગવાન લક્ષ્મીનારાયણ દેવના દર્શન કરી ધન્યતાની લાગણી અનુભવી હતી.

આ વેળાએ વડતાલધામ મંદિરના સંતશ્રી  વલ્લભદાસ કોઠારી સ્વામીએ  મુખ્યમંત્રીશ્રીનું ભાવપૂર્ણ સ્વાગત કર્યું હતું.

મુખ્યમંત્રીશ્રીએ વડતાલધામ શ્રી સ્વામિનારાયણ મંદિર ખાતે ભગવાન શ્રી લક્ષ્મીનારાયણ દેવના દર્શન કરી ગુજરાતની  પ્રગતિ ઉત્તરોત્તર વધતી રહે અને નાગરિકોની સુખાકારીમાં વધારો થાય તેવી પ્રાર્થના કરી હતી.

આ પ્રસંગે કેન્દ્રીય સંચારમંત્રી શ્રી દેવુસિંહ ચૌહાણ, આણંદ જિલ્લાના સાંસદ શ્રી મિતેષ પટેલ, વિધાનસભાના નાયબ મુખ્યદંડક શ્રી રમણસિંહ સોલંકી, નડિયાદના ધારાસભ્યશ્રી પંકજભાઈ દેસાઈ તેમજ સંતશ્રીઓ અને ભાવિક ભક્તો ઉપસ્થિત રહ્યા હતા.