AnandToday

આણંદ જિલ્લાના GAS કેડરના ત્રણ અધિકારીઓને બઢતી અપાઈ

શ્રી લલિતકુમાર પટેલ, શ્રી જી. ડી. પ્રજાપતિ અને શ્રી એમ. કે. પ્રજાપતિને સિનિયર સ્કેલમાં બઢતી

આણંદ,
 સામાન્ય વહીવટ વિભાગ ગાંધીનગરના તા.૩૧-૦૫-૨૦૨૩  ના નોટિફિકેશન મુજબ રાજ્યભરમાં GAS (ગુજરાત વહિવટી સેવા) કેડરમાં ફરજ બનાવતા ૭૭ જેટલા વર્ગ-૧ ના અધિકારીઓને સિનિયર સ્કેલમાં બઢતી આપવામાં આવી છે. હાલ આ તમામ અધિકારીશ્રીઓ જે જગ્યા પર કાર્યરત છે તે જગ્યા પર જ ફરજ બજાવશે.

આણંદ જિલ્લામાં અગાઉ મામલતદાર તરીકે ત્યારબાદ પ્રાંત અધિકારી તરીકે અને હાલમાં નાયબ જિલ્લા ચૂંટણી અધિકારી વર્ગ -૧ તરીકે ફરજ બજાવતા શ્રી લલિત કુમાર પટેલ, જિલ્લા પંચાયત ખાતે ફરજ બજાવતા નાયબ જિલ્લા વિકાસ અધિકારીશ્રી જી. ડી. પ્રજાપતિ અને કલેકટર કચેરી ખાતે ફરજ બજાવતા નાયબ કલેકટર શ્રી એમ. કે. પ્રજાપતિને જુનિયર સ્કેલમાંથી સિનિયર સ્કેલમાં બઢતી આપવામાં આવી છે.
*****