આણંદ
આણંદ જિલ્લામાં ધીમી ગતિએ કોરોનાએ માથું ઊંચક્યું છે.જિલ્લામાં સોમવારના રોજ કોરોનાનો વધુ છ પોઝિટિવ કેસ નોંધાયા છે. જેમાં આણંદ તાલુકમાં ત્રણ અને પેટલાદ તાલુકામાં બે અને બોરસદ તાલુકામાં કોરોનાના એક કેસનો સમાવેશ થાય છે. આ સાથે જ આણંદ જિલ્લામાં કોરોના ના સક્રિય કેસની સંખ્યા ૨૩ થવા પામી છે.આ તમામ દર્દી પૈકી ૦૨ દર્દી હાલ હોસ્પિટલમાં સારવાર લઈ રહ્યા છે. જ્યારે ૨૧ દર્દી હોમ આઈસોલેશનમાં છે હાલ આ તમામ દર્દીની હાલત સ્થિર છે.
અત્રે ઉલ્લેખનીય છે કે આણંદ શહેર સહિત સમગ્ર જિલ્લામાં ૨૦૧૯થી તા.૧૦મી એપ્રિલ ૨૦૨૩ સુધીમાં ૧૦૩૪૩૭૭ વ્યકિતઓના કોવીડ -૧૯ ના ટેસ્ટ કરાયા હતાં . જેમાં ૧૦૧૮રપર વ્યક્તિઓનો કોરોના રીપોર્ટ નેગેટીવ આવ્યા હતાં . જયારે કોરોનાની પ્રથમ અને બીજી લહેરમાં કુલ ૧૬૧૨૫
જેટલા વ્યક્તિઓ સંક્રમિત થયા હતા . જે પૈકી ૧૬૦૪૧ દર્દીઓ સારવાર બાદ સ્વસ્થ થઈ જતાં તેમને હોસ્પિટલમાંથી રજા આપી દેવામાં આવી હતી . આણંદ જિલ્લામાં કોરોનાથી અત્યાર સુધી કુલ ૫૫ જેટલા દર્દીઓના મોત થઇ ચુક્યા છે.આજે છ દર્દીઓને હોસ્પિટલમાંથી રજા આપવામાં આવી હતી
Copyright © Copyright © anandtoday.com. All rights reserved